स्वजन सुख विहीन

svajan sukh vihin  

Ank ke aur Lekh | Sambandhit Lekh | Views : 762 |  
sham ka samay tha. samir aur sandhya bahut hi adhir hokar haespital ke bahar chahl kadmi kar rahe the. rah-rah kar unki nigah ghari ki or ja rahi thi. aj dopahar se hi unka yahi hal tha. donon ko hi kisi ka besabri se intjar tha aur khana-pina bhulakar uske sapnon men khoye hue the. tabhi unhen suchna mili ki chandni ko bitiya hui hai to donon khushi se nihal ho gaye. unhonne turant use 500/- rupye ki bakhshish di aur lapk kar chandni ke rum men pahunch gaye. sandhya ne bachchi ko dur se dekha to dekhti hi rah gai. choti si, pyari si bachchi ful si lag rahi thi. unhonne chandni ko badhai di aur uske khane pine ka intjam karne lage. ghar vapis akar sabhi jagah bitiya hone ki khushi men mithaiyan batvain aur jald hi ek bare jashn ki taiyari bhi shuru kar di. jahan ek or sandhya navjat shishu ke agaman ki taiyari men juti thi vahin samir bhagvan ko dhanyavad de rahe the ki akhir itne intjar ke bad bhagvan un par mehrban ho gaye hain. unke vivah ko 12 varsh ho chale the par santan sukh prapt nahin hua tha aur daektaron ke anusar sandhya man ban sakne men sharirik rup se saksham nahin thi. samir ne apne vyavsay men paise to bahut kamae parantu bachche ka sukh n milne se bahut nirash rahte the. unhonne kai bar bachcha god lene ki koshish ki par sandhya kisi anjan bachche ko god lene ke paksh men nahin thi ki tabhi jaise bhagvan ne hi unki god bharne ki tarkib sujha di. chandni aur uska pati vijy unke ghar kam karte the. vijy unka draivar tha aur chandni ghar ka kam sanbhalti thi. donon hi bahut bhale the aur ghar ka kam puri imandari se karte the. sandhya ne jab unse apne man ki bat kahi to vo apni santan unhen dene ke lie taiyar ho gaye. ve bhi yahi chahte the ki unki santan ko purn sukh prapta ho aur use vah sari sukh suvidhaen milen jinhen dene men vo saksham nahin the aur fir unhen yah pata tha ki unki beti unki ankhon ke samne hi rahegi to use do-do manon ka pyar milega. aj sandhya ka intjar khatm ho raha tha aur unki rajkumari unke ghar a rahi thi. pure ghar ko fulon se sajaya gaya aur sabhi rishtedaron aur doston ko bulakar bachchi ka namakaran sanya kiya gaya. kuch hi din men unhonne use kort ke madhyam se god lene ki rasm bhi puri kar li. sanya ka laln-palan bahut hi pyar se kiya jane laga. sandhya apni bachchi ka pura khyal rakhti aur uske sabhi kam svayan hi karti. shuru men chandni ka kam aur uska bachchi ke prati pyar aur dular to use achcha lagta tha par jaise-jaise sanya bari ho rahi thi sandhya use chandni aur vijay se dur rakhna chahti thi. vah use kahin bhi le jane ko mana kar deti thi aur n hi ye chahti thi ki ve use apne rishtedaron se milvaen. udhar chandni ka pyar apni beti se barhta hi ja raha tha. chahe usne use god de diya tha par thi to vah uski santan islie vah bahut dukhi rahne lagi. sandhya aur samir ne use dur karne ke lie dusre shahar bhej diya aur unke ekaunt men kafi paisa bhi jama kara diya jahan unka farma haus tha. chandni aur vijay man marakar vahan chale to gaye par unka pyar apni beti ke lie kam nahin hua. ve pandrah bis din men yahi koshish karte ki kisi tarah akr sanya se mil len. unka yah pyar sandhya ko nahin suhata tha aur unse dur karne ke lie usne amerika shift hone ka man bana liya aur shighra hi apna kam vahan par jamane ke lie amerika chali gai. vahan par kam karne ke sath-sath unhonne sanya ki ameriki nagrikta ke lie bhi avedan kar diya. vahan jakar sandhya ki taviyat kharab rahne lagi aur usko pata chala ki uska kidni kharab ho gaya hai aur itna adhik kharab ho gaya tha ki use nikalna para. bachchi das sal ki ho chali hai aur ab jahan vah apni janmadatri man se dur hai vahin dusri man bhi apni kharab taviyat ki vajah se uski dekhbhal nahin kar pa rahi hai kyonki ab sandhya ki dusri kidni bhi lagabhag kharab ho chuki hai aur vah kpanslepe par rahti hai. usko yahi chinta rahti hai ki apni beti ki dekhbhal kis tarah se karen aur kya vah uske vivah tak jivit bhi rah paegi ya nahin. daektaron ne bhi use ab javab de diya hai aur bachne ki koi ummid najar nahin ati. sanya ki kismat dekhiye ki jahan bachapan men use do manon ka pyar mil raha tha vahan ab donon se hi vanchit ho rahi thi. aiye dekhen sanya ki kundli ke sitare kya kahte hain? sanya ka min lagn aur kanya rashi hai. lagnesh guru aur chandra ki drishti lagn par parne se vah akarshak, sundar v saumya svabhav ki hai. sanya ka lagnesh v dashmesh guru tatha panchmesh chandrama ki kendra men yuti hone se uska nirdhan parivar men janm lene ke bavjud ek uchchavargiya parivar men sabhi bhautik sukh suvidhaon ke sath laln-palan ho raha hai. jin kundliyon men gajkesri yog vala guru kendrasth hota hai tatha sath hi guru v shukra in donon grahon ki sthiti shubh hoti hai ve arthik rup se shighra hi sanpann ho jate hain kyonki guru dhan v ay bhav ka karak hai jabki shukra lakshmi kripa v samasta sansarik sukhon ka karak hota hai. kutumb ke dvitiya bhav men kalasarpa yog banane vale rahu sthit hain. rahu va kalasarp yog ke alava dvitiya bhav par shani ki drishti bhi hai. kutumb ke bhav par algav karak rahu v shani ka prabhav hone tatha dvitiyesh ke chathe bhav men sthit hone v vahan par rahu se drisht hone ke karan sanya janma lete hi apne kutumb se alag ho gai aur god lene vale mata-pita ke ghar a gai. chaturth bhav ka adhipti budh ashubh bhav men sthit hai tatha mata ka karak chandrama bhi shunya paksh bal vala hai kyonki sanya ka janm amavasya vale din hua tha. yah grah yog uska apni man se algav darsha raha hai aur sath hi dusri man bhi ganbhir bimari se grasit hokar mrityu shayya par hai. surya, rahu v shani ye tinon algav karak grah mane jate hain. jab inmen se do grahon ka prabhav kisi bhav par ata hai aur vah bhav tatha bhavesh tatha uska karak in tinon men se do shubh grahon ke prabhav se vanchit hote hain to aisi sthiti men vah bhav apke jis sanbandhi ka sanketk hota hai us sanbandhi se jatak ka algav ho jata hai. sanya ki kundli men aisa grah yog kutunb bhav ke atirikt man ke bhav par ho raha hai. islie use apne kutunbi, mata v svajnon se alag hona para. use jis man ne god liya uske sukh se bhi vah vanchit hone ke kagar par hai. age bhavishya men aisa ho sakta hai ki god lene vale man-bap v unke anya kutunbiyon se bhi use alg hona pare.
Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.