गुरु से क्या सीख मिलती है

guru se kya sikh milti hai  

Sambandhit Lekh | Views : 3820 |  

aj ke vatavaran men guru ki sarthakata aur mahatta ko prakashit karta hua yah lekh.

guru kya hai?

kabhi vichar kiya hai? ki ham jis uddeshya ke lie janm janmantar se guru shishya paranpra ka nirvahan karte a rahe hain, uski aj ke bhautikvadi yug aur hamare jivan men prasangikta kya hai? kuch isi tarah ki jigyasa ko shant karne ke uddeshya se ham is lekh ke madhyam se prakash dalne ki koshish karte hain.

sarvapratham ham janne ki koshish karenge ki guru kya hai?

do akshar ka ek aisa shabd "guru" jo sadaiv hamare jivan ke marg ko sadachar shishtata aur jivnopyogi gyan se paripurn kar naitikta aur sadacharan ke marg par prashast karne ke liye sikh de, sachcha "guru" vahi kahlata hai.

  • guru vah hai jo gyan de,
  • guru vah bhi hai jo ahankar na panpne de,
  • guru vah bhi hai jo nisvarth bhav se karm karne ki sikh de.
  • bhatke hue nirih prani ko sadbuddhi aur sarthak rah dikhane hetu prerit karen sachcha guru vahi kahlata hai.

lekin iske ulat ham sabhi ne kabhi is bat par vichar karne ki koshish ki hai, ki jis guru ko banane men maine apne jivan ka amulya samay vyatit kar diya vah kahan hai?

"jin khoja tin paiya" arthat hamen jis prakriti ne jivan diya aur jivan jine ke sadhan upalabdh karaye kya ham us prakriti ko hi guru nahi bana sakte.

yadi thodi der ke lie ham apni achetan ankho men chetna rupi prakash prajvalit karke dekhen to is prakriti ne chahen khanij sanpda se, vanaspatiyon se ya fir pashu pakshiyon ke gunon se ek aisa sundar vatavaran upalabdh karaya hai jisko jivan men utarne par guru ki bhumika ki avashyakta hi pratit nahi hoti hai. arthat prakriti hi hamari guru hai jo hamen sabkuch sikhati hai.sirf sikhne ki hi jarurat hai.

kuch isi tarah ki soch se vashibhut hamare ek guru jinhen ham "dattatrey guru" ke vishay men batana chahte hain. jinhonne isi prakriti men alag alag madhyamon se kuch na kuch sikh lene ki koshish ki hai.

prastut hai guru dattatrey ke chaubis guruon ka adbhut chitran.

jivan men guru ki apni ek vishesh jagah hai. kahte hai bina guru ke gyan prapt nahin hota. sachcha gyan prapt karne ke lie apko kisi n kisi ko guru banana parta hai chahe fir vo ekalavya ki tarah mitti ki murat hi kyon na hon. guru ki isi mahatta ko pramanit karte hai, "bhagvan dattatrey" jo ki svayan bhagvan vishnu ke avtar the. fir bhi unhonne apne jivan men 24 guru banae jisme kit, pakshi aur janavar tak shamil hai. unhonne jisse bhi kuch sikha use apna guru mana.

kaun hai bhagvan dattatrey?

bhagvan dattatrey brahmaji ke manas putra rishi atri ke putra hain. inki mata ka nam anusuiya tha. kai granthon men yah bataya gaya hai ki rishi atri aur anusuiya ke tin putra hue. brahmaji ke ansh se chandrama, shivji ke ansh se durvasa rishi, bhagvan vishnu ke ansh dattatrey ka janm hua. kahin-kahin yah ullekh bhi milta hai ki, bhagvan dattatrey hi brahma, vishnu aur shiv ke sammilit avtar hain.

☆bhagvan dattatrey ke 24 guru☆

omomomomomomomomomomomomom

☆prithvi-

sahnshilta v paropkar ki bhavna ko ham is dhara se sikh sakte hain. prithvi par log kai prakar ke aghat karte hain, kai prakar ke utpat hote hain, kai prakar khanan karya hote hain, lekin prithvi har aghat ko paropkari ki bhavna se sahan karti hai.

☆pingla veshya-

pingla nam ki veshya se dattatrey ne sabak liya ki keval paison ke lie jivan jina nahin chahie. vah veshya sirf paisa pane ke lie kisi bhi purush ki or isi najar se dekhti thi vah dhani hai aur usse dhan prapt hoga. dhan ki kamna men vah so nahin pati thi. jab ek din pingla veshya ke man men vairagya jaga tab use samajh aya ki paison men nahi balki parmatma ke dhyan men hi asli sukh hai, tab use sukh ki nind ai.

☆kabutr-

kabutar ka joda jal men fanse bachchon ko dekhakar khud bhi jal men ja fansta hai. inse yah sabak liya ja sakta hai ki kisi se bahut jyada sneh du:kh ki vajah hota hai.

☆surya-

surya se dattatrey ne sikha ki jis tarah ek hi hone par bhi surya alg-alag madhyamon se alg-alag dikhai deta hai. atma bhi ek hi hai, lekin kai rupon men dikhai deti hai.

☆vayu-

jis prakar achchi ya buri jagah par jane ke bad vayu ka mul rup svachchata hi hai. usi tarah achche ya bure logon ke sath rahne par bhi hamen apni achchaiyon ko chodna nahi chahie.

☆hirn-

hiran uchl-kud, sangit, mauj-masti men itna kho jata hai ki use apne aspas sher ya anya kisi hinsak janavar ke hone ka abhas hi nahi hota hai aur vah mara jata hai. isse yah sikha ja sakta hai ki hamen kabhi bhi mauj-masti men itna laprvah nahi hona chahie.

☆samudra-

jivan ke utar-chadhav men bhi khush aur sadaiv samudra ki bhanti gatishil rahna chahie.

☆patanga-

jis prakar patanga ag ki or akarshit hokar jal jata hai. usi prakar rup-rang ke akarshan aur jhuthe moh men uljhna nahin chahie.

☆hathi-

hathi hathini ke sanpark men ate hi uske prati asakt ho jata hai. at: hathi se sikha ja sakta hai ki sannyasi aur tapasvi purush ko stri se bahut dur rahna chahie.

☆akash-

dattatrey ne akash se sikha ki har desh, kal, paristhiti men lagav se dur rahna chahie.

☆jal-

dattatrey ne jal se sikha ki hamen sadaiv pavitra rahna chahie.

☆madhumakkhi -

madhumakkhiyan shahad ikattha karti hai aur ek din chatte se shahad nikalne vala sara shahad le jata hai. is bat se ye sikha ja sakta hai ki avashyakta se adhik chijon ko ekatra karke nahi rakhna chahie.

☆machli-

hamen svad ka lobhi nahi hona chahie. machli kisi kante men fanse mans ke tukde ko khane ke lie chali jati hai aur ant men pran ganva deti hai. hamen svad ko itna adhik mahatva nahi dena chahie, aisa hi bhojan karen jo sehat ke lie achcha ho.

☆kurar pakshi-

kurar pakshi se sikhna chahie ki chijon ko pas men rakhne ki soch chod dena chahie. kurar pakshi mans ke tukde ko chonch men dabae rahta hai, lekin use khata hai. jab dusre balvan pakshi us mans ke tukde ko dekhte hain to ve kurar se use chin lete hain. mans ka tukda chodne ke bad hi kurar ko shanti milti hai.

☆balk-

chote bachche se sikha ki hamesha chintamukt aur prasann rahna chahie.

☆ag-

ag se dattatrey ne sikha ki kaise bhi halat hon, hamen un halaton men dhal jana chahie. jis prakar ag alg-alag lakdiyon ke bich rahne ke bad bhi ek jaisi hi najar ati hai.

☆chandrama-

atma labh-hani se pare hai. vaise hi jaise ghatne-badhne se bhi chandrama ki chamak aur shitlta badlti nahi hai, hamesha ek-jaisi rahti hai. atma bhi kisi bhi prakar ke labh-hani se badlti nahi hai.

☆kunvari kanya-

kunvari kanya se sikhna chahie ki akele rahakar bhi kam karte rahna chahie aur age badhte rahna chahie. dattatrey ne ek kunvari kanya dekhi jo dhan kut rahi thi. dhan kutte samay us kanya ki chudiyan avaj kar rahi thi. bahar mehman baithe the, jinhen chudiyon ki avaj se pareshani ho rahi thi. tab us kanya ne chudiyon ki avaj band karne ke lie chudiyan hi tod di. donon hathon men bas ek-ek chudi hi rahne di. iske bad us kanya ne bina shor kie dhan kut liya. at: hamen hi ek chudi ki bhanti akele hi rahna chahie.

☆sharkrit ya tir banane vala-

abhyas aur vairagya se man ko vash men karna chahie. dattatrey ne ek tir banane vala dekha jo tir banane men itna magn tha ki uske pas se raja ki savari nikal gai, par uska dhyan bhang nahin hua.

☆sanp-

dattatrey ne sanp se sikha ki kisi bhi sannyasi ko akele hi jivan vyatit karna chahie. sath hi, kabhi bhi ek sthan par rukakar nahin rahna chahie. jagh-jagah gyan bantte rahna chahie.

☆makdi-

makdi se dattatrey ne sikha ki bhagvan bhi maya jal rachte hain aur use mita dete hain. jis prakar makdi svayan jal banati hai, usmen vicharan karti hai aur ant men pure jal ko khud hi nigal leti hai, thik isi prakar bhagvan bhi maya se srishti ki rachna karte hain aur ant men use samet lete hain.

☆bhringi kida-

is kide se dattatrey ne sikha ki achchi ho ya buri, jahan jaisi soch men man lagaenge man vaisa hi ho jata hai.

☆bhaunra -

bhauren se dattatrey ne sikha ki jahan bhi sarthak bat sikhne ko mile use grahan kar lena chahie. jis prakar bhauren alg-alag fulon se parag le leti hai.

☆ajgr-

ajagar se sikha ki hamen jivan men santoshi banna chahie. jo mil jae, use hi khushi-khushi svikar kar lena chahie.

ek chota sa prayas guru dattatrey ki tarah soch ko bada kare.

anttah mukhya bat yahi nikalakar ati hai ki guru dattatrey ki bhanti yadi ham apne jivan men aisi hi choti choti avdharnaon ke madhyam se sikhen to apne sath sath is jagat ka bhi kalyan kar sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.