वैष्णोदेवी का वास्तु बुलाता भक्तों को माँ के द्वार

vaishnodevi ka vastu bulata bhakton ko man ke dvar  

Sambandhit Lekh | Views : 964 |  

pavitra bharat bhumi ka kan kan devi-devtaon ke charan ras se pavitra hai. islie bharat men har jagah tirth hai. parantu kuch tirth aise hain jo bharat hi nahin pure vishva ki dharmapran janta ko apni or akarshit karte hai. in tirtho ke darshan har varsh lakhon stri purush karte hai, aur apna jivan safal banate hue apni manokamnaon ka vanchit fal pate hai. inmen se hi ek tirth hai jammu ke pas sthit mata vaishnon devi ka darbar! yahan mahalakshmi, mahasarasvati aur mahakali tin bhavya pindiyon ke rup men virajman haiai.

chahe garmi ho, sardi ho ya chahe barsat ho! mata vaishnondevi ke darbar men chaibison ghante, 365 din har samay hi bhakton ka mela laga rahta hai aur khasakar navratron ke samay to bhakton ki bhir itni jyada barh jati hai ki is dauran man ke darshan karne ke lie bhakton ko tin se char din tak ka intjar bhi karna parta hai. yahan astha se labrej dharmapran janta hi nahin varan sabhi ayu vargo ke log bachche, burhe, javan, navvivahit yugal, mata ke darbar men darshan karne ate hai. akhir aisa kya akarshan hai man ke is mandir men? sampurn bharat men man ke mandir to aur bhi kai jagah hai, par man ke is mandir men itni rangat kyo? iska karan hai is mandir ki bhaugolik sthiti ka bhartiya vastushastra evan chini vastushastra fanegshui ke siddhant ke anurup hona.

bhartiya vastushastra ke anusar purva disha men unchai hona aur pashchim disha men dhalan v pani ka sraut hona achcha nahin mana jata hai. parantu dekhne men aya hai ki jyadatar vo sthan jo dharmik karnon se prasiddh hai, chahe vah kisi bhi dharm se sabandhit ho, un sthanon ki bhaugolik sthiti men kafi samantaen dekhne ko milti hai. aise sthanon par purva ki tulna men pashchim men dhalan hoti hai aur dakshin disha hamesha uttar disha ki tulna men unchi rahti hai. udaharan ke lie jyortinling mahakaleshvar ujjain, pashuptinath mandir mandsaur ityadi. vah ghar jahan pashchim disha men bhumigat pani ka straut jaise bhumigat pani ki tanki, kuan, borvel, ityadi hota hai. us bhavan men nivas karne valon men dharmikta dusro ki tulna men jyada hi hoti hai.

vastu ke siddhant:

  1. trikut parvat par sthit man ka bhavan (mandir) pashchim mukhi hai jo samudratal se lagabhag 4800 fit unchai par hai. man ke bhavan ke piche purva disha men parvat kafi uchai lie hue hai aur bhavan ke thik samne pashchim disha men parvat kafi gahrai lie hue hai jahan trikut parvat ka jal nirantar bahta rahta hai.
  2. bhavan ki uttar disha thik antim chor par parvat men ekadam utar hone ke karan kafi gahrai hai. yah uttar disha men vistrit gahrai purva se pashchim ki or barhti gai hai.
  3. bhavan ke dakshin disha men parvat kafi unchai lie hue hai jahan darbar se dhai kilomitar dur bhairav ji ka mandir hai samudratal se iski unchai 6583 fit hai aur yah unchai lagabhag pashchim nairitya tak hai jahan par hathi mattha hai.
  4. gufa ka purana pravesh dvar jo ki kafi sankra (tang) hai. lagabhag do gaj tak letakar ya kafi jhukakar age barhna parta hai, tatpashchat lagabhag bis gaj lambi gufa hain. gufa ke andar takhnon ki unchai tak shuddh jal pravahit hota hain. jise charan ganga kahte hai. vastu ka siddhant hai ki jahan purva men unchai ho aur pashchim men nirantar jal ho ya jal ka pravah ho vah sthan dharmik rup se jyada prasiddhi pata hai.
  5. aj se lagabhag 26-27 varsh purva pravesh dvar sankra hone ke karan darshanarthiyane ko ane jane men kafi samay lagta tha aur anya yatriyon ko bahut der tak pratiksha karni parti thi jis karan simit sankhya men loeg darshan kar pate the. tab bhavan ki uttar ishan kon vale bhag men san 1977 men do nai gufaen banai gai inmen se ek gufa men se log darshan karne andar ate hai aur dusri gufa se bahar nikal jate hai in donon gufaon ke farsh ka dhal bhi uttar disha ki or hi hai. yah donon hi gufaen bhavan men aise sthan par bani jis karan is sthan ki vastunukul bahut barh gai hai. falasvarup is mandir ki prasiddhi men char chand lag hai, in gufaon ke banne ke bad is sthan par darshan karne valon ki sankhya pahle ki tulna men kai guna barh gai hai, aur vaibhav bhi bahut barh gaya hai.
  6. fengshui ke siddhant:

    fengshui ka siddhant hai ki, kisi bhi bhavan ke piche ki or unchai ho, madhya men bhavan ho tatha age ki or nicha hokar vahan jal ho, vah bhavan prasiddhi pata hai aur sadiyon tak bana rahta hai. is siddhant men kisi disha vishesh ka ka mahatva nahin hota hai.

    man vaishnodevi bhavan ke purva men trikut parvat ki uchai hai. mandir ke andar man ki pinri ke age pashchim disha meen charan ganga hain jahan hamensha jal pravahit hota rahta hai. bhavan ke bahar samne pashchim disha men parvat men kafi dhalan hai jahan par parvat ka pani nirantar bahta rahta hai.

    is prakar mata vaishnodevi ka darbar vastu evan fengshui donon ke siddhanton ke anukul hone se mata ka yah darbar vishva men prasiddh hai. inhin visheshtaon ke karan hi yahan bhakton ka tanta laga rahta hai, khub charhava ata hai aur bhakton ki manokamna bhi purn hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.