विद्यार्थी एवं वास्तुशास्त्र

vidyarthi evan vastushastra  

Sambandhit Lekh | Views : 1387 |  

kisi bhi bhavan ka jab nirman kiya jae tab usmen vastushastra ke siddhanton ka bhalibhanti palan karna chahie. chahe vah nivas sthan ho ya vyavsayik parisar hai. is yug men shiksha ka kshetra atyant vistrit ho gaya hain aur badlte hue jivn-mulyon ke sath-sath shiksha ke uddeshya bhi badal gaye hain. shiksha vyavsay se jur gai hain aur chatra-chatraen vyavsay ki taiyari ke rup men hi ise grahan karte hain. adhikansh abhibhavkon evan vidyarthiyon ki chinta yah rahti hai ki kya padha jae taki achcha kairiyar nirmit hon. aj ke yug ko dekhte hue jyotish ke madhyam se shiksha ka chayan upyogi ho sakta hai. aj ka bhavan to alishan hota hai sabhi sukh suvidhaon se paripurn hota hai fir bhi uske anushasan v parhai ke star men nirantar giravat a jati hai bachche bhi adhyayan ke prati ruchi nahin dikhate hain.

bhavan ka nirman karte samay vastushastra ke niyamon ka palan karne se saflta prapt ki ja sakti hai.

prachin kal men shiksha ka mukhya uddeshya gyan prapti hota tha. vidyarthi kisi yogya vidvan ke nirdeshan men vibhinn prakar ki shiksha grahan karte the. iske atirikt use shastra sanchalan evan vibhinn kalaon ka prashikshan bhi diya jata tha. kintu vartaman samay men yah sabhi prashikshan lagabhag gaun ho gaye. shiksha ki mahatta barhne v pratispardhatmak yug men sajag rahte hue balak ke bolne v samjhne lagte hi mata-pita shiksha ke bare men chintit ho jate hain.

pratiyogita ke is yug men lagabhag sabhi parivar apne bachchon ke kairiyar ko lekar kafi pareshan najar ate hain. bachchon ka n to parhne men man lagta hai aur bari mushkil se hi pas ho pate hain svasthya bhi thik nahin rahta hai. is karan parhne men kafi pichrta ja raha hai. ham dekhte hain ki kai bachche khelte-kudte v masti karte rahte hain jyada adhyayan bhi karte hue nahin pae jate hain par jab unka pariksha parinam ata hai to vah bachche achche nambaron se pas hote hain. iske viprit kai bachche apna atyadhik samay adhyayan men lagate hain. unhen parivar ke log bhi kafi sahyog karte hain par pariksha men ya to anuttirn ho jate hain ya kam nanbron se pas hote hain.

jahan bhi vastu ke siddhanton ke viprit adhyayan kaksh ki banavat ho to us kamre men parhne vale vidyarthi vibhinn prakar ki pareshaniyon ka samna karte hain aur parhai men pichrte jate hain. bachchon ka kairiyar unki achchi parhai likhai par hi nirbhar karta hai. aisi sthiti men yadi mata-pita evan vidyarthi thori si satarkata barten evan vastu ke kuch sadharan se niyamon ka palan karen to kam mehanat kar achche nanbron se pas honge. unka bhavishya bhi ujjaval hoga. vastu shastra ke anusar purva uttar evan ishan dishaen gyanavardhak dishaen kahlati hain atah parhte samay hamen uttar purva evan ishan disha ki or munh karke parhna chahie.

paristhitivash yadi hamara adhyayan kaksh pashchim disha men bhi ho to parhte samay hamara munh uprokt dishaon ki or hi hona chahie. vigyan ke anusar infrared kirnen hamen uttari purvi kon arthat ishan kon se hi milti hain ye kirnen manav sharir tatha vatavaran ke lie atyant labhdayak hain jo sharir ki koshikaon ko shakti pradan karti hain aur sharir men ekagrata pradan karti hain.

  1. adhyayan kaksh ho sake to bhavan ke pashchim ya ishan kon men hi banana chahiye. par bhavan ke nairritya v agney men kabhi bhi adhyayan kaksh nahin banana chahie.
  2. vidyarthiyon ko parhte samay munh purva ya uttar ki or rakh kar hi adhyayan karna chahie.
  3. vidyarthiyon ko darvaje ki taraf pith karke kabhi bhi adhyayan nahin karna chahiye.
  4. vidyarthiyon ko kisi bim ya parachatti ke niche baithakar parhna ya sona nahin chahie isse mansik tanav utpann hota hai.
  5. vidyarthi chahe to apne adhyayan kaksh men so bhi sakte hain. arthat kamre ko stadi kam bedrum banaya ja sakta hai.
  6. stadi rum ka darvaja ishan purva dakshin agney pashchim vayavya v uttar men hona chahiye. arthat purva agney dakshin pashchim nairitya evan uttar vayavya men nahin hona chahiye. stadi rum men yadi khirki ho to purva pashchim ya uttar ki divar men hi hona chahie. dakshin men nahin.
  7. vidyarthiyon ko sadaiv dakshin ya pashchim ki or sir karke sona chahie. dakshin men sir karke sone se svasthya achcha rahta hai aur pashchim men sir karke sone se parhne ki lalak bani rahti hai.
  8. adhyayan kaksh ke ishan kon men apne aradhya dev ki foto v pine ke pani ki vyavastha bhi rakh sakte hain.
  9. kitabon ka reks dakshin pashchim men rakhe ja sakte hain par nairritya v vayavya men nahin rakhna chahiye. kyonki nairritya ke reks ki kitaben bachche nikal kar kam parhte hain v vayavya men kitaben chori hone ka bhay rahta hai.
  10. kitaben stadi rum men khule reks men na rakhen. khuli kitaben nakaratmak urja utpann karti hain isse svasthya bhi kharab hota hai atah reks ke upar darvaja avashya lagayen .
  11. yadi ap achcha kairiyar banana chahte hain to stadi rum men anavashyak purani kitaben v kapre n rakhen. arthat kisi bhi kism ka kabara kamre men nahin hona chahie.
  12. adhyayan kaksh ki divar v parde ka kalar halka asmani halka hara halka badami ho to behatar hai. safed kalar karne par vidyarthiyon par susti chai rahti hai.
  13. adhyayan kaksh ke sath yadi taylet ho to uska darvaja hamesha band rakhen. taylet ko jyada na sajayen . saf safai ka pura dhyan rakhen.
  14. yadi kamre men ek se adhik bachche parhte hain to unke hanste muskate hue samuhik foto stadi rum men avashya lagayen isse unme mil julakar rahne ki bhavna viksit hogi.
  15. yadi vidyarthi apne adhyayan men yathochit saflta nahin pa rahe hain to adhyayan kaksh ke dvar ke bahar adhik prakash dene vala balb lagaen jo 24 ghante jalta rahe.
  16. yadi vidyarthi vastu ke uprokt samanya niyamon ka palan karte hain to unhen bahut jyada samay stadi rum men bitane ki jarurat nahin rahegi. unhen anya gatividhiyon jaise khelna kudna ityadi ke liye samay bhi milega sath hi vidyarthi achche nambaron se pas hokar apne kairiyar aur apna bhavishya ujval kar sakenge.
  17. yadi vidyarthi kampyutar ka prayog karte hain to kampyutar agney se lekar dakshin v pashchim ke madhya kahin bhi rakh sakte hain. dhyan rahe ishan kon men kampyutar kabhi n rakhen. ishan kon men rakha kampyutar bahut hi kam upyog men ata hai.
  18. yadi surya ki subah ki kirnen kamre men ati ho to khirki darvaje subah ke vakt kholakar rakhna chahiye. taki subah ki labhdayak surya ki urja ka labh le sake. par yadi surya ki sham ki kirnen ati hai to bilkul n kholen. taki dopahar ke vakt ke bad ki nakaratmak urja se bacha ja sake.
  19. in sadharan kintu chamatkarik vastushastra siddhanton ke adhar par yadi adhyayan kaksh ka nirman kiya jae to uttarotar pragti sanbhav hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.