yantra evan upyogitaen (0 views)

pratyek grah v devi devta ki puja yantron dvara bhi ki jati hai. yantra nirman is vidhi se kie hote hain ki devon se sanbandhit shakti unmen samahit hoti hai. kaliyug men vyakti har kam yantron se karna chahta hai jisse kam se kam samay men adhik se adhik labh prapt kiya ja sake. yantra ek prakar se manav ke lie suraksha kavach ka karya karte hain. bina vidhi vidhan dvara banae gaye tatha bina pran pratishtha ke yantron ka koi astitva nahin hota. yantra kagaj par, bhojapatra par, tanbe v sona, chandi par banae jate hain. kisi yogya vyakti dvara shuddh v siddh karane par ashcharyajanak parinam prapt hote hain. sabhi yantron ko banane v shuddh karne ke lie mantron ka prayog kiya jata hai. mantra se yantra ki shakti kai guna barh jati hain yantron ko banane v shuddh karne men sahi nakshatra, tithi v yog ka dhyan rakhna chahie. prashn yah uthta hai ki jatak kis yantra ki puja kare? kundali men jo grah marak ya badhak ho us grah ki puja yantra dvara kare. vinshottari mahadsha ya antardasha ya pratyantar dasha jo anishtakar ho us grah ke yantra ko us samyavdhi men jagrit karke puja sthal men rakhakar pujan karne se jatak anishtakarak samay men anisht se bach sakta hai. siddh yantra nirdosh mashin ki tarah hai. uska prayog soch samajh kar keval apne kalyan hetu hi kiya jana chahie. yantra jagrit karne vale sadhak men sahas, dhiraj, kshama v vivek paryapt matra men hone chahie.