शनि शांति हेतु हनुमत् उपासना का महत्व

shani shanti hetu hanumat upasna ka mahatva  

Ank ke aur Lekh | Sambandhit Lekh | Views : 1437 |  
ek bar ki bat hai ki jab ravan ka sabse bara putra indrajit paida hone vala tha to usne sabhi grahon ko apne pair ke niche daba liya jisse uska putra grahon ki sarvadhik shreshth sthiti men utpann ho. devtaon ko chinta hui ki yadi aisa hua to ravan ka putra ajey ho jaega. aisi sthiti men shani ne kaha - main is sankat se chutkara dila sakta hun parantu iske lie mujhe ravan ke chehre par drishti dalni hogi. devtaon ne is karya ko anjam dene ke lie narad ji ki sahayta li. narad ji ne ravan ke mahal men pravesh karke uski is bat ke lie prashansa ki ki usne sabhi grahon ko pairon ke niche daba liya hai parantu narad ji ne yah bhi kaha ki yadi vah in grahane ki pith ki bajay inki chati par panv rakhe tabhi uski jit ko jit mana jaega. ravan ne narad ji ki bat manakar jaise hi grahon ko palatakar unki chati par apna pair rakha to shani ne apni krur drishti ravan ke mukh par dal di. shani ki drishti parte hi ravan ka bura samay aranbh ho gaya. ravan ne shani ko dandit karne ke lie use kal kothri men dal diya. hanuman ji jab mata sita ki khabar lene ae to unhonne kal kothri se shani ki chikh pukar suni. tab hanuman ji ne shani ko is kal kothri se mukt kar diya. tab shani ne hanuman ji ko vardan dete hue kaha ki main apke bhakton ko kabhi kasht nahin pahunchaunga. tabhi se shani pradatt kashton ke nivaran hetu hanuman ji ki aradhna ki jati hai. isi sandarbh men ek anya katha bhi lokaprasiddh hai jiske anusar shani ek bar hanuman ji ko nicha dikhane ke makasad se unke kandhe par charh gae. tabhi hanuman ji ne apne sharir ko itna bara kar diya ki shani hanuman ji ke kandhon aur chat ke bich men fansakar dard se karahne laga. shani ne fir hanuman ji se apni mukti ke lie prarthana ki aur iske badle men vachan diya ki ve unke bhakton ko kadapi kasht nahin denge. tab shani ne apne ghavon se hone vali pira se mukti prapti hetu hanuman ji se kale til aur tel ka agrah kiya taki ve uska lep banakar apne ghavon par laga sake. tab se shanivar ke din shani ke lie kale til v tel charhane v sath hi hanumat upasna ki paranpra prachlit hai. hanuman aur shani ka sanbandh: hanumanji aur shani devta ki kahani ka ek adhyatmik mahatva hai. har bar garva aur ahankar se bhare shani vinamra hanuman ko milte hain tatha shani ki svarthi v atmakendrit kriyaon ki hanuman ji niahsvarth bhav se pratikriya dete hain. isi prakar yadi ap bhi apne ahan bhav, garva aur svarth ko chorakar hanuman ji ki tarah hi achche, vinamra, parmarthi v seva bhav se paripurn ho jaen to ap shani ki sarhesati men bhi shani ke jal se bach jaenge. yad rakhen shani ne hanuman ko ek bar nahin balki anekon bar kasht pahunchae jabki sankat mochak hanuman apni vinamrata, sadgi aur anya shreshth gunon ke karan sada vijyi rahe. shani shanti men hanumat upasna: shani kalpurush ka dukh hai. yadi janmakundli men shani ki sthiti anukul n ho to shani ki sarhesati v dasha adi men vishesh kasht ki anubhuti hoti hai. sarhesati ka sanbandh chandrama arthat hamare man se hai islie is avdhi men jatak ka vibhinn kashton se gujrne ke karan manobal girne lagta hai tatha atmavishvas v sahas men vishesh kami ane lagti hai. aisa prabhav vishesh rup se tab hota hai jab kundli men shani ki sthiti adhik ashubh ho. aise men yadi mangal bhi kamjor ho to jatak viprit paristhitiyon ka pratikar karne men apne ko aksham mahsus karne lagta hai kyonki mangal kalpurush ka bal hai islie yadi kundli men mangal balvan ho to jatak apne bal, parakram, prabhav, atmavishvas, atmabal tatha sahanashakti v tejasvita se shani ke prakop ko sahan karne men saksham ho jata hai. yadi kundli men mangal ki sthiti ashubh ho, vah nichrashisth ho, akarak ho, pirit athva ast ho to hanuman ji ki upasna karke n keval use anukul kiya ja sakta hai apitu isse shani grah ki bhi shanti ho jati hai. shani ki sarhesati ya dhaiyya ke shuru hone par jatak ko anek prakar ke kasht prapt hote hain. samay rahte nimnankit upay karne se shani pradatt kashton se bacha ja sakta hai: - yadi mansik tanav adhik ho to satmukhi rudraksh mala dharan karni chahie tatha us par shani ke tantrokt mantra ‘‘un pran prin praun sah shanaishcharay namah’’ ka jap karke shanivar ke din chaya dan karna chahie. anya mantron ka utkilan karna parta hai parantu uprokt tantrokt mantra bina utkilan ke bhi falibhut ho jata hai. - sarhe sati men 1-14 mukhi rudraksh mala dharan karne se sabhi prakar ke shani janit kashton se chutkara milta hai. - yadi kuch anisht hone ka bhay hota ho ya daravne svapn ate hon to hanuman chalisa, bajrang ban v panchmukhi hanuman kavach ka path karna karna chahie. sh yadi sarkari pareshani hai athva naukri men badhaen a rahi hain jaise adhikari se matbhed/tnav hai to pratidin sundrkand ka path karen. ise shanivar ko aranbh karke shukravar ko sanpann karen. - yadi arthik hani ho gai hai to mangal v shanivar ke din mans madira ka sevan n karen, manglvar ka vrat karen v hanuman ji ko chola charhaen, tatha 800 gram gur jal men pravahit karen. hanuman sahasranam ka path pratidin karen v 43 ven din gur v chana ka prasad banten. iske atirikt shanivar ke din kali dal, kala vastra adi shani ki vastuon ka dan karen. - yadi ghar men kalah ho to sayankal ghar men sarson ke tel ka dipak jalaen. - shatrubadha, grah badha v bhut badha adi hone par bajrang ban v bajrang gurj ka path karen. - najrdosh hone par hanuman puja karke lal tika lagaen. - vivah badha hone par lakshmi, bhairav, hanuman v ganpti in sabhi ki sanyukt upasna karen. aisa karne se manglik dosh ki shanti hogi v shani v mangal janit vivah badha dosh shant hoga. - yadi ghar men bachche jiddi ho rahe hain, kahna nahin mante to hanuman ji ki purn seva bhav v brahmacharya vrat ka palan karte hue puja karen v manglvar ka vrat karen tatha svayan bhojan pakakar khaen. apki pareshani avashya dur hogi. shani shanti ke lie tel v til ke dan ke atirikt hanuman chalisa, sanktmochak hanumat stotra, hanumanashtak, hanuman mantra, sundrkand, panchmukhi hanuman kavach, hanumanasahasranam, bajrang ban adi ke path ke atirikt hanuman ke mandir men sindur charhaya jata hai. sarhesati men shani jatak ke ahankar ko nasht karna chahta hai atah is samay jatak ko kisi se vair mol nahin lena chahie kyonki yah virodh aur adhik pareshani lekar ata hai apitu hanuman ji ki tarah se vinamrata v sadgi se vyavhar karna chahie v apne varishth ki avagya nahin karni chahie v sath men apne kanishth logon se sneh purn sanbandh rakhna chahie. is prakar se sarhesati shantipurvak vyatit ho jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.