prashna: do jurvan bachche ya ek hi samay par ek hi jagah par do bachchon ka janm ho to kya unka bhavishya v jivan saman hoga? iske paksh ya vipaksh men apne vichar karan sahit den tatha apne uttar ko santusht karen. yadi do jurvan bhai/bahan han aur donon ka janm samay, tithi v sthan ek hi hai to nishchit hi janmapatri ek si hi banegi tatha shakla, surat, vichar, ichchaen, rog, jivan ki ghatnaen bhi ek saman ho sakti hain. parantu fir bhi jurvan bachchon ke vyaktitva, karm v jivndhara men kafi antar ho sakta hai yadyapi ki janmapatri men grah sthiti ek si hi ho. uske kuch karan nimnavat hain:
garbh kundli: vastavik janm garbh men bhrun pravesh/nishechan ke samay ho jata hai tatha yah bhi tay ho jata hai ki bachcha larka hoga ya larki. jis kshan vishesh men garbh men bhrun sthapit hota hai vahi kshan us balk/balika ke pure jivan ka adhar banta hai. bhrun samast grahon ka prabhav pita v mata dvara svikar karta hai. udahrnarth, jo striyan pakshabali chandrama ke samay men garbhadhan karti hain unhen nishchit hi svasth, sundar, safal v sanskarvan santan prapt hoti hai. jurvan santan ki garbh kundli dekhen to unmen adhik antar hone ki sanbhavna hai kyonki garbh bhrun pravesh/ nishechan ek hi samay men ho aisa sanbhav nahin hai. jyotish niyamanusar janm kundli se garbh kundli banai ja sakti hai. par yah nishchit hi kathin karya hai. garbh kundli bhinn ho jane se jatak ka vyaktitva v bhavishya bhinn rup men viksit hoga, yah nishchit hai.
jaise - ek raja saman jivan yapan kar raha hai to dusra futpath par majduri. iska karan garbh men kuch samay minat antral men donon ka garbh sthapit hona hai jismen donon ki janmapatri to ek saman ati hai, lekin hath ki rekhaon men kafi antar paya jata hai. atah aise prashnon ka uttar ‘‘hast rekha shastra’’ asani se de sakta hai. janmakundli ki is pareshani ko dakshin bharat ke mahan jyotish vidvan ‘‘krishnamurti’’ ne nakshatra par adharit paddhati ka nirman kar kiya, jise ‘‘ke. pi. paddhati‘’ kahte hain. iske anusar kisi bhav ka fal bhavesh arthat uska svami n karke, vah grah jis nakshatra men sthit hain, uska upanakshatra svami karega arthat us bhav ka fal upanakshatresh ke adhar par hoga.
jaise-kisi ki janmapatri men tula lagn men dashmesh chandra, uchch ya svagrihi hai to use kisi kanpni/srkari naukri men uchch pad par ya pratishthit vyavsay men hona chahie. parantu vastav men vah vyakti futpath par majduri kar raha tha, tab ‘aise men uski janmapatri ka adhyayan kiya to yah paya ki uska upanakshatra svami, janmapatri men nich rashi men sthit tha, atah use vastav men nimn star ka rojgar mila. thik is prakar jurvan bachchon ya samakaksh men ke. pi. ne upanakshatra svami ka nirman rashiyon ko 4-4 minat men bantakar sarni taiyar kar kiya tatha jurvan bachchon ke fal kathan men is siddhant ko prastut kiya to bilkul satik paya gaya. kyonki judvan bachchon men 2-3 minat ka hi antar rahta hai ya ek hi sthan, samay men bhi 2-3 minat ka hi antar paya jata hai.
atah ke. pi. ki upanakshatresh paddhati inapar bilkul sahi sabit hui. iske alava, ke. pi. paddhati men prashn kundli ke adhar par bhi in bachchon ka bhavishya kathan gyat kar sakte hain. yah adhunik jyotish ko ke. pi. ki mahan den hai. hast rekha evan ayurvigyan ke anusar, hastarekhaon men bhinnata 21ven kromosom (gunsutra) ke karan hoti hai, atah garbh sthan men kuch samay (mint) antral vastav men garbhashay men shukranu ka andanu se nishechan se hota hai. atah kisi ka bhi bhagya ka nirman chahe singal ho ya jurvan, vah to garbh sthapan men hi ho jata hai baki ke nau mahine to balak ke bhrun ke purn nirman men lagte hain. atah yahan par garbh sthapan men 16 sanskaron men garbhadhan sanskar ka mahatva uprokt karan se hai. ke. pi. paddhati se purva jyotish dvara judvan ya samakaksh bachchon ka bhavishya/jivan puri tarah saksham nahin tha.
aise men hastarekha shastra, bhavishya kathan men sahayak siddh hota tha. do jatkon ki hast rekhayen bhinn hoti hain, jo judvan ho ya ek hi samay aur sthan par paida huye hon. lekin ke. pi. ki nakshatra adharit paddhati ne jyotish men jan dalakar hastarekha ki bhanti sajiv bana diya. ke. pi. evan hastarekha ke alava ‘‘prashn jyotish’ dvara bhi judvan ya samakaksh bachchon ka bhavishya/jivan gyat kar sakte hain. jyotish men pancham bhav, panchmesh v karak guru tinon santan se jure hain, ye kisi stri grah se yukta/drisht (prabhavit) ho to judvan santanen hoti hain. ye yog stri evan purush men nyunatam ek men hona anivarya hai. dainik jivan men bhi dekhte hain to kai jatkon ke judvan bachche paida hote hain, unmen nyunatam ek men yah yog avashya hota hai.
jivnshaili/lalan palan ka mahatva: yadi janmakundli purn rup se saman ho, jurvan bachchon ki lagn, chandra rashi v nakshatra charan saman ho fir bhi yadi bachchon ke laln-palan men, shiksha, sanskar men bhinnata ho to bhi bachche bhinn vyaktitva ke ho sakte hain. grah prabhav ki vyapkta: yadi donon bachchon ka karak grah ek ho to bhi unke jivan men bhinnata a sakti hai. udahrnarth, yadi mangal karak hai to ek bachcha sainik tatha dusra sarjan ban sakta hai. do jurvan bachchon ka bhavishya evan jivan ya ek hi sthan par janme do bachchon ka jivan evan bhavishya kya saman hoga. iska sidha uttar nahin hai.
karan ki khoj karen to desh, kal, paristhiti arthat laln-palan, purva janm ka atmaon ka prarabdh, unke bhavishya evan jivan ko prabhavit karte hain. hamara jyotish shastra purva janm evan agrim janm ko manta hai. jyotish ke aise anek yog hain jahan yah kaha gaya hai ki rajkulotpann vyakti raja hota hai aur anya kulotpann vyakti rajsi that-bat se matra yukt hoga.