होलाष्टक में क्यों नहीं करते शुभ कार्य

holashtak men kyon nahin karte shubh karya  

Sambandhit Lekh | Views : 1091 |  

holashtak

falgun mas ke shukla paksh ki ashtami se lekar holika dahan tak ki avdhi ko shastron men holashtak kaha gaya hai. holashtak shabd do shabdon ka sangam hai. holi tatha ath arthat 8 dinon ka parva. yah avdhi is sal 26 farvri se 5 march tak arthat holika dahan tak hai. in dinon grih pravesh mundan sanskar vivah sanbandhi vartalap sagai vivah kisi nae karya ninv adi rakhne naya vyavsay aranbh ya kisi bhi manglik karya adi ka aranbh shubh nahin mana jata.

jyotishiya evan pauranik karan

iske piche jyotishiya evan pauranik donon hi karan mane jate hanai. ek manyata ke anusar kamdev ne bhagvan shiv ki tapasya bhang kar di thi. isse rusht hokar unhonne prem ke devta ko falgun ki ashtami tithi ke din hi bhasm kar diya tha. kamdev ki patni rati ne shiv ki aradhna ki aur kamdev ko punarjivit karne ki yachna ki jo unhonne svikar kar li . mahadev ke is nirnay ke bad jan sadharan ne harshollas manaya aur holashtak ka ant dulanhdi ko ho gaya. isi paranpra ke karan yah 8 din shubh karyonn ke lie varjit mane gae.

parantu jyotishiya karan adhik vaigyanik tark sammat tatha grahya hai. jyotish ke anusar ashtami ko chandrama navmi ko surya dashmi ko shani ekadshi ko shukra dvadshi ko guru trayodshi ko budh chaturdashi ko mangal tatha purnima ko rahu ugra svabhav ke ho jate hain.

in grahon ke nirbal hone se manav mastishk ki nirnay kshamata kshin ho jati hai aur is dauran galat faisle lie jane ke karan hani hone ki sanbhavna rahti hai.

vigyan ke anusar bhi purnima ke din jvar bhata sunami jaisi apda ati rahti hain ya pagal vyakti aur ugra ho jata hai. aise men sahi nirnay nahin ho pata. jinki kundli men nich rashi ke chandrama vrishchik rashi ke jatak ya chandra chathe ya athven bhav men hain unhen in dinon adhik satark rahna chahie. manav mastishk purnima se 8 din pahle kahin n kahin kshin dukhad avsadpurn ashankit nirbal ho jata hai. ye asht grah dainik karyaklapon par viprit prabhav dalte hain.

is avsad ko dur rakhne ka upay bhi jyotish men bataya gaya hai. in 8 dinon men man men ullas lane aur vatavaran ko jivant banane ke lie lal ya gulabi rang ka prayog vibhinn tarikon se kiya jata hai. lal paridhan mud ko garma dete hain yani lal rang man men utsah utpann karta hai. isilie uttarapradesh men aj bhi holi ka parva ek din nahin apitu 8 din manaya jata hai. bhagvan krishn bhi in 8 dinon men gopiyon sang holi khelte rahe aur anttah holi men range lal vastron ko agni ko samarpit kar diya. so holi manobhavon ki abhivyakti ka parva hai jismen vaigyanik mahatta hai jyotishiya ganna hai ullas hai pauranik itihas hai bharat ki sundar sanskriti hai jab sab apne bhedbhav mita kar ek ho jate hain.

holika dahan ka shubh muhurt

5 march guruvar ko holika dahan ka shubh muhurt sayankal 6 bajakar 20 minat se lekar ratri 8 bajakar 45 minat tak rahega. rang khelne vali holi agle din 6 tarikh shukravar ko hogi aur isi din shri annadapur sahib tatha shri panvta sahib men hola mela bhi hoga. is din kai sthanon par chaitra krishn paksh ki pratipda par vasantotsav bhi hoga .

Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.