क्यों नहीं ले पाते हम दीर्घ जीवन का आनंद

kyon nahin le pate ham dirgh jivan ka anand  

Sambandhit Lekh | Views : 1276 |  
manvi pragti ke lie in dinon pahle ki apeksha kahin adhik gunjaish hai . sadhnon men kami nahin, vriddhi hui hai . purvajon ke pas bhojan ke ghatiya sadhan the, unse adhik prakar ke shak, bhaji, fal, meve ham prapt kar lete hain . chiknai ki matra bhi apekshakrit adhik hisse men ati hai . jara bhi bimari hone par paros men hi hakim-daektar mil jate hain . nit nai aushdhiyon ke avishkar hote chalte hain . aspatal se lekar prayogshalaon aur shodhshalaon ki dhum hai . jisse kisi ko bimari ka kasht n sahna pare . ausat admi ke bhojan men paushtik tatvon ki matra purvajon ki apeksha halki nahin bhari hi parti hai . aisi dasha men ham sabka svasthya achcha hi hona chahie, kintu dekhne men sthiti iske viprit hi ati hai . lambai, unchai, vajan ki drishti se ham apekshakrit barh nahin varan ghat rahe hain . ghatottari ka sabse chintajanak paksh hai - jivni shakti ki nyunta, rog nirodhak shakti, bina thake parishram karne ki kshamata, manobal, sahas, himmat yah jivni shakti ke chihn hain . jab in kshamataon ki kami par jati hai to sharir mans-dharm se dhaka hone par bhi dhila pola pilpila rah jata hai . dekhne-dikhane bhar ke kam ata hai . jivan tatva ki jab kami par jati hai tab chehron par tejasvita dikhai nahin parti . akarshan nahin rah jata, udasi chai rahti hai, koi kam hath men lete hi uske pura hone ki asha nahin bandhti . nirasha chane lagti hai . jara-sa kam men hath dala nahin, ki ang-avayav men thakan anubhav hoti hai . jo kam hanste-khelte, uchlte-kundte ho sakte the, unhen karne ke lie sahayak ki, naukar, vahan ki avashyakta parti hai . jimme lie hue kamon ka rher laga rahta hai . sfurti ke abhav men talm-tol hi ekmatra upay rah jata hai . jab kam jyada jama ho jata hai, to koi bahana banakar jis-tis par dosh marhna parta hai par isse bhi kuch banta to nahin . dusron ki ankhon men apni ankhon men apni ijjat ghatti hai . pratyaksh ya paroksh rup se nikammapan sir par lada rahta hai . suvidhaen jahan pahle ki apeksha barhi hain, vahan kshamata kyon ghati hai ? iska uttar ek hi hai - ‘‘jivni shakti ki ghatottari’’ . isi ke balbute manushya kuch purusharth kar pata hai . rogon se lar pata hai, dirgh jivan ka anand le pata hai . jivni shakti girne par sharir bal aur manobal donon men hi nyunta parti hai . aisi dasha men suyog aur suavasar bhi ankhon ke samne se dekhte-dekhte nikal jate hain tatha udasi aur asflta hi ganth bandhti hai . dekhna yah hai ki purvajon ki tulna men yah ghatottari kyon ho rahi hai ? kis kadar ho rahi hai ? pichli shatabdi par drishti dalte hain to shariron ke akar-prakar men bhi kami pratit hoti . in dinon ausat lambai 5 fut 8 inch aur vajan 60 kilogram hai, par kuch dashkon purva aisi sthiti nahin thi . kad bhi uncha tha aur vajan bhi adhik tha . usmen jyada kami n hui ho, to bhi parakram vali jivni shakti to nishchit rup se kam ho gai hai . sfurti aur himmat donon hi ghat rahi hai . jara-sa parishram karte hi thakan aur udasi chane lagti hai . iska kad aur vajan se sambandh hai . jiski haddiyan bhari, majbut aur chairi hain - vah parakram bhi adhik kar sakega, bhojan bhi adhik karega, uske pachne par rakta-mans adhik banega aur purusharth bhi adhik ban parega, par yadi sharir halka, fulka, thigna, kamjor hai to usse khaya bhi kam jayega, pachega bhi kam aur rakt mans ki nyunta se kamjori ke chihn sarvatra drishtigochar honge . striyan in dinon ausatan 5 fut 6 inch aur vajan men 55 se 58 kilogram ki hoti hai . iski tulna men inhin dinon jivit vyaktiyon men is ausat ki tulna men kahin adhik kad aur bhar dekha ja sakta hai . jo chale gaye, ve to donon hi drishtiyon men adhik bhari-bharakam the . isi anupat men uski kshamata bhi kafi barhi-charhi thi ‘‘viliv it aur naet’’ pustak ke kuch udaharan is sambandh men yahan diye ja rahe hain . san 1962 ki bat hai ki filistin ka ek pahlvan devir nam se mashhur tha . uski unchai 210 sentimitar arthat chah hath se bhi adhik thi . utni hi majbut uski jivni shakti thi . iran ke basra shahar ka sipahi khan 312 sentimitar uncha tha . pramanik lambai ke hisab se amerika ka rabart vashing vailo 272 sentimitar tak pahunch gaya tha . tainesi ka jarj viliyam rigan 254 sentimitar ka tha . pakistan ka muhammad alam channa 259 sentimitar napa gaya . is prakar pichle dinon darjanon 250 sentimitar lambai ke lagabhag ke vyakti hue hain. sansar ke jivit vyaktiyon men shikago (amerika) ka jan kailar sabse lamba admi hai. uski lambai 8 fut 4 inch hai . isse bhi barhakar sindh (pakistan) ka maksud alam hai . uski lambai 8 fut 6 inch hai. aise mamlon men thayrair ki bimari ke karan lambai barhna kaha jata hai, kintu in donon ka svasthya bilkul thik hai . ek dusra vyakti jiski mrityu 22 varsh ki umra men ho gai thi, rabard kaningham 11 fut 1 inch tak pahunch gaye the . sambhavatah vah ekromigaili rog se grast raha ho . mahilaon men chin ke hunan prant ki sang chun ling ki lambai 217 sentimitar tak anki gai thi . kanara ki sedi elan 231 sentimitar lambai ki thi . duniya ke sabse lambe dampatti kanara ke dahan aur unki patni martin donon lagabhag 250 sentimitar ke the . tutni ki adim jatiyon men log 231 se 244 sentimitar tak payej jate rahe hain . unmen damakham bhi khub hota hai. lambe dampattiyon men kenprit mart veds ki lambai 7 fut 5 inch thi . unke pati enna svan 7 fut 7 inch lambe the . donon ne milakar sarakas men naukri kar li thi, jahan unhen achcha vetan milta tha . amerika ka vivafard tayasan ek mana hua vakil tha . uski lambai 8 fut 7 inch thi . ayrlaind ke kartar ka kad 8 fut 3 inch tha . tab vah 19 varsh ka tha . vah kahta tha - mera bap bradan 9 fut ka tha . uske barabar hone tak main bhi usse kam n rahunga . lambe admi apne kad ke hisab se khate bhi hain aur mehanat bhi karte hain . pahnne ke kapre, jute speshal banvane parte hain . bistar bhi bare bante hain . itne par bhi unke karan kisi ko ghata nahin parta . ab se koi 300 varsh pahle ab ki apeksha bahut lambe aur vajndar admiyon ki pirhi sansar bhar men thi. tab unka aisa hona koi ashcharyajanak nahin mana jata tha . admiyon ki ghatottari to dhire-dhire hui hai . itihasvetta maigenil ne dakshini amerika ke raind indiyanon ko sarhe 7 fut uncha paya tha . mistra ka shasak sisro 8 fut ka tha . rom ka shasak maiksaman bhi 8 fut ka tha . shahi darbaron men aise hi lambe admi dhundh-dhundh kar tab rakhe jate the . parshiya ke shasak fredrik viliyam ne lambe manushyon ki ek sena banai thi, jismen 2900 sainik the. inka ausat kad 8 fut tha . yang namak ek chini larka 19 varsh ki ayu men hi 9 fut lamba aur 104 ki.gra. ka ho gaya tha . vah ajivan svasth raha . misuri, amerika ki ek larki ilahivig 25 varsh ki hote-hote sarhe sat fut aur 113 ki.gra. vajan ki ho gai thi . rikaerdas men sabse bhari manushya vashingatan ka michel sistan tha . uska vajan 635 fit tha . use karavat livane ke lie 6 admiyon ki jarurat parti thi . landan ki mils namak mahila ka vajan 408 ki.gra. tha . 380 ki.gra. se adhik bhari pichle dinon sansar bhar men 8 admi the . dirghayu logon men se jinne pichle 50 varshon men kirtiman sthapit kiya hai, unki ayu 100 se lekar 118 varsh tak ki ho saki hai . inmen adhikansh yurop v eshiya ke thande ilakon ke rahe hain . bharat men bhi abhi bhi paharon par dirghayu vyakti paye jate hain . edavard holyiog vah pratham vyakti tha, jisne haravard medikal ki digri prapt ki . 80 varsh tak vah salem amerika men preaiktis karta raha . jismen usne 25 sal rogiyon ka ilaj kiya . 90 varsh ki umra tak aepreshan karta raha . usi sal salem baink ka pradhan bhi chuna gaya . anabaktadin jab arkot ki larai men larne gaya, tab vah 107 varsh ka tha . do goliyan lagne se vah mara gaya . astriya ke marakrishan charch ki 700vin varshaganth par 12 mil roj chal kar sammilit hone vali mahila ka nam hai - barbra vai.ai.telar . tab vah 119 varsh ki thi . nyujilaind ke matamara ilake men janjati ka ek sadasya ‘‘hodua’’ bahishkrit kar jangal men akela chor diya gaya . vah kandamul khakar raha aur 124 varsh tak jiya . frans ka edamand mauchyus san 1870 se 1985 tak harlar kaunti ki ek mahila saili igar 90 varsh ki umra men apni ainak kho baithi . is par uski ankh ki roshni ghati nahin barh gayi aur khuli ankh se sui men dhaga piroti rahi . 95 varsh ki ayu tak use chashme ki fir jarurat hi n pari . sharir ko balishthata aur bahaduri lagabhag ek hi chij hai . jiska sharir sudrirh hoga, vahi kuch bare kam kar sakta hai . adhik din tak ji bhi sakta hai . dirgh jivan bhi isi jivnishakti se sambandhit hai . jiska sharir majbut gathan ka hai, vahi lambe samay tak jivit bhi rah sakta hai aur apattiyon ko sahan bhi kar sakta hai . yuddh men larne vale senapti kisi jamane men lohe ke taron se bane kavach pahnte the, taki shatru ki talvar unka kuch bigar n sake . vorsastar viliyam saemrset ka kavach 37 kilogram bhari tha, vah panch hisson men jorakar bana tha . uske bulet pruf hisse samet vajan 60 kilogram tha . prins aef arla ke atyant bhari kavach ki kimat 418 lakh paund anki gai thi, vah ratnajarit tha . mistra ka senapti lung vasha 18 varsh se lekar 40 varsh tak ek man bhari kavach pahan kar nil nadi ko tairne aur vapas ane ka niyam banaye raha . vaijentiyam ka shasak raumaijal apne bhari lohe ke kavach pahne hue uchalakar ghore ki pith par baith jata tha. itna hi nahin un logon ki takat aur himmat bhi asamanya star ki hoti thi . skatlaind ka badshah alekjendar kabhi angarakshak nahin rakhta tha . ek rat vah soya hua tha ki chah shatruon ne milakar hamla kiya . ankhen khulte hi vah bhir para aur dekhte-dekhte chahon ka safaya kar diya . uski takat aur himmat donon ek se ek barhakar thi . jarmani ke en.host ka ek rich se pala par jane par, usne use ghunson se mar dala . frans ke varen kristof ka ghora safar men ghayal ho gaya . use vah kandhe par lad kar derh mil dur pashu chikitsalay tak le gaya . ghore ka vajan 424 paund tha . ek asadharan pahlvan kivest ka nivasi pitar jekaks tha, jisne do admiyon ko hathon par bithakar lambi duri tay ki . sansar men tir se gende ka shikar karne vala ekmatra vyakti afrika ka imes tha . uski bhujaon men itni shakti thi ki uska tir ek inch moti khal par karta hua do fit bhitar ghus gaya tha . pahle ke logon ka sahas bhi dekhte hi banta tha . spen ke senadhikari rodigo pans ko sheron ke ek jhund ke katghre men se hath ke dastane nikalne ke lie chalang lagani pari . sher sakpka gaye aur senapti dastana lekar sakushal vapas laut aya . nanavarg jarmani ke ek kaidi maelijan ko fansi ki saja mili . usne marne se purva antim ichcha prakat ki ki use apne ghore par ek bar charh lene diya jae . svikriti mil gai . kaidi ne ghore par charhte hi 12 fut unchi divar chalangi, 30 fut ki khai par ki aur aisa bhaga ki fir kabhi pakar men n aya . ye ghatnaen evan prasang batate hain ki ab se kuch hi samay purva log kad men lambe, vajan men bhari, adhik khane vale aur adhik parakram karne vale tatha dirghajivi hote the . unki himmat aur bahaduri bhi barhi-charhi thi . yah unki jivni shakti ki bahulta thi, jo prakritik rahn-sahan tatha astitva ke samagra vikas ka prayatn karne par hi upalabdh hoti hai . is or upeksha bartne se hi aj ham svasthya ki drishti se bahut kuch khote v khokhle hote chale ja rahe hain .
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.