परिवार के मुखिया का शयन कक्ष दक्षिण में क्यों?

parivar ke mukhiya ka shayan kaksh dakshin men kyon?  

Ank ke aur Lekh | Sambandhit Lekh | Views : 481 |  
brahmand ka sanchalan karne vali prakriti apne udykal se lekr aj tak ek anushasanabaddh tarike se gatiman hai. isi prakar ki anushasit dinacharya vaidik rishiyon ne manushya ke lie banai thi, jismen pratah kal jagne se lekar sone tak ka samy nirdharit kiya gaya tha. is anushasanabaddh dinacharya men apne kriyaklapon ko sanpann kar samaj sal dar sal pragti ki taraf barha hai. parantu vartaman samay men vigyan dvara pradatt sukh-suvidhaon ke bavjud manushya ko chain ki nind nasib nahin hai. pratyek manushya anidra, uchch raktachap, tanav ityadi bimariyon se grast dikhai parta hai. manushya jati ko suvyavasthit rup se chalane ke lie grih nirman ki ek vyavastha banai gai hai jise vastushastra kaha jata hai. is shastra ki visheshta hai ki ismen karya ki prakriti evan disha ki prakriti ke anurup kaksh vyavastha ka nirdesh diya gaya hai. shayan vyakti ki vah avastha hai jahan uski dinacharya samapt hoti hai. din bhar men apne kriyaklapon ko sanpanna kar vyakti bharpur nind ki chahat rakhta hai jisse vah chust evan sfurtivan rahe tatha apne kartavyon ka palan kar sake. vastushastra men dakshin disha men parivar ke mukhiya ke shayan kaksh ke nirman ka nirdesh diya gaya hai. is disha ke svami devta yam hain tatha grah mangal hai. yam ka svabhav alasya evan nidra ko utpann karna hai. sone se pahle sharir men alasya evan nidra ki utpatti hone se manushya ko achchi nind ati hai. bharpur nind ke bad sharir fir se tarotaja ho jata hai. iske viprit yadi manushya bharpur nind n le to uske sharir men alasya vidyaman rahta hai jisse uski karyashakti prabhavit hoti hai. dakshin disha men sthit mangal parivar ke mukhiya ko senapti ki bhanti chusta evan chaikanna rakhne men sahayta karta hai jisse uski nirnayashakti majbut banti hai. parivar ka mukhiya yadi sahi samay par sahi nirnay kare to parivar unnati ki or agrasar hota hai. dakshin disha men shayanakaksh banane ke piche ek karan yah bhi hai ki dakshin men chanubkiya shakti ke prabhavavash manushya ko tanavrhit nind ati hai. jaisa ki ham sabhi jante hain, chunbak ke saman dhruvon men vikarshan tatha virodhi dhruvon men akarshan hota hai. atah dakshin men sthit shayanakaksh men dakshin ki taraf sir rakhakar sone se prithvi evan sharir ka viprit dhruv hone ke karan akarshana utpann hota hai jisse manushya purna vishram karta hai tatha tan evan man donon se chust evan durust rahta hai aur rakt ka pravah sahi hone ke karn tanav mukt rahta hai. yadi dakshin disha men parivar ke mukhiya ka shayan kaksha banaya jae, to use apne dayitvon ka nirvah karne men asani hogi. vartaman samay men sari sukh suvidhaon ke bavjud kami hai to keval achchi nind ki. nind n ane ke karan log anek prakar ki bimariyon se grast hain jisse parivar men hatasha evan nirasha vidyaman hai. vibhinn chintaon se grasta ashant vyakti ke lie vastusammata shayanakaksh sahayak siddh ho sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.