ज्योतिषीय दृष्टिकोण में रंगों का महत्व

jyotishiya drishtikon men rangon ka mahatva  

Ank ke aur Lekh | Sambandhit Lekh | Views : 1090 |  
rangon ka hamare dainik jivan men kafi mahatva hain. agar sansar men rang nahin hota to duniya ajib si lagti. islie kudarat ne rangon ke rup men amulya uphar hamen diya hai. jyotish vastu evan ankshastra ki drishtikon se bhi rangon ka hamare dainik jivan par bahut hi mahatvapurn prabhav parta hai. kaha jata hai ki yadi surya ki rashmiyon ka prabhav janmapatri men achcha nahin ho, ya vastu men purab ki disha ka dosh ho to ank jyotish ke adhar par ek ank ke prabhav kam hone par sunhra-pila rang, gulabi ya bhura rang ka istemal karne se us rashmi ke prabhav ki kami ko dur kiya ja sakta hai. islie kaha jata hai ki ravivar ko in rangon ka istemal karne par parakram, pratishtha, svabhiman evan padon men vriddhi hoti hai aur atmik vikas achcha hota hai. vyakti par 1 ank ka prabhav kam hone par ankh, haddi, hriday adi ke rog se grast hone ki sanbhavna rahti hai. agar kisi bhi janmapatri men chandrama kamjor rahe ya vastu men uttara-pashchim disha men kisi prakar ka dosh ho ya vyakti par 2 ank ka prabhav kam ho to safed rang ka adhik vyavhar karna chahie. isse mansik shanti, saumyata, vyavhar kushlta ke sath-sath chandrama ke dosh se utpann bimariyan yatha sardi-khansi adi men labh milta hai. kisi janmapatri men guru ki sthiti achchi nahin ho ya ishan kon men kami ho ya 3 ank ke prabhav ki kami ho to, livar ki bimariyan, vansh ki vriddhi men kami, gyan ki kami rahti hai. aise men kesar rang, pila rang evan krim kalar ka istemal karne se achcha prabhav hasil kiya ja sakta hai. agar kisi janmapatri men rahu kamjor ho ya dakshin-pashchim ki disha men dosh ho athva 4 ank ka prabhav kam ho to snayu-tantra se sanbandhit bimariyan, lakva, poliyo, kutnitigya gyan ki kami adi bani rahti hai. aisi paristhiti men nile rang ka istemal karna chahie. yadi kisi vyakti ki janm kundli men budh ki sthiti kamjor rahe, ghar ki uttar disha men dosh ho ya 5 ank ka prabhav kam rahe to buddhi, vivek men kami bani rahti hai. aisi sthiti men vani ke prabhav men bhi kami rahegi. atah in dushprabhavon ko dur karne ke lie jyada-se-jyada hare rangan ka prayog karna chahie. yadi kisi vyakti ki kundli men ketu ki sthiti kamjor ho, ghar men dakshin-pashchim disha men dosh ho ya is par 7 ank ka prabhav kam ho to ghav, zakhm, fora, funsi, ki shikayat bani rahti hai. atah iske nidan ke lie dhusar rang ka adhik istemal karna chahie. janm kundli men shani ki sthiti thik nahin rahe ya ghar men pashchim disha men dosh ho ya 8 ka prabhav kam ho to vyakti ko mansik ashanti ke sath vat evan gathiya ki shikayat lagi rahti hai. iske nivaran hetu kala evan gre rang ka adhik istemal karna chahie. yadi janmapatri men mangal ki sthiti kamjor ho ya ghar ki dakshin disha men dosh rahe ya 9 ank ka prabhav kam ho to sfurti v utsah men kami, asthi - majja men vikar dekhne ko milta hai. atah iske nivaran ke lie chamkila, gulabi, narangi rang ka vyavhar adhik karna chahie. is prakar, yadi rangon ka sahi chunav evan istemal kiya jae to manushya ko vibhinn bimariyon se chutkara mil sakta hai. yadi rangon ka sahi istemal nahin kiya jae to kasht evan pira bani rahti hai. tabhi to kaha jata hai ki ravivar ko sunhra pila, somvar ko safed, manglvar ko lal, budhvar ko hara, guruvar ko pila, shukravar ko vibhinn prakar evan shanivar ko kala ya nile rang ka istemal karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2008

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.