1. Home
  2. Vastu
  3. shmashan ke pas ghar ka nishedh kyon
श्मशान के पास घर का निषेध क्यों

shmashan ke pas ghar ka nishedh kyon  

Ank ke aur Lekh | Sambandhit Lekh | Views : 2182 |  
vastu shastra men bhukhand ke as-pas ya amne-samne ke sthanon ka bahut mahatva hai. bhukhand ki shubh ya ashubh dasha ka anuman as-pas ki chijon ko dekhakar kiya ja sakta hai. ghar manushya ki gatividhiyon ka kendra hota hai, jahan par vah apni parivarik, samajik evan arthik gatividhiyon ki ruprekha taiyar karta hai. islie ghar banane se purva ghar ke as-pas ke sthan ka vichar kar lena chahie. vastu shastra men ghar ke samip shmashan ka hona bhayankar dosh mana gaya hai. pratyek manushya janm leta hai tatha uski mrityu bhi nishchit hai. yah bat sab jante hain, parantu mrityu ke abhas matra se hi vyakti asantulit ho jata hai tatha uski manasthiti bhavshunya ho jati hai. ghar ke samip shmashan ki sthiti ghar men rahne vale sadasyon men dar evan bhay ka sanchar karti hai. yah bhay manushya ki buddhi ko asantulit kar deta hai jiske prabhav se manushya ka atmavishvas badhit hota hai aur manushya ki karyakshamata prabhavit hoti hai. shmashan ke pas ghar hone se pratidin shav dekhne ke karan manushya men shok ka sanchar rahega. shok hriday ki vah avastha hai jo manushya ko kinkartavyavimurh bana deti hai. shok ka ehsas bar-bar hone se manushya ke andar vairagya ki bhavna bhi janm le sakti hai. ghar ke andar is prakar ki bhavna ke sanchar se tatha pratidin rote logon ko dekhne se ghar men rahne vale bachchon ke balsulabh man par prabhav par sakta hai. bachchon men kai prakar ki shankaen utpann ho sakti hain jisse bachchon ka vikas bhi badhit hota hai. ghar ka nirman vyakti sukhpurvak jivnyapn karne ke lie karta hai parantu shmashan ghar ke pas hone se sukh ka sthan dukh le leta hai. shmashan men pratidin shav ko jalane se utpann hone vali charbi ki durgandh bhi as-pas ke vatavaran ko prabhavit karti hai. pradushit vatavaran ghar men rahne vale sadasyon ke kriyaklapon ko prabhavit karta hai jisse ghar ke andr tanavamay vatavaran ban sakta hai. shmashan men shav ke sath ane vale jansmuh ke karan as-pas ke gharon ki shanti bhang hoti hai tatha parivar ke sadasyon men ekagrata ki kami hone lagti hai. bar-bar jansmuh ke avagaman se ghar ke as-pas asamajik tatva bhi sakriya ho jate hain jinse ghar ki suraksha bhi prabhavit hoti hai. ghar ka nirman manushya shanti evan nijta ke lie karta hai parantu shmashan ghar ke pas hone se uska santuln prabhavit hota hai. in sab karnon ko dekhte hue vastushastra men shmashan ke pas ghar banane ka nishedh kiya gaya hai.
[+] Aur Padhein
Kya aapko lekh pasand aaya? Subscribe

VastuPrediction TechniqueVastu ConsultationVastu Defects PreventionVastu Purusha & DirectionsVastu Tips

[+] Aur Padhein
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.