शनि तुला प्रवेश राशिफल विचार

shani tula pravesh rashifal vichar  

Ank ke aur Lekh | Sambandhit Lekh | Views : 6424 |  
shani tula pravesh rashifal vichar surya putra shani 15 navanbar 2011 ko lagabhag 10ah11 baje pratah tula men pravesh karenge. is din shani ke rashi parivartan ke sath hi sinh rashi jatkon ko sarhesati se rahat mahsus hogi tatha vrishchik rashi jatkon par shani ki sarhesati ka pratham charan shuru hoga v tula rashi par sarhesati ka madhyam charan rahega. 12 rashiyon ke lie shani ka apni uchch rashi men jana kaisa prabhav dega. aiye jante hain- mesh: mesh rashi se shani saptam bhav par gochar karenge. shani ka vyapar-sajhedari bhav par bhraman apke vyapar ko videshon se jorne ke avasar pradan karega. kyonki shani apke karm aur ay bhav ke svami hain. atah karyakshetra ki badhaon men kami karne ke lie apko purusharth se kam lena hoga. is avdhi men shani-guru ka samasaptak yog bana hua hai. yah yog apko mehanat se dhan-gyan, pad prapti ke sanket de raha hai. shani ka saptam bhav par gochar vaivahik jivan ke lie pratikul ho sakta hai. is samay apke madhur sanbandhon men katuta bani rahegi. dampatya jivan men ashanti parantu santan paksh ki kamyabi se harsh rahega. svasthya se purn santushti nahin rahegi. vrish: shani apki rashi se chathe bhav par gochar karenge, janm rashi se chathe bhav par shani shubh falkari hote hain. yah shani apke rog aur rinon ka nash karega. apke viruddh kie jane vale prayatn vifal honge. jisse apko nirantar saflta ki prapti hogi.atah shani ka tula pravesh apke prayason ko sarthak karega. udya¨g, vyapar men labh ke avasar milenge. shiksha-pariksha men saflta gharelu sukh shanti men kuch gatirodh bana rahega. parantu vad vivad men saflta milegi. mithun: shani apki rashi se pancham bhav men pravesh kar, santan sukh men vriddhi karenge. jo shiksharthi takniki vishyon men shiksha prapt kar rahe hain. unke lie is avdhi men gyan arjan karna sahaj hoga. adhyayan karne valon ko risarch karya karne ke avasar prapt ho sakte hain. naukri pesha logon ko prashikshan prapti ke suyog ban sakte hain. bima adi ke kshetron se jure vyaktiyon ke lie yah avdhi vishesh rup se shubh rahegi. sath hi shani prabhav se gharelu sukhon men barhotri, mata-pita ke kashton men kami, ay prapti ke gatirodh dur honge. anuchit vyayon par niyantran lagane men saflta milegi. karka: 15 navanbar se shani ki sthiti apki rashi se chaturth bhav par hogi. shani ka tula rashi men jane par apki shani dhaiyya praranbh hogi. yah dhaiyya kantak shani ke nam se bhi jani jati hai. uchch ke shani apke grih nirman ki yojnaon ko pura karne men sahyog karenge. bhautik sukh-suvidhaon ki prapti hogi. shatruon par apka niyantran bana rahega. alpakal ke lie chintaen ho sakti hai. parantu shighra hi samasyaon ka samadhan hoga. ruke hue karya banenge. bhumi sanbandhi mamle jo korta-kachahari men chal rahe hon, unmen saflta prapt hogi. karya ki adhikta apko thakan ka anubhav kara sakti hai. khan-pan men niyamitta banaye rakhe. sinh: apke lie shani apke parakram bhav par gochar karenge. janm rashi se tisre bhav par shani ka gochar shubh falkari hota hai. apki rashi se sarhesati ka prabhav samapt hoga, aur ap svayan ko dabav mukt mahsus karenge. pichle sadhesat sal se chali a rahi duvidha aur kasht ki sthiti samapt hogi. rashi se tisre hone ke karan shani apse sahas ke karya karayega. ruke hue karya banenge. bhai-bahnon se sneh-sahyog ki prapti hogi. shani ke sahyog se apki koshishen kamyab hongi. yatraon se labh vriddhi ke yog banenge. parivarik sukh sanpannata tatha ichchit karya siddhi ho sakti hai. kanya: apki janm rashi se shani dusre bhav par sanchar kar, apke parivarik sukhon men vriddhi karenge. sarhesati ka tisra bhag yani pairon par panauti shuru hogi. apko vyapar, naukri ya kheti ke kshetron se ay adhik hogi, basharte ki ap bhag-daur men kisi prakar ki kami n karen. vakta aur vani se sanbandhit karya karne valon ko apni yogyata siddh karne ke avasar denge. bauddhik karyon men kushlta barhegi. dhan-sanchay tivra gati se hoga. dampatya jivan men anurag tatha aichchik karya pure honge. shani aur kanya rashi svami budh donon mitra sanbandh rakhte hain. islie kanya rashi ke lie shani tula gochar uttam rahega. tula: shani ki sthiti apki janm rashi par hogi. tula rashi shani ki uchch rashi hai. apni uchch rashi men grah apne sabhi shubh fal dene ki kshamata rakhta hai. atah shani is avdhi men apko apki mehanat ka purn fal denge. tula rashi nyay pradhan rashi hai. shani ke shubh falon men vriddhi karne ke lie ap sadaiv nyay ka sath den. tula rashi ke jatak jo nyay, kort, kachhri, jaj, vakil adi hon, unke lie shani ke dhai sal uttam rahenge. isse purva apne jin bhi yojnaon par karya shuru kiya tha, un sabhi se apko labh prapt hone shuru ho jayenge. ane vale dhai varsh mane naukri vyapar men kiya gaya prayas sarthak hoga. koi mahatvapurn pad ki prapti ho sakti hai. samaj men man-samman v mahatvapurn adhikar ki prapti ho sakti hai. vrishchik: apki shani ki sarhesati praranbh hogi. aise men ap svayan par mansik dabav mahsus karenge. parantu sthiti kashtakari nahin hogi. is dhai sal men apki chal-achal sanpatti men barhotri ho sakti hai. parivar men vriddhi ke yog hain. mitron, rishtedaron ke sath mel-milap ke avasar adhik banenge. videsh yatraen hongi tatha lanbi avdhi ke lie dhan-viniyojan karne ke lie is avdhi ka prayog kiya ja sakta hai. bhumi kray-vikray ke karyon se dhanarjan kiya ja sakta hai. bhagya se adhik svayan par bharosa karne se is madhya avdhi men ane vali badhaon ko dur kiya ja sakta hai. dhanu: apki janm rashi se shani ekadash bhav arthat prapti bhav par gochar kar, apki ay aur labh ke nae marg kholenge. shastron ke anusar labh bhav ka shani arishton ka nash kar shubh karne vala hota hai. bigren kam banenge. rajnitik, arthik, samajik sudhar hoga. arogya ki prapti hogi. navin karya banne ke asar banenge. karya kshetra men apni or se sahyog men kisi prakar ki koi kami n karen. samay apko apni yogyata siddh karne ka avasar dega. ap piche n hate. is samay men ap vyavsayik samasyaon ka samadhan duradarshita se karne men safal rahenge. makr: shani gochar apke lie shubh fal lekar aega. arthik drishti se dhan ki avak hogi. parivarik klesh apki chintaen barha sakte hain. parantu svabhav ko mridu banaye rakhne se anek anya karya bhi ban sakte hain. svasthya ki drishti se samay anukul rahega. yah gochar apke bauddhik vikas, naukri vyapar men sthan parivartan, abhisht karyasiddhi se prasannata, purane vivad se nivriti, santan ka sukh sahyog dega. kunbh: shani fal apke lie shubh rahenge. vyapar men labh, mahatvapurn pad adhikar ki prapti, bauddhik kaushal se badhaon ki nivriti hogi. gyan, dharm, dhan, putra sukh vriddhi se mansik sukh bana rahega. dhan sukh ki prapti hogi. kunbh rashi shani ki mul trikon rashi hai. isse purva jivan men chal rahe utar-charhavon se mukti milegi. rashi svami shani ka apke bhagya bhav par gochar hone par apke bante karyon men bhagya ka sahyog bhi rahega. videsh sthanon ke sanbandh apke kam a sakte hain. pratiyogitaon men sammilit hote samay mehanat men kisi prakar ki kami n karen. min: apki rashi par ane vali shani dhaiyya karyon men vilanb ka karan ban sakti hai. parantu prayas ko madhya men n chore, anttah saflta apko hi milegi. is avdhi men apko apne svasthya ke prati sachet rahna hoga. uchchadhikariyon se sanbandhon ko madhur banaye rakhne ke lie, unke dvara die gaye disha-nirdeshon ka sakhti se palan karen. adhinasthon se sneh se kam lena shani dhaiyya ke doshon ka nivaran karega. samy-samay par adhinasthon ki sahayta karte rahen. karyakshetra men badlav ke karya is avdhi men sarlta se kie ja sakte hain. shani dosh nivaran upay: shani ke anisht falon ka nivaran karne ke lie shani vastu dan, shani mantra jap, dashansh havan, shri hanumanji ki puja, shani abhishek, telyukt sindur samarpan kar bhaktipurvak shanivar ka vrat, saptadhanya dan, pratah; shanivar ko pipal ka pujan karne se shani ka anisht fal dur hota hai. kanya, tula, vrishchik aur min rashi ke jatkon par shani sarhesati, shani dhaiyya ka prabhav adhik rahega. islie in rashi ke jatkon ko shani dosh nivaran upay avashya karne chahie.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.