samasya sambandhit upay (0 views)

jis prakar ek daektar marij ki test riport dekhakar davai batata hai. ek davai ke kam n karne par davai badalakar dusri davai deta hai. iska matalab yah nahin hai ki pahli vali davai bekar hai. lekin is marij ke lie bekar sabit hui. ek davai ke kam n karne par ham pure medikal vigyan ko galat nahin kah sakte. usi prakar ek jyotishi vyakti ki janmapatri dekhakar koi upay batata hai. yadi jatak ko us upay se labh nahin hota to ham pure jyotish shastra ko galat nahin kah sakte. bimari ka bagair davai bhi ilaj hai, magar maut ka koi ilaj nahin. vibhinn bimariyon ka v kashton ka jyotish dvara jo upay bataye jate hanai vah suraksha ki dusri pankti ke rup men bhi karya karte hain. upayon men prayukt hone vale samanon ki gunavatta par bhi yah nirbhar karta hai ki upay kitna karagar hoga. ratn ka nirdosh v asli hona param avashyak hai. doshpurn ya nakli ratn se labh ki asha nahin ki ja sakti. tantra men prayog hone vali vastuen evan rudraksh adi ka bhi asli aur doshmukt hona bahut jaruri hai. mantra men mantrochchar ki shuddhi bahut jaruri hai. puja path men astha bahut jaruri hai. yantron ke prayog men shuddhi v pran pratishtha bahut jaruri hai. ishvar aradhna men bhi vyakti ki astha aur vishvas se hi labh hota hai. ”jaki rahi bhavna jaisi, prabhu murat dekhi tin vaisi“ jyotish shraddha, astha aur vishvas ki vah triveni hai jisse keval shraddhavan hi labh prapt kar pate hain.