गोचर विचार

gochar vichar  

Ank ke aur Lekh | Sambandhit Lekh | Views : 2766 |  
prashnah gochar ka vishleshan karne ke lie chandra lagn evan anya grahon ka kis prakar prayog karna chahie, isse sanbandhit niyamon ka vistrit rup se udaharan sahit varnan karen. ise dekhne ke liye ashtak varg jaisi anya paddhatiyon ka nam evan vidhi vistarpurvak bataen. brahmand men sthit grah apne-apne marg par apni-apni gati se sadaiv bhraman karte hue ek rashi se dusri rashi men pravesh karte rahte hain. janm samay men ye grah jis rashi men paye jate hain vah rashi inki janmakalin rashi kahlati hai jo ki janm kundli ka adhar hai. janm ke pashchat kisi bhi samay ve apni gati se jis rashi men bhraman karte hue dikhai dete hain, us rashi men unki sthiti gochar kahlati hai. varsh bhar ke samay ki jankari guru aur shani se, mas ki surya se aur pratidin ki chandrama ke gochar se prapt ki ja sakti hai. vastavikta to yah hai ki kisi bhi grah ka gochar fal us grah ki anya pratyek grah se sthiti ke adhar par bhi kahna chahie n ki keval chandrama ki sthiti se. gochar faladesh ke siddhant: 1. manushya ko grah gochar dvara grahon ki, mukhyatah grahon ki janmakalin sthiti ke anurup hi achcha athva bura fal milta hai. is vishay men mantreshvar maharaj ne ‘faldipika’ men likha hai. ‘‘yad bhagvo gochrto vilagnatdeshashvarah sarvochch suhriday grahasthah tad bhavvriddhi kurute tadanin balanvitashchet prajnne'pi tasya’’ arthat yadi koi grah janm kundli men bali hokar gochar men bhi apni uchch rashi, apni rashi athva mitra rashi men ja raha ho to lagn se jis bhav men gochar dvara ja raha hoga, usi bhav ke shubh fal ko barhayega. isi vishay ko punah ashubh fal ke rup men bhi faldipika kar is prakar likhte hain. ‘‘balonito janmani paknathau maudhyan svanichan ripumandiran va. praptashch yad bhavmupaiti charat tadbhav nashkurute tadanim.. arthat yadi kundli men koi grah jiski dasha chal rahi ho, nirbal hai, ast hai, nich rashi men athva shatru rashi men sthit hai to vah grah gochar men lagn ke jis bhav ko dekhega ya jayega us bhav ka nash karega. 2. yadi janmakundli men koi grah ashubh bhav ka svami ho ya ashubh sthan men para ho ya nich rashi athva nich navansh men ho to vah grah-gochar men shubh sthan men a jane par bhi apna gochar ka purnaashubh fal dega. 3. yadi koi grah janmakundli men shubh ho, aur gochar men balvan hokar shubh sthan men bhraman kar raha ho to uttam fal karta hai. 4. yadi koi grah janmakundli ke anusar shubh ho, gochar men bhi shubh bhav men hokar nich adi prakar se adham ho to kam shubh fal karta hai. 5. yadi koi grah janm kundli men ashubh ho aur gochar men shubh bhav men ho, parantu nich, shatru adi rashi men ho to bahut kam shubh fal karega, adhikansh ashubh fal hi pradan karega. 6. yadi koi grah janmakundli men ashubh hai aur gochar men bhi ashubh bhav men ashubh rashi adi men sthit hai to vah atyant ashubh fal pradan karega. 7. jab grah gocharavash shubh sthan se ja raha ho aur janmakundli men sthit dusre shubh grahon se anshatmak drishti yog kar raha ho to vishesh shubh fal pradan karta hai. 8. gochar men jab grah margi se vakri hota hai athva vakri se margi hota hai tab vishesh prabhav dikhlata hai. 9. jab gochar men koi grah agrim rashi men chala jata hai aur kuch samay ke lie vakri hokar pichli rashi men a jata hai tab bhi vah age ki rashi ka fal pradan karta hai. 10. surya aur chandrama ka gochar fal: jis jatak ke janm nakshatra par surya ya chandra grahan parta hai to us vyakti ke svasthya ayu adi ke lie bahut ashubh hota hai. is sanbandh men ‘muhurta’ chintamni’ ka nimnalikhit shlok is prakar hai- ‘‘janmakrshe nidhne grahe janmatoghatah kshati shrivryatha, chinta saukhyakalatradausthyamrityah syurmannashah sukham. labho'pay iti kramatdshubhyadhvastyai japah svarn, godanan shantistho grahan tvashubhdan novikshyamahuvre..’’ arthat jis vyakti ke janm nakshatra par grahan para ho uski surya chandra ke dvara janm nakshatra par gochar bhraman ke samay mrityu ho sakti hai. yahi fal janm rashi par grahan lagne se kaha hai. janm rashi se dvitiya bhav men grahan pare to dhan ki hani, tritiya men pare to dhan ki prapti hoti hai, panchve to chinta, chathe pare to sukhaprad hota hai. satven pare to stri se prithkta ho ya uska anisht ho, athven pare to rog ho, naven pare to manhani, dasham men pare to karyon men siddhi, ekadash pare to vividh prakar se labh aur barhven pare to adhik vyay tatha dhan nash hota hai. 11. yadi varsh ka fal ashubh ho arthat shani, guru aur rahu gochar men ashubh hon aur mas ka fal uttam ho to us mas men shubh fal bahut hi kam ata hai. 12. yadi varsh aur mas donon ka fal shubh ho to us mas men avashya ativ shubh fal milta hai. 13. grahon ka gochar men shubh ashubh fal jo unke chandra rashi men bhinn bhavon men ane par kaha hai usmen bahut bar kami a jati hai. us kami ka karan ‘vedh’ bhi hota hai. jab koi grah kisi bhav men gocharavash chal raha ho to us bhav se anyatra ek aisa bhav bhi hota hai jahan koi anya grah sthit hai to pahle grah ka ‘vedh’ ho jata hai arthat uska shubh athva ashubh fal nahin ho pata. jaise surya chandra lagn se jab tisre bhav men ata hai, to vah shubh fal karta hai, parantu yadi gochar men hi chandra lagn se navam bhav men koi grah baitha ho to fir surya ki tritiya sthiti ka fal ruk jayega, kyonki tritiya sthit surya ke lie navam vedh sthan hai. isi prakar chandrama jab gochar men chandra lagn se pancham bhav men sthit ho to koi grah yadi chandra lagn se chathe bhav men a jay to pancham chandra ka vedh ho jayega. isi prakar anya grahon ka bhi vedh dvara fal ka ruk jana samajh lena chahie. surya tatha shani pita putra hain. islie inmen paraspar vedh nahin hota hai. isi prakar chandra budh mata putra hai. atah chandra aur budh men bhi paraspar vedh nahin hota. vedh ko samjhne ke lie ek talika banai gai hai, jismen nau grahon ke chandra lagn se vividh bhavon par ane se kahan-kahan vedh hona hai darshaya gaya hai. is talika men ankon se tatparya bhav se hai jo ki chandra lagn se gini jati hai. udahrn: jaise surya tritiya bhav men ho to navam bhav sthit grah (shani ko chorkr) isko vedh karega. yadi chaturth bhav men ho to tritiya bhav men sthit grah (shani ko chorkr) iska vedh karega. yadi pancham bhav men ho to chathe bhav men sthit koi bhi grah (shani ko chorkr) isko vedh karega ityadi. 14. muhurt chintamni men kaha gaya hai ki ‘‘dushto'pi kheto vipritvedhachchubho dvikoneshubhdah site'bjah ..’’ arthat koi grah yadi gochar men dusht hai, arthat janm rashi men ashubh sthanon men sthit hone ke karan ashubh faldata hai aur fir vedh men a gaya hai to vah shubhafal data ho jata hai. dusre shabdon men vedh ka prabhav nashatmak hai. yadi ashubhta ka nash hota hai to shubhta ki prapti svatah siddh hoti hai. 15. gochar men chal rahe grahon ke fal ke taratamya ke silsile men smaraniya hai, vah yah hai ki fal bahut anshon men grah ashtak varg par nirbhar karta hai. apne ashtak varg men use us sthan men char se adhik rekha prapt hoti hain to us grah ki ashubhta kuch dur ho jayegi. yadi use char se kam rekha milti hain to jitni-jitni kam rekha hoti jayengi utni hi fal men ashubhta barhti jayegi. yadi use koi rekha prapt nahin ho to fal bahut hi ashubh hoga. yadi gocharavash shubh grah ko char se adhik rekha prapt hoti hain to spasht hai to jitni-jitni adhik rekha hongi, utna hi fal uttam hota jayega. not: ashtak varg men rekha ko shubh fal mante hai tatha bindu ko ashubh. dakshin bharat men bindu ko shubh evan rekha ko ashubh mante hain. maharshi parashar nen rekha ko shubh evan bindu ko ashubh ke rup men ankit karne ki salah di hai. isiliye yahan rekha ko shubh ke rup men ankit hai. 16. gochar men grah kab fal dete hain- grahon ki jatak vichar men jo fal pradan karne ki vidhi hai vahi gochar men bhi hai. faldipikakar mantreshvar maharaj ne likha hai. ‘‘kshititanay patango rashi purva tribhage surpti gurushukrau rashi madhya tribhage tuhin kiranamandaurashi pashchatya bhage shashitanay bhujadgau pakdau sarvakalam..’’ arthat surya tatha mangal gochar vash jab kisi rashi men pravesh karte hain to tatkal hi apna prabhav dikhlate hanai. ek rashi men 30 ansh hote hain, islie surya aur mangal 0 digri se 10 digri tak hi vishesh prabhav karte hain. guru aur shukra madhya bhag men arthat 10 ansh se 20 ansh vishesh shubh tatha ashubh prabhav dikhlate hain. chandrama aur shani, rashi ke antim bhag arthat 29 ansh se 30 ansh tak vishesh prabhavshali rahte hain. budh tatha rahu sari rashi men arthat 0 ansh se 30 ansh tak sarvatra ek sa fal dikhate hain. 17. grahon ke gochar men falapradan karne ke vishay men ‘kal prakashika’ namak pustak men thora sa matbhed chandra aur rahu ke vishay men hai. usmen kaha gaya hai. ‘‘suryodau faldavadau gurushukrau madhyagau mandahi faldavantaye budhachandrau tu sarvada. arthat surya tatha mangal rashi ke praranbh men, guru, shukra madhya men, shani aur rahu ant men tatha budh aur chandrama sab samay men fal dete hain. janm kalin grahon par se gochar grahon ke bhraman ka fal: 1. janmakalik grahon se surya ka gochar fal: janmasth surya par se ya usse satven sthan (janm kundli) se gochar ke surya ka gochar vyakti ko kasht deta hai. dhan labh to hota hai kintu tikta nahin, vyavsay bhi thik nahin chalta. sharir asvasth rahta hai. yadi dasha, antardasha bhi ashubh ho to pita ki mrityu ho sakti hai. is avdhi men jatak ka apne pita se sanbandh thik nahin rahta hai. janmasth chandrama par se ya isse satven sthan men gujrta hua surya shubh fal pradan karta hai. yadi surya kundli men ashubh sthan ka svami ho to mansik kasht, asvasthata hoti hai. yadi surya shubh sthan ka svami ho to shubh fal deta hai. janmasth mangal par se ya isse satven sthan men gochar ravi ka prasthan prayah ashubh fal deta hai. yadi kundli men mangal bahut shubh ho to achcha fal milta hai. janmasth budh se ya uske satven sthan se surya gujrta hai to samanya tatha shubh fal karta hai parantu sanbandhiyon se vaimanasya ki sanbhavna rahti hai. janmasth guru par se ya uske satven sthan se gochar ka surya shubh fal nahin deeta hai. is avdhi men unnati ki sanbhavna kam rahti hai. janmasth shukra par se ya usse satven sthan se surya bhraman karne par stri sukh nahin milta. stri bimar rahti hai. vyay hota hai. rajya ki or se kasht hota hai. janmasth shani se ya usse saptam sthan par gochar ka surya kasht deta hai. 2. janmakalik grahon se chandra ka gochar fal: janmakalik grahon se chandra ka gochar fal janmasth chandra ke pakshabal par nirbhar karta hai. yadi pakshabal men bali ho to shubh anyatha kshin hone par ashubh fal deta hai. janmasth surya par se ya usse satven sthan se gochar ke chandrama ka shubh prabhav janmasth chandra ke shubh hone par nirbhar hai. chandrama svasthya ki hani, dhan ki kami, asflta tatha ankh men kasht deta hai. janmasth guru par se ya usse satven sthan se gochar ka chandrama bali ho to stri sukh deta hai. aisho aram ke sadhan jut jate hain, dhan ka labh hota hai lekin janmakalin chandrama kshin ho to iske viprit ashubh fal milta hai. janmasth shani par se athva usse saptam sthan par se jab gochar ka chandrama gujrta hai to dhan milta hai lekin nirbal ho to manushya ko vyapar men ghata hota hai. 3. janmakalik grahon se mangal ka gochar fal: janm ke surya par se athva usse satven, chathe athva usse dasven sthan par se gochar ka mangal jab jata hai tab us avdhi men rog hota hai. kharch barhta hai. vyavsay men badha ati hai aur naukri men bhi varishth padadhikari naraj ho jate hain. ankhon men kasht hota hai tatha pet ke aepreshan ki sanbhavna rahti hai. pita ko kasht hota hai. janm ke chandrama par se athva usse satven, chathe athva dasven sthan par gocharavash jab mangal ata hai to sharirik chot ki sanbhavna rahti hai. krodh ata hai. bhaiyon dvara kasht hota hai. dhan ka nash hota hai. yadi janm kundli men mangal bali ho to dhan labh hota hai. rajyog karak ho to bhi dhan ka vishesh labh hota hai. janmasth mangal par se athva usse satven, chathe athva dasven sthan men gocharavash mangal ata hai aur janmakundli men mangal dusre, chaithe, panchve, satven, athven athva barhven sthan men ho aur vishesh balvan n ho to dhan hani, karj, naukri chutna, bal men kami, bhaiyon se kasht v jhagra hota hai tatha sharir men rog hota hai. janmasth budh par athva usse satven, chathe athva dasven sthan se jab mangal bhraman karta hai to ashubh fal milta hai. bare vyapariyon ke do nanbar ke khate pakre jate hain. jhuthi gavahi ya jali hastakshar ke mukdme chalte hain. dhan hani hoti hai. janmasth guru par se athva usse satven, chathe athva dasven sthan men gocharavash mangal ata hai to labh hota hai. lekin santan ko kasht hota hai. janmasth shukra par se athva usse satven, chathe athva dasven sthan men gocharavash mangal bhraman karta hai to kamvasna tivra hoti hai. vaishya ityadi se yaun rog ki sanbhavna rahti hai. ankhon men kasht tatha patni ko kasht hota hai. patni ka svasthya thik nahin rahta hai. janmasth shani par se athva usse satven, chathe athva dasven sthan se mangal gujrta hai aur yadi janmakundli men shani dvitiya, chaturth, pancham, ashtam, navam athva dvadash bhav men shatru rashi men sthit ho to us gochar kal men bahut dukh aur kasht hote hain. bhumi vyavsay se ya anya vyapar se hani hoti hai. mukdma khara ho jata hai. stri varg evan nimn star ke vyaktiyon se hani hoti hai. yadi janmakundli men shani evan mangal donon ki shubh sthiti ho to vishesh hani nahin hoti hai. lekin mansik tanav bana rahta hai. 4. janmakalik grahon se budh ka gochar fal: budh ke sanbandh men yah maulik niyam hai ki yadi budh shubh grahon se yukt ya drisht ho to shubh evan papi grahon se yukt ya drisht ho to pap fal karta hai. islie gochar ke budh ka fal us grah ke fal ke anurup hota hai jisse ya jinse janmakundli men budh adhik prabhavit hai. yadi budh par surya mangal, shani yadi naisargik papi grahon ka prabhav shubh grahon ke apeksha adhik ho to upar diye gaye surya, mangal, shani adi grahon ke gochar fal jaisa fal karega. viprit rup se yadi janmakundli men budh par prabal prabhav, chandra, guru athva shukra ka ho to in grahon ke gochar fal jaisa fal bhi dega. 5. janmakalik grahon se guru ka gochar fal: janmakalik surya se athva usse saptam, pancham athva navam bhav se gocharavash jata hua guru yadi chandra lagn ke svami ka mitra hai to guru bahut achcha fal pradan karta hai. yadi guru sadharan bali hai to sadharan fal hoga. yadi guru, chandra lagnesh ka shatru athva shani, rahu adhishthit rashi ka bhi svami ho to kharab fal karega. janmasth chandra par se athva isse saptam, pancham athva navam bhav se jata hua guru ashubh fal karta hai. yadi janmakundli men chandrama 2, 3, 6, 7, 10 aur 11 rashi men ho aur guru shani athva rahu adhishthit rashi ka svami ho to aisa gochar ka guru rog deta hai. mata se viyog karta hai. dhan ka nash evan vyavsay men hani hoti hai. karj ke karan mansik pareshani hoti hai tatha ghar se dur bhi karata hai. janmasth mangal par se athva isse saptam, pancham ya navam bhav se gujrta hua guru prayah shubh fal deta hai. yadi kundli men guru rahu ya shani adhishthit rashiyon ka svami ho to kharab fal milta hai. janmasth budh par se athva isse saptam, pancham ya navam bhav men, aya hua gochar ka guru nimn prakar se fal pradan karta hai. (ka) yadi budh akela ho aur kisi grah ke prabhav men n ho to shubh fal milta hai . (kha) yadi budh par guru ke mitra grahon ka adhik prabhav ho to gochar ke guru ka vahi fal hoga jo un-un grahon par guru ki shubh drishti ka hota hai arthat shubh fal prapt hoga. (ga) yadi budh par guru ke shatru grahon ka adhik prabhav ho to gochar ka guru anisht fal dega. visheshtya us samay jab ki janm kundli men guru, shani, rahu adhishthit rashiyon ka svami ho aur budh par daivi shreni ke grahon ka prabhav ho. (gha) yadi budh adhikanshtah asuri shreni ke grahon se prabhavit ho tatha guru, shani, rahu adhishthit rashiyon ka svami ho to guru ke gochar men kuch had tak shubhta a sakti hai. janmasth guru par se athva usse saptam, pancham athva navam bhav men gocharavash aya hua guru shubh fal nahin deta hai. yadi yah janmakundli men 3, 6, 8 athva 12 bhavon men shatru rashi men sthit ho ya pap yukt, pap drisht ho ya shani rahu adhishthit rashi ka svami ho, aisi sthiti men vah kharab fal deta hai. yadi guru janm samay men balvan ho to shubh fal hota hai. janmasth shukra par se athva isse saptam, pancham athva navam bhav men jab gochar vash guru ata hai to shubh fal deta hai, yadi shukra janm kundli men bali ho arthat dvitiya, chaturth, pancham, saptam, navam athva dvadash bhav men sthit ho. yadi shukra janmakundli men anyatra ho aur guru bhi pap drisht, papyukt ho to gochar ka guru kharab fal deta hai. janmasth shani par se athva isse saptam, pancham athva navam bhav se gocharavash jab guru ata hai to shubhafal karta hai. yadi shani janmakundli men pratham, dvitiya, tritiya, shashth, saptam ashtam, dasham athva ekadash bhavon men ho to duba hua dhan milta hai tatha labh hota hai yadi shani anyatra ho aur parashriya niyamon ke anusar ashubh adhipatya bhi ho to gochar ka guru koi labh nahin pahuncha sakta hai balki haniprad hi siddh hota hai. 6. janmakalik grahon se shukra ka gochar fal: janm ke surya par se athva isse saptam sthan men gocharavash jata hua shukra labhaprad hota hai. yadi shukra ka adhipatya ashubh ho to vyasnon men samay bitta hai. janmasth chandra par se athva isse saptam bhav men gochar vash aya hua shukra man men vilasita utpann karta hai. vahan ka sukh milta hai. dhan ki vriddhi tatha stri varg se labh hota hai. chandra yadi nirbal ho to alp matra mane labh milta hai. janmasth mangal par se ya usse saptam bhav men gocharavash aya hua shukra bal vriddhi karta hai, kamvasna men vriddhi karta hai, bhai ke sukh ko barhata hai tatha bhumi se labh hota hai. janmasth budh par se athva usse saptam bhav men gochar vash aya hua shukra vidya labh deta hai. sabhi se pyar milta hai. stri varg se tatha vyapar se labh hota hai. yah fal tab tak milta hai jab budh akela ho. yadi budh kisi grah vishesh se prabhavit ho to gochar ka fal us grah par se shukra ke sanchar jaisa hota hai. janmasth guru par se athva usse satven bhav men gocharavash jab shukra ata hai jo sajjanon se sanpark barhta hai, vidya men vriddhi hoti hai. putra se dhan milta hai, rajkripa hoti hai, sukh barhta hai. yadi shukra nirbal ho aur shani rahu adhishthit rashi ka svami ho to fal viprit hota hai. janmasth shukra par se athva usse saptam bhav se jab shukra gujrta hai to vilasita ki vastuon men aur striyon se sanpark men vriddhi karta hai. taral padarthon se labh deta hai. stri sukh men vriddhi karta hai tatha vyapar men vriddhi karta hai. kamjor shukra kam fal deta hai. janmasth shani par se athva isse saptam bhav se gocharavash jab shukra ata hai to mitron ki vriddhi, bhumi adi ki prapti, stri varg se labh, naukri ki prapti hoti hai. kamjor shukra kam fal pradan karta hai. 7. janmakalik grahon se shani ka gochar fal: janm ke surya par se athva usse saptam, ekadash athva chaturth bhav men jab gochriya shani ata hai to naukri chutne ki sanbhavnaen rahti hai, pet men rog tatha pita ko pareshani hoti hai. janmasth chandra par se athva isse saptam, ekadash athva chaturth bhav men shani bhraman karta hai tab dhan hani, mansik tanav hota hai tatha rog hota hai. yadi chandra lagn asuri shreni ki ho to mishrit fal milta hai tatha arthik labh bhi ho sakta hai. janmasth mangal par se athva isse saptam bhav se gocharavash yadi shani jae to shatruon se pala parta hai, svabhav men krurta barhti hai tatha bhaiyon se anaban rahti hai. rajya se pareshani hai. rakt vikar evan manspeshiyon men kasht hota hai. bavasir ho sakta hai. janmasth budh par se athva isse saptam, ekadash athva chaturth bhav men jab gochar vash shani jata hai to buddhi ka nash, vidya hani, sanbandhiyon se viyog vyapar men hani, mama se anaban evan antriyon men rog hota hai. yadi budh asuri shreni ka ho to dhan ka vishesh labh hota hai. janmasth guru par se athva isse saptam, ekadash athva chaturth bhav se jab gocharavash shani jata hai tab karmachariyon ki or se virodh, dhan men kami putra se anaban athva viyog hota hai. sukh men kami ati hai. jigar ke rog hote hain. janmasth shukra par se athva usse saptam sthan se, ekadash athva chaturth bhav se gocharavash shani patni se vaimanasya karata hai. yadi shukra janm kundli men rahu, shani adi se pirit ho to talak bhi karva sakta hai. prayah dhan aur sukh men kami lata hai. sivay iske jabki janm lagn asuri shreni ka ho. janmasth shani par se athva isse saptam, ekadash athva chaturthabhav men jab gochar vash shani bhraman karta hai to nimn varg ke logon se hani, bhumi, nash, tangon men dard tatha kai prakar ke dukh hote hain. yadi lagn tatha chandra lagn asuri shreni ke ho to dhan, padvi adi sabhi baton men sukh milta hai. 8. janmakalik grahon se rahu/ketu ka gochar fal: rahu aur ketu chaya grah hai. iska bhautik astitva nahin. yahi karan hai ki inko gochar paddhati men sammilit nahin kiya gaya hai to bhi jyotish ki prasiddh lokokti hai. shanivat rahu kujavat ketu atah gochar men rahu shani jaisa tatha ketu mangal jaisa hi fal karta hai. yah smaraniya hai ki rahu aur ketu ka gochar mansik vikriti dvara hi sharir, svasthya tatha jivan ke lie anishtakarak hota hai, visheshtya jabki janmakundli men bhi rahu, ketu par shani, mangal tatha surya ka prabhav ho, kyonki ye chaya grah rahu jahan bhi prabhav dalte hain vahan n keval apna balki in pap evan krur grahon ka bhi prabhav sath-sath dalte hain. rahu aur ketu ki purn drishti navam evan pancham par bhi (guru ki bhanti) rahti hai. atah gochar men in grahon ka prabhav aur fal dekhte samay yah dekh lena chahie ki ye apni pancham aur navam, atirikt drishti se kis-kis grah ko pirit kar rahe hain. aisa bhi nahin ki sada hi rahu tatha ketu ka gocharafal anishtakari hota hai. kuch ek sthitiyon men yah prabhav satta, laetri, ghurdaur adi dvara tatha ggggganyatha bhi achanak bahut labhaprad siddh ho sakta hai. vah tab, jab, kundli men rahu athva ketu shubh tatha yogkarak grahon se yukt athva drisht hon aur gochar men aise grah par se bhraman kar rahe hon jo svayan shubh tatha yog karak hon. udaharan ke lie yadi yogkarak chandrama tula lagn men ho aur rahu par janmakundli men shani ki yuti athva drishti ho to gochar vash rahu yadi budh athva shukra athva shani par apni saptam, pancham athva navam drishti dal raha ho to rahu ke gochar kal men dhan ka vishesh labh hota hai, yadyapi rahu naisargik pap grah hai. ashtak varg se gochar ka fal: gochar ke falit ka ashtak varg ke falit se talmel baithane ki prakriya men nimn baton ko dhyan men rakhna chahiye. 1. yadi koi grah gochar men us rashi se sancharan kar raha ho jismen us grah se sanbandhit rekhashtak varg men 4 se adhik rekhaen ho aur sarvashtak varg ki 30 se adhik rekhaen hon to gochar men chandra se ashubh sthiti men hone ke bavjud us bhav-rashi se sanbandhit karya kalapon aur vishyon ke sandarbh men vah grah shubh fal pradan karta hai. 2. yadi koi grah gochar men us rashi men sancharan kar raha ho jismen us grah se sanbandhit rekhashtak varg men 4 se kam rekhaen ho aur sarvashtak varg men 30 se kam rekhaen hon to bhale hi vah grah chandra se shubh sthanon men gochar kar raha ho, ashubh fal hi deta hai. aisi sthiti men yadi ukt grah ke sancharan vali rashi chandra se ashubh sthan par ho to ashubh fal kafi adhik milte hain. 3. grah ashtak varg men bhi shubh hon aur kundli men upachay sthan (3, 6, 10ven tatha 11 ven sthan) men nij rashi men ya mitra ki rashi men ya apni uchch rashi men sthit ho to bahut shubh fal dete hain aur yadi anupachay sthan men nich athva shatru rashi men ho aur gochar men bhi ashubh ho to adhik ashubh fal dete hain. kahne ka tatparya yah hai ki ashtak varg se grah ka utar-charhav dekha jata hai. 4. yadi kisi bhav ko koi rekha n mile to us bhav se gochar fal atyant kashtakari hota hai. char rekha prapt ho to mishrit fal arthat madhyamafal milta hai. 5 rekha milne par fal achcha hota hai. 6 rekha mile to bahut achcha, 7 rekha mile to uttam fal aur 8 men se 8 rekha mil jaye to sarvottam fal kahna chahie. 5. jatak parijat men ashtakavarg ko sabse adhik mahatva diya gaya hai. jo grah uchch, mitra rashi athva kendra (1, 4, 7, 10) kon (5, 9), upachay (3, 6, 10, 11) men sthit hai, jo shubh varg men hai. balvan hai to bhi yadi ashtak varg men koi rekha nahin pata hai to fal ka nash karne vala hi hota hai aur yadi koi grah papi, nich ya shatru grah ke varg men ho athva gulik rashi ke svami ho, parantu ashtak varg men 5, 6, 7 athva 8 rekha pata hai to yah grah uttam fal deta hai. 6. saravli ne ashtakavarg ke sanbandh men jo sammati di hai, ham samjhte hain ki vah adhik yuktisangat hai. saravli men kaha gaya hai. ‘‘ityuktan shubh manyadevmshubhan charakramen grahaah’’ shaktashakt visheshitan viddhati protkrishtametatfalam. svarthi svochchsuhridgriheshu sutran shastan tvanishtasamam nicharati gata hyanisht bahulan shaktan n samyak falam.. arthat is prakar gocharavash ye grah shubh athva ashubh fal karte hain. ashtakavarg dvara grah achcha, bura athva sam fal dete hain. parantu grah uchch rashi athva svakshetra men hokar bhi yadi ashtakavarg men ashubh ho arthat kam rekha prapt hon, to bura fal dete hain. 4. koi grah kisi rashi vishesh men kab-kab apna shubh ya ashubh fal dikhlaega? iske lie pratyek rashi ko ath barabar bhagon men bant liya jata hai. ek rashi ke 30 anshon ko ath barabar bhag men bantne par man 3 ansh 45 kala ke barabar hota hai. in ashtamanshon ko kakshakram se hi grahon ko adhipatya diya gaya hai tatha ve tadnusar hi fal dete hain. mana kisi vyakti ko shani yogkarak uttamafal dayak hai. ab shani jab-jab adhik rekha yukt rashi men gochar karega to use achcha fal milega. yah ek samanya niyam hai. shani ek rashi men 2 varsh 6 mah tak rahega. to kya pure samay men vyakti ko shubh ya ashubh fal milta rahega ya kisi vishesh bhag men? iska uttar hamen gochrashtak varg se milega. acharyon ne rashi ko ath barabar bhagon men banta hai. un ath bhagon ko kaksha kram se atho vargadhipti kahte hain. ab dekhna hai ki apne bhinnashtak varg men kis rashi men shani ko kis grah ne rekhayen di thi. kalpana kijie shani, mangal aur budh ne us rashi men shani ko bindu diye the. to sidha arth yah hua ki us rashi men gochar karte samay shani jab-jab shani, mangal aur budh ke anshon ( 00 se 30 45’ 70 30’ se 110 45’ aur 180 45’ se 220 30’) men ayega to apna fal dikhlayega. shesh samay uska fal nahin milega. is prakar gochar ki paddhati ko adhik vishvasniya aur pramanik banane ke lie gochrashtak varg ka sahara liya jata hai. yahan yah dhyan rakhna avashyak hai ki rekhayukt grah bhi yadi nich, shatru rashi men ya surya ke dvara ast arthat surya ke sath hota hai to apna purn fal dene men asamarth rahta hai.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.