वास्तु और ज्योतिष एक अध्ययन

vastu aur jyotish ek adhyayn  

Ank ke aur Lekh | Sambandhit Lekh | Views : 4338 |  
vastu aur jyotish ek adhyayan sharir aur bhavan ka sahacharya hai. jis prakar jivatma ka nivas sharir men aur hamara bhavan men hota hai usi prakar jyotish shastra men bhi bhavan ka karak chaturth bhav jo hriday ka bhi karak hai in donon ke sanbandh men ghanishtata spasht karta hai. vastu shastra ke anusar purva evan uttar disha agam sadrish aur dakshin aur pashchim disha ant sadrish hai. jyotish anusar purva disha men surya evan uttar disha men prasrnshil brihaspati ka karak tatva hai. uske anusar uttar evan purva men agam disha ke taur par pashchim men shani saman mangal pap grah ki prablta hai. pashchim men shani saman akunchan tatva ki mahatta hai. us ganna se dakshin-pashchim ant sadrish dishaen hain. is alekh men di gai charon kundaliyon ke anusar yah samjhane ka prayas kiya gaya hai ki vastu evan jyotish ek sikke ke pahlu hain. jaise pratyek grah ki apni ek pravritti hoti hai. usi ke anusar vah fal karta hai. yadi shubh grah shubh bhav men virajman hoga to vahan sukh samriddhi dega. ashubh grah shubh sthan par ashubh fal pradan karega. brihaspati- khuli jagah, khirki, roshndan, dvar, kalatmak v dharmik vastuen. chandrama- bahri vastuon ki ganna dega. shukra- kachchi divar, gay, sukh samriddhi vastuen. mangl- khan-pan sanbandhit vastuen. budh- nirjiv vastuen, shiksha sanbandhi. shani- loha lakron ka saman. rahu- dhuen ka sthan, nali ka ganda pani, kabara. ketu- kam khula saman. uktagrahon ke anusar, jatak ki patri anusar gyat kiya ja sakta hai ki uske bhavan men kis prakar ka nirman hai. kalpurush ki kundli men jahan pap grah vidyaman hain aur vah nirman vastu sammat nahin hai to ukt nirman us jatak ko kasht dega. 1.lagnesh lagn men (shubh grah) ho to purva men khirkiyan. 2. lagnesh ka lagn men nich, pirit hona- purva disha ke dosh ko darshayega. jatak mashtik se pirit rahega. deh sukh nahin prapt hoga. 3. lagnesh ka 6, 8, 12ven men pirit hona purva disha men dosh karta hai. 4. shashthesh lagn men ho to- purva men khula magar avaj, shor sharaba adi . 5. lagnesh tritiya bhav men- irashan men tut-fut-it, ka nirman adi. 6. rahu-ketu ki yuti us grah sanbandhi disha men dosh utpann karti hai. 7. ekadash, dvadash men pap grah, shashthesh, ashtamesh ke hone ke karan ishan men dosh kahen. 8. kram sankhya (1) men jahan-jahan shubh grah honge vahan-vahan khulapan hava v prakash ki uchit vyavastha hogi. 9. yadi shubh grah dasham bhav men honge to vahan par khula sthan hoga. isi prakar shubhashubh nirman ko ham janm patrika se jan lete hain. ashubh nirman kalpurush ke angon ko prabhavit karke grihasvami ko kasht deta hai. ukt bhav sanbandhi logon ko kasht dega. 10. tritiya bhav pirit ho to- bhai-bahan ko kasht. 11. chaturth bhav v chaturthesh pirit ho to- man ko kasht. 12. saptama-navam bhav pirit ho to- patni pita ko kasht hoga. isi prakar pratyek ka hal janen.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2010

vastu ka shabdik arth hai vas arthat vah sthan jahan par nivas hota hai. is srishti ki sanrchna men panchatatva (agni, jal, vayu, prithvi, akash) mahatvapurn bhumika nibhate hain to bhavan nirman karte samay men bhi inki upyogita ko nakara nahin ja sakta.prastut visheshank men vastu se sanbandhit samast mahatvapurn jankari ka ullekh hai

Subscribe

Apne vichar vyakt karein

blog comments powered by Disqus
.