वास्तुनुकुल है दक्षिण भारत का प्राचीनतम मंदिर कैलाशनाथ

vastunukul hai dakshin bharat ka prachinatam mandir kailashnath  

Sambandhit Lekh | Views : 1384 |  

kailashnath keval kanchipuram hi nahin, samuche dakshin bharat ka prachinatam mandir hai. iska chura piramir shaili ka bana hai, jiske upar ashtakoniya shikhar hai. san 700 i men maharani ki ichchapurti ke lie pallav raja ray sinh ne is mandir ka nirman karvaya tha. iske samne ka bhag unke putra mahendra varman tritiya ne banvaya. yahan mul aradhya dev shiv ke charon or sinhvahini devi durga, vishnu, sahit 58 devi-devta hai. mul mandir ke nikat shiv-parvati ki nritya-pratiyogita ke drishya bhi bahut manoram hai. mandir men bani murtiyon ki nakkashi ki utkrishtata par nigahen atki rah jati hai. pallav rajaon ki vibhinn yuddha-gathaen bhi vais-rilif shaili men grenait patthar se bani vedi ke upar bele pattharon se bane mandir kailashnath men khudi hui hai.

dakshin bharat ka prachinatam mandir hone ke bad bhi yah mandir aj bhi achchi sthiti men hai. iska rakhrkhav bhi achche dhang se kiya ja raha hai. yah sab sanbhav ho pa raha hai mandir aur uske parisar ki vastunukulaon ke karan. bhari sankhya men sailaniyon aur bhakton ko apni or akarshit karti mandir ki vastunukultaen is prakar hai -

kailashanath mandir parisar ke nairitya kon men bana hai aur parisar ki purva evan uttar disha puri tarah se khuli hokar nirman rahit hai. is prakar ki vastu sthiti vastu ka ek anupam udaharan hai.

mandir ka ekmatra pravesh dvar (gopuram) purva disha men vastunukul sthan par hai aur mandir parisar men ane ke do dvar hai. ek bara dvar parisar ke purva agney men hai jo ki, vastunukul sthan par nahin hone ke karan hamesha band rahta hai. jabki, dusra chota dvar parisar ki dakshin disha men hai jahan se darshanarthi ate-jate hai. yah dvar vastunukul sthan par hone ke karan logon ko mandir ki or akarshit karta hai. islie yahan darshanarthiyon ka hamesha tanta laga rahta hai.

mandir parisar uttar disha dakshin disha ki tulna men 2 fit nichi hai aur purva disha pashchim disha ki tulna men 1 fit nichi hai aur mandir ke ishan kon men bahut bara talab hai. vastu siddhant ke anusar jahan bhi uttar evan purva disha nichi ho aur ishan kon men bhumigat pani ka srot ho vah sthan nishchit prasiddhi ke sath-sath sthayitva prapt karta hi hai jaise, tiruppati balaji tirupti, guruvyur mandir kerla, vakkadanath mandir, trishur, padnabh svami mandir triruannatapuram ityadi.

kailashnath mandir parisar ki uttar evan purva dishaon ki nichai evan khulapan tatha dakshin evan pashchim disha ki unchai evan nairitya kon ke bhari hone se ai vastunukultaon ke karan hi yah mandir sadiyoen se prasiddh hone ke sath-sath jaratva prapt kie hue hai.

Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.