तंत्र और उसका तत्व ज्ञान

tantra aur uska tatva gyan  

Ank ke aur Lekh | Sambandhit Lekh | Views : 1423 |  
tantra vidya ek aisi vidya hai, jise bina samjhe ham iska upyog nahin kar sakte kyonki tantra sharir ki vah kriya hai, jiske dvara ham aise karya karne men saksham ho sakte hain jo anya sadharan vyakti nahin kar sakta. tantra ka itihas varshon purana hai. tantra jagriti ke dvara hamare purvajon ne brahmand ke bare men jankari li. tantra tatvagyan hai, jiske dvara ham apne urja sroton ko jagrat karte hain. is urja se manav apne andr ek aisi urja utpann kar leta hai, jiske dvara vah brahmand ke gurh rahasya ko bhedakar kai chamatkarik prayog safltapurvak kar sakta hai. is kriya ko karne men purn sharirik gatividhiyon ko kendrit karna parta hai. jis prakar urja ek sarkit ke dvara banti hai aur yadi urja tarangane ruk jaen to sarkit purn nahin hota usi prakar ham apni sharirik kriyaon dvara apne urja kshetra ko jagakar tarangon dvara ek agya chakra ka nirman karte hain aur yadi yah agyatantra nahin jag pata to manushya pagal jaisa ho jata hai. siddh yogi, aghori, purn mahatma is bat ko achchi tarah samjhte hain, tabhi to is pranali ko gupt rup se karte hain tatha ise am ya jansadharan ko nahin batate. nahin to har koi is kriya ke dvara apne sharir ki vyavastha ko aniyantrit kar sakta hai. tantra ka apna ek alag kshetra hai, iski vidhi alag hai ya kahen ki apna upasya hai. yog, bhakti, siddhi sare atmadarshan ke vishay tantra se sanpadit ho jate hain. tantra ke prachin granthon men kurm chakra ko vishesh sthan diya gaya hai. kuch log kurm chakra ke sanskrit shlokon ke vibhinn artha lagakar apne tantra gyan ki mahatta sthapit karn ke lie pratnashil rahte hanai par unmen se adhe bhi nahin jan pate ki kurma chakra kya hai. kurm chakra prakritik rup se kisi ikai men banne vala ek prakar ka urja chakra hai. is karya ko karne ke lie ek vishesh asn kshetra ka nirdharan kiya jata hai, nirdharan hone par isht devta evan guru ka sankalp lekar abhimantrit jal se shuddh karke mantra dvara surakshit kiya jata hai. tantra vidya ki utpatti prithvi ke utpanna hote hi ho gai thi. yah sab jivon men ek saman hoti hai. manav sabhi jivon men jyada samjhdar evan vivekshil hai, islie vah is kriya ko karne men saksham hai. jab tak koi ise purna rup se samajh nahin pata tab tak uska purn vishvas evan ekagrata jagrat nahin ho sakti. bina vishvas evan ekagrata se koi karya safl nahin ho sakta kyonki is ekagrata aur vishvas ko jagane ke lie manushya ko athak prayas karne parte hain. islie aisi jankari koi kisi ko nahin deta. adhure gyan se agyani apne prakritik svarup ko bigar sakta hai. islie asafal log is vigyan ko ek aprakritik kriya ka pakhand bhi kahte hain. brahmand rahasya men is vishay par kafi jankari hai. tantra kriya dvara jo urja utpanna hoti hai, usmen se ek tarang evan sukshma kan niklte hain jinke dvara sadhk ek ajib avastha men ata hai. ye tarangane vyakti ko surya, chandra, prithvi ke gurutvakarshan se alag karti hanai. jab sadhak gurutvakarshan ke bahar hota hai to vah manchaha karya karne men sakshama ho jata hai. iske lie havan evan mantra ki bhi avashyakta hoti hai. aj vigyan ne bhi kafi tarakki kar li hai. jismen in tarangon ki bhumika ahm hai. tarangon dvara sanchalit sanchar va duradarshan madhyamon se vishva bhar ki jankari ham ghar baithe prapt kar lete hanai. prachin kal men hamare rishi-muni ya siddh purush tantra vidya ke gahn adhyayan se har bat ki jankari prapt kar lete the. lekin aj jo tantra kriya ke rahasya ko jan lete hain. ve kai jankariyan sarlta se pa lete hain. havan evan mantra dvara isi tarh ham hava men tarang utpann karte hain. aur havan v jap dvara jis karya ko chahane use siddh kar lete hain. islie havan ki rat, uske dhuen v charnamrit ko bhi chamatkarik mana gaya hai. anushthan men upyog samagri ek vishesh prakar ki tarangen utpann karne men sahayak hoti hai. hamare granthon men likha hai ki bakre, khargosh aur bhainse men durga, sarasvati aur kali ki tarangen adhik hoti hain. isi prakar jadi-butiyon evan samidha ka bhi alg mahatva hai. in sabse utpann tarangon ko prapt kar mansik urja dvara kisi bhi lakshya ko pane se hi tantra ke chamatkarik prabhav utpann hote hain. islie jo log ise janna chahte hain unhen svayan janne ke lie prayatna karna karna chahie. per paudhe tarangane chorte hain. unke pas jane se manushya ki tarangen bhi unki tarangon se jur jati hain. donon tarangon ko sadharn manushya bhi jan sakta hai. udahrn ke lie vyakti nim evan imli ke per ke pas jakar anubhav kar sakta hai. rudraksh ke bare men to har vyakti jankari rakhta hai. tantra shastra men rudraksh ka mahatva bhi hai. rudraksh ke mukhon ke anusar uski urja hoti hai. tantra bhi ek prakar ki chamatkarik urja utpann karne ki kriya hai. rudraksh dharan karne se hamare sharir ki urja evan rudraksh ki urja milkr hamare dil, dimag aur sharirik kriyaon ko adhik gativan evan urjavan bana deti hai. isi prakar ek banda tantra hai. banda ek prakar ki vanaspati hai jo bhumi par n ugkr kisi vriksh par ugti hai. yah parjivi hai arthat yah dusre paudhe par utpanna hokar uske gun, dharm v urja grahn karti hai. banda am, jamun, mahua adi peron par asani se dekha ja sakta hai. tantra shastra men vriksh bhed ke anusar us par uge banda ke prayog v prabhavon ka vistar se varnan hai. banda men do vanaspati samuhon ka mishran hone se ek alag shakti banti hai jo 1$1 do n hokar 11 ki shakti ke barabar hoti hai. bach ke bande se vyakti apni vak shakti barha sakta hai to sakhot ka banda siddh karne ke pashchat ek adrishya shakti pradan karta hai jiske dvara ham bhugarbh ki jankari le sakte hain. kaith ke per ka banda dharan karne se vyakti shastra-ghat hone par bhi nahin marta. ashok ka banda vyakti men shakti ka sanchar karta hai. anar ka banda ghar men hone se dusht grahon ka prakop, najar tona adi prabhavi nahin hote. is prakar ham tantra dvara utpadit urja alg-alag kshetra men prapt kar sakte hain. varahi tantra ke anusar tantra ke nau lakh shlokon men se ek lakh shlok hi bharat men hanai. tantra vidya bharat men hi nahin apitu nepal, japan, chin, bhutan men bhi vibhinn rupon men dekhne ko milti hai. tantra ko tibbati bhasha men shringyud kaha jata hai. yah granth 98 bhagon men hai. inmen kai granthon ka bhartiya granthon men anuvad hai. yog bhi ek prakar ki tantrik kriya hai, jiske dvara ham apne angon men urja jagrat karte hain tatha usse labhanvit hote hain. yog dvara sukshma kanon ko jorakar jo urja ham ekatrit karte hain vah hamare mansik tanav evan sharirik pira ko to kam karti hi hai, sath hi hamen ek alg urja bhi deti hai jo aj ke yug ki vyastata men hamari sahayta karti hai. yaugik kriya bhi tantra men samahit hai. tantrik prayogon ko jyada shaktishali ya urjavan banane ke lie kai prakar ka evan kai jaghon ka jal, patte, bande, ful, jar adi kam men lie jate hain. tantrik prayog ke lie fal, ful, jal, aushdhi adi niyat samy par vidhipurvak hi lane chahie. jis din jo vastu lani ho use ek din pahle shuddh evan pavitra hokar bhaktibhav se nimantran de lena chahie. kuen men, bil men, mandir evan shmashan men sthit vriksh achche nahin hote. avashyakta se adhik ya kam, bina ritu ke utpanna aur kiron dvara khai gai jari-buti, fal, patte adi nahin lene chahie. ekant sthan aur svachch vatavrn ki lai, hui vastu hi shreyaskar hoti hai. sharad v hemant men chal v jar, shishir men ful v mul, basant men ful v patte aur grishm men fal evan bij grahan karne chahie. tantra ke dvara kam upasna karne vale ko chahie ki vah man aur karm se shuddh, satvik, paropkari v nirahar rahe. prayog ke samay jo anubhav kare vah apne guru se hi kahe, dusre vyakti ko kahne se use karya purn karne men badha bhi a sakti hai. vashikaran ke prayogon men sadhya ki kamna avashya karni chahie. kisi bhi prayog ke lie vishvas jaruri hai. shraddha, guru pujan, sabke prati samman bhav, paropkar, indriyon par niyantran aur alp bhojan bhi avashyak hai. tantra men vibhinn jari butiyon ka bhi prayog hota hai. unke devta alg-alag hain. islie devon ke dev yogiraj shankar ko namaskar kar lena chahie. tantrik prayogon men ishta devta aur yantra ka pujan avashyak hai. shodshopchar men aghrya, achaman, tarpan, gandh, pushp, naivedya, tanbul, dakshina, stotra, namaskar adi avashyak hain. panchmi v purnima ko abhichar, dvitiya v shashthi ko uchchatan, tritiya va trayodshi ko akarshan, chaturthi v chaids ko stanbhan aur ekadshi v dvadshi ko maran karm ka vidhan hai. tantra ke lie amavasya, grahan yog, ekant adi ka bhi vishesh mahatva hai. grahan kal v amavasya ko asn par baithakar sadhak jo kriyaen karta hai unka fal shighra milta hai kyonki us samay surya ya chandrama ka bal kamjor hota hai. asan par baithkr vah apni urja ko prithvi ke bhitr nahin jane deta. suryagrahan par surya se niklne vali kirnon evan urja ka hras hone se tantrik apne dvara utpanna urja ki sakriyata ko barha leta hai. isi tarah amavasya ko chandra ki shakti ka hras hota hai. uske gurutvakarshana ke abhav men sadhak apni urja dvara jo bhi tantrik kriya karta hai, usmen shakti jyada hoti hai. islie tantrik kriyaen rat men jyada ki jati hain tatha ve jyada prabhavshali hoti hain. dhyan rahe, tantrik kriya kabhi bhi akele aur guru ke bina nahin karni chahie kyonki tantra-marga men guru ka sthan sarvopri mana gaya hai. tantra sadhak ki apne guru ke prati purn shraddha hone par hi uske dvara ki jane vali kriyaon men koi galti rah bhi jae to use gurudev dur kar dete hain. guru ka tap prabhav kavach bankr sada shishya ki raksha karta rahta hai. tantrik prayog dvara apne andr alaukik urja ka samavesh sansarik bandhnon se mukt hone men sahayak hota hai. tantra vidya men satvikta ka aj ke yug men adhik dhyan rakhna chahie. tamsik kriya dvara jahan jaldi fal milta hai vahin hani hone ki sanbhavna bhi rahti hai. tantra sadhna se purva sadhkon ko apne janmakalin grahon ka vishleshan karva lena chahie, yah janne ke lie ki vah sadhna men safal hoga ya asafal. agar safal hoga to kis sadhna ya upasna men. bina soche samjhe kiya gaya prayas nuksan pahuncha sakta hai. û guru v budh donon grah shubh rashi men sthit hane to vyakti brahm se sakshatkar kar sakne men safal hota hai. û dashmesh ka shukra ya chandra se sanbandh ho to dusron ki sahayta se sadhna, upasna men saflta milti hai. û dasham bhav ka svami saptam bhav men ho, to vyakti kaisi bhi tantrik kriya kare, use saflta avashya prapt hoti hai. û dashmesh do shubh grahon ke bich ho, to sadhak ko saghna ke kshetra men samman milta hai. û guru shreshth ho, to sakar brahma upasna men saflta milti hai. yadi lagn ya chandrama par shani ki drishti ho, to safal sadhak ho sakta hai. û janmakalin kundli men surya bali ho, to shakti upasna karni chahie, yadi chandra bali ho to tamsi upasna men saflta milti hai. û yadi lagnesh par guru ki drishti ho, to tantra sadhna ke sath mantrochcharn ki bhi shakti milti hai. û dashmesh shani ke sath ho, to vyakti ki tamsik sadhna faldayi hoti hai. û athven ghar ka shani sadhak ko murdon ki khopriyon ko sadhna ka madhyam banane vala tantrik banata hai. û yadi kendra aur trikon men sabhi grah hon, to jatak prayatn kar sadhna kshetra men saflta prapt kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.