वास्तु दोष निवारक जीवनदायी पौधे

vastu dosh nivarak jivndayi paudhe  

Ank ke aur Lekh | Sambandhit Lekh | Views : 441 |  
prakriti ki vibhinn kritiyon men paudhon ka sthan sarvopri hai. sahi arth men to ye devta hain, jo hamen sirf dete hi hain, hamse lete kuch nahin, aj pratyek vyakti janta hai ki paudhe hamare dainik jivan men kitna mahatva rakhte hain. fir bhi anek paudhon ke gunon se adhikansh log anbhigya evan aprichit rahte hain. vibhinn prakar ke paudhe, vriksh adi hamari nitya puja men to sahayak hote hain, hamen aushdhi bhi pradan karte hain. inhin vrikshon se tantrik jari butiyan hamen prapt hoti hain jo labhkari siddh hoti hain. vastu dosh ke nivaran men bhi ye paudhe, vriksh, lataen adi hamari sahayta karte hain. ashok: ashok vriksh ko ghar ke samip lagane se ghar men lage hue anya ashubh vrikshon ka dosh samapt hota hai. kela: ghar ki chahardivari men kele ka vriksh shubhkari hota hai. yah vriksha ishan kshetra men aur bhi shubh hota hai. kele ke pas tulsi ka gamla rakhne se vastu dosh ka shaman hota hai. ishan kshetra men lage hue kele ke paudhe ke niche adhyayan karne se adhyayn vyarth nahin jata. ashvagandha: ghar ki sima men svatah ugne vala avashvagandha ka paudha shubh evan vastu dosh nivarak hota hai. nariyal: vastu granthon ke anusar nariyal ka vriksh ghar ki sima men hona shubh hota hai. ghar ki sima men is vriksh ke rahne se vahan ke sadasyon ke man-samman evan unnati men vriddhi hoti hai. anar: ghar ke ahate men anar ka paudha shubh hota hai. han ghar ke agney athva nairritya kon men ise nahin lagana chahie. kuch sthanon par anar ke vriksha ka ghar men hona ashubh kaha gaya hai, kintu yah niyam keval banjar jati ke anar par lagu hai. tulsi: tulsi ek jivndayi paudha hai. hindu manyataon ke anusar yah lakshmi ka rup hai. yah pratyek hindu ghar men mil jata hai aur log shraddhapurvak iski puja karte hain. ise ghar ke bhitar rakhna chahie. iska paudha ghar ki ashubh urja ko dur tatha gandi hava ko svachch karta hai. baragad (vat): vastu ki drishti se yah ek mahatvapurn vriksh hai. kisi bhi bhavan athva pratishthan ke purva men vat vriksh ka hona atyant shubh hota hai. iske viprit vat vriksh ka parishchama ki taraf hona ashubh hota hai. jamun: vastu ke anusar jamun ke vriksh ka ghar ki sima ke dakshin men hona shubh hota hai. iske alava anya dishaon men laga hua jamun vriksh samfldayi hota hai. ghar ke uttar men jamun vriksh ho, to use nashta n karen balki uske sath anar ya anvle ka vriksh laga den, labh hoga. am: am ka vriksh ghar ki sima men shubh nahin mana gaya hai. fir bhi yadi yah ho, to ise katna nahin chahie balki nitya iski jaron men kale til dalakar jal charhana chahie, isse uska ashubhatva samapt ho jaega. sath hi nirganudi ka ek paudha laga dena chahie, shubhatva pradan karega. nim: ghar ke vayavya kon men nim ke vriksh ka hona ati shubh hota hai. jo vyakti nim ke 7 vrikshon ka ropn karta hai, use mrityoprant shivlok ki prapti hoti hai aur jo iske 3 vrikshon ka ropan karta hai, vah saikron varshon tak surya lok men sukhon ka bhog karta hai. bel: bilva vriksh ka ghar ki sima men hona ati shubh hota hai. vrikshayurved men kaha gaya hai: yastu sanropyedvilvan, shankran pritikarakam. tatkulepi sada lakshmiah santishtet putrapautriki.. arthat bhagvan shiv ji ko param priya bilvavriksh jis ghar men hota hai vahan dhan sanpda ki devi lakshmi pirhiyon tak nivas karti hain. shatavr: vastu ganrathon ke anusar shatavar ki bel ka ghar men hona shubh hota hai, kintu ise upar ki disha ki or barhana chahie.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.