mantra evan unki upyogitae (0 views)

kisi bhi grah ka mantra japne se ham us grah ko ya grah devta ko bar-bar namaskar karte hain, pukarte hain, prarthana karte hain, jisse vah prasann hote hain aur jatak ka kalyan karte hain. jis prakar ham mobail fon dvara jis vyakti ka nambar milate hain vah jagrit hokar hamse bat karta hai usi prakar mantron dvara ham grahon ko jagrit karke unhen prasann karte hain. ek bat ka dhyan rakhie ki puja kabhi vyarth nahin jati, kabhi n kabhi apna fal jarur deti hai. grahon ka mantra jap aur puja bahut hi sashakt madhyam hai grahon ko prasann karne ke lie. mantra jab yantra ke age japa jata hai to uske prabhav men kai guna vriddhi ho jati hai. ¬ namah shivay ka jap yadi rudraksh ki mala par kiya jae, to kai guna jyada prabhavi hota hai. isi prakar lakshmi puja v mantra jap men kamalagatte ki mala ka prayog karne par lakshmi ji prasann hoti hain. vishnu bhagvan ka mantra jap tulsi ki mala par kiya jata hai. mantra jap ke dauran achar, vichar v vyavhar men sanyam bartna chahie. mantron se yantron ko jagrit kiya jata hai aur yantron ke jagrit hone par mantra jap ka prabhav kai guna barh jata hai.