वट सावित्री व्रत
Ank ke aur Lekh | Sambandhit Lekh | Views : 497 |  
sansar ki sabhi striyon men aisi shayad hi koi hui hogi, jo savitri ke saman apne akhand pativrata dharm aur drirh pratigya ke prabhav se yam dvara saymni puri men le jae gae pati ko sadeh lauta lai ho. atah sadhva, vidhva, vriddha, balak, saputra, aputra sabhi striyon ko savitri ka vrat avashya karna chahie. nari va vidhva vapi putri putravivarjita. sabhartrika saputra va kuryad vratmidan shubham.. jaysinh kalpadrum men likhit vidhi ke anusar jyeshth krishna trayodshi ko pratah snanadi ke pashchat ‘‘mam vaidhavyadi-sakldoshprihararthan satyavatsavitriprityarthan ch vatsavitri vratmhan karishye.’’ kar nam, gotra, vansh adi ke sath uchcharan karte hue. sahit sankalp kar tin din upvas karen. amavasya ko upvas kar ke shukla pratipda ko vrat samapt karen. amavasya ko vat vriksh ke samip baith kar bans ke ek patra men sapt dhanya bhar kar use do vastron se dhak den aur dusre patra men suvarn ki brahm savitri tatha satya savitri ki pratima sthapit kar ke gandhakshatadi se pujan karen. tatpashchat vat vriksh ko kachche sut se lapet kar us vat ka yathavidhi pujn kar ke parikrama karen. punah ‘‘avaidhavyan cha saubhagyan dehi tvan mam suvrate. putran pautranshch saukhyan ch grihanaghryan namo'stu te..’’ is shlok ko parh kar savitri ko aghrya den aur ’vatsi×chami te mulan salilairmritopmaiah. yatha shakha- prashakhabhirvriddho'si tvan mahitle. tatha putraishch pautraishch sampannan kuru man sada..’ is shlok ko parh kar vat vriksh se prarthana karen. desh-deshantar men mat-matantar se puja paddhati men vibhinnata ho sakti hai. parantu bhav sabka ek hi rahta hai, jo yamraj dvara savitri ko pradatt vardan ya ashirvad hai. ismen bhainse par savar yamraj ki murti bana kar bhi puja ka vidhan hai. savitri katha ka bhi shravn karen. yah katha is prakar hai: madra desh ke naresh ashvapti dharm ke pran the. dharmanukul pavitra acharan evan indriya sanympurvak bhagava˜jan hi unke jivn ke adhar the. 18 varshon tak savitri devi ki aradhna kar ke inhonne santti prapti ka ashirvad paya tha. savitri ne inhin ki saubhagyavti patni (jo malav naresh ki kanya thi) ke garbh se janm liya tha. savitri apurva guni aur shilvti thi. vah kramshah barhti hui vivah ke yogya hui. savitri ko purnavayaska dekh kar chintit ashvapti ne use svayan var dhundhne ka adesh diya. atyant lajja aur sankoch se mata-pita ke charnon ka sparsh kar vah vriddh mantriyon ke sath ratharurh ho kar ramniya tapovan ki or chali. kuch dinon ke bad jab vah lauti, tab devarshi narad uske pita ke samip baithe hue mile. charan sparsh karne par ashvapti ke sath shri narad ji ne bhi use prempurvak ashish di. ashvapti ne savitri ko varanveshan ke lie bheja tha, yah sanvad shri nard ji ko pahle hi batla diya gaya tha. unhonne savitri se dhire se kaha: ‘beti, tumne kise pati chuna hai, devarshi ko bata do.’ savitri ne kaha ki vah shalva naresh dyumatsen ke putra satyavan se vivah karna chahti hai. satyavan ki ayu alp hone ke karan ashvapti ne usse apna nirnay badal lene ko kaha. kintu usne kaha ki vah jaise bhi hain, usne unhen apna pati svikar kar liya hai aur ab vah kisi aur ka varan nahin kar sakti. is tarah satyavan se savitri ka vivah ho gaya. savitri ko shrinarad ji ki bat yad thi. uska hriday pratikshan ashant rahta tha. pati ki mrityu ki kalpana matra se uska kaleja kanp jata tha. dhire-dhire vah samay bhi a gaya, jab satyavan ki mrityu ke char din shesh rah gae the. patiprana savitri adhir ho gai thi. usne tin ratri ka nirahar vrat dharan kiya. chaithe din usne pratah kal hi surya dev ko aghrya dan kar sas-sasur tatha brahmanon ka shubh ashirvad prapt kiya. satyavan samidha lene chale, to sas-sasur ki agya le kar savitri bhi us din unke sath ho gai. van men thori lakri bhi vah nahin le pae the ki unka sir chakrane laga. sir ki asahya pira ke karan satyavan savitri ki god men let gae. ful-si komal savitri ka hriday hahakar kar utha. usne dekha, samne lal vastra pahne shyamavarn ek dev purush khare hain. chakit ho kar usne pranam kiya, to uttara mila: ‘savitri, main yam hun. tumne apne kartavya ka palan kiya hai. ab main satyavan ko le jaunga. inki ayu puri ho gai hai. yam satyavan ke sukshm sharir ko le kar akash marg se chal pade. adhira savitri bhi unke piche lag gai. yamraj ne use lautne ke lie kaha, to vah boli: ‘bhagavan , patidev ka sath mujhe atyant priya hai. meri gati kahin nahin rukegi. main inke sath hi chalungi.’ savitri ki dharmayukt vani sun kar yam ne usse satyavan ko chor kar anya var mangne ke lie kaha savitri ne pahle vardan men apne sasur ki netra jyoti, dusre men sasur ka khoya rajya, tisre men apne niahsantan pita ke lie sau putra mang lie. chaithi bar yamraj shart lagana bhul gae, tab usne apne lie bhi satyavan ke virya se sau putron ka vardan prapt kar liya. itne par bhi usne yam ka sath nahin chora. satitva ke karan uski gati abadh thi. usne yam ki stuti karte hue kaha: ‘bhagavan, ab to ap satyavan ke jivan ka hi vardan dijie. isse apke hi satya aur dharm ki raksha hogi. pati ke bina sau putron ka apka vardan satya nahin ho sakega. main pati ke bina sukh, svarg, lakshmi aur jivan ki bhi ichcha nahin rakhti.’ atyant santusht ho kar yam ne satyavan ko apne pash se mukt kar diya aur apni or se char sau varsh ki navin ayu de di. is prakar satitva ke prabhav se navin prarabdh ban gaya.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.