ग्रहों के बल का मापक षड्बल

grahon ke bal ka mapak shadbl  

Ank ke aur Lekh | Sambandhit Lekh | Views : 647 |  
prashna: jyotish men shadbal ka kya mahatva hai? uttara: shadbal falit evan siddhant jyotish ka abhinn ang hai jismen grahon ki shaktiyon ka adhyayan kiya jata hai. in shaktiyon ke adhyayan ka mukhya uddeshya falit kathan men drirhta lana hai. kisi bhi grah ke bal ko jane bina uska falakathan sahi se nahin kiya ja sakta. islie jyotish men shadbal ka vishesh mahatva hai. prashna: shadbal se kya abhipray hai? uttara: shadbal arthat chah prakar ke bal hote hain: 1. sthanabal, 2. digbal, 3. kalabal, 4. cheshtabal, 5. naisargik bal, 6. drishtibal. inhen shadbal kahte hain. prashna: grah sthanabal kaise prapta karta hai? uttara: grah apna sthan bal panch prakar se prapt karta hai. 1. uchch bal, 2. saptavargiya bal, 3. ojyugm bal, 4. kendradi bal, 5. dreshkan bal. 1. uchch bal: grah apne uchch sthan bindu se nich sthan bindu ke bhitar sthiti anusar bal prapt karta hai. uchch bindu par grah ko purn bal prapt hota hai aur nich bindu par shunya bal aur jaise-2 grah apne nich bindu se uchch bindu ki taraf barhta hai vaise hi us grah ka bal bhi barhta jata hai. 2. saptavargiya bal: grah ke saptavargon men prapt bal ko saptavargiya bal kahte hain. ye sat varg hora, dreshkan, saptansh, navansh, dashmansh, dvadshansh aur trishansh hain. mulatrikon, svarashi, mitra rashi aur shatru rashi men sthiti anusar pratyek varg men grah ko bal prapt hota hai. grahon ki shatruta-mitrata ki sthiti ke panchdhamaitri chakra ke anusar hi saptavargon men bal ka mulyankan kiya jata hai. 3. ojyugm bal: yah bal janma lagn aur navansh men sam evan vishm rashi men grah ki sthiti ke anusar gyat kiya jata hai. 4. kendradi bal: grah ki kendra arthat (1, 4, 7, 10) bhav, panafar (2, 5, 8, 11) bhav aur apoklim (3, 6, 9, 12) bhav ki sthiti ke anusar bal prapt hota hai. 5. dreshkan bal: grah ko rashi ke dreshkan ke anusar arthat ek rashi ke tin bhagon men se grah jis bhag men hota hai uske anusar bal prapt hota hai. in panchon prakar ke sthan balon ko jorne se kul sthanabal prapt hota hai. prashna: in panch prakar ke sthanblon ke atirikt kya koi aur bhi bal hota hai jiska sanbandh sthan se hai? uttara: inke atirikt ek sthanbl aur bhi hai jise sthaniya bal kahte hain. grah ka sthaniya bal uski bhav men sthiti ke anusar prapt hota hai arthat grah yadi bhavamadhya par hai to uska bal purn hota hai aur jitna-2 bhavamadhya se dur jata hai iske bal men kami ati jati hai. bhavsandhi par grah ka bal shunya hota hai. falakathan ke lie yah bal apna mahatva rakhta hai, islie grah ka yah bal janne se fal men bahut drirhta ati hai. prashna: sthaniya bal kitna mahatva rakhta hai? uttara: man len do vyaktiyon ki kundliyan dekhne men ek si hi hain aur mangal dasham bhav men ek ke bhavamadhya par hai aur dusre ke bhavamadhya se kahin dur chala gaya hai. mangal dekhne men donon kundliyon men dasham bhav par hi hai. uski sthaniya sthiti bhinn hone ke karan donon vyaktiyon ko apne karmakshetra men bhinna-bhinn fal prapt hoga. jiska mangal bhavamadhya par hai vah kisi uchchapad par hoga aur dusra vyakti sadharan pad par. prashna: grah ka digbal kya hai? uttara: dig arthat disha. disha ke anusar grah ko prapt bal ko digbala kahte hain. pratyek grah ko disha anusar bal prapt hota hai jaise purva disha men guru, budh, dakshin men surya, mangal, pashchim men shani aur uttar disha men chandra aur shukra ko purn bal prapt hota hai. prashna: kalabal se kya abhipray hai? uttara: janm samay ke adhar par jo bal grahon ko prapt hota hai use kalbl kahte hain. jaise: janm ka samay rat ka hai ya din ka, janm kis paksh men hua, din-rat ke kis bhag men hua, janm samay varsha-mas-var ka adhipti kaun tha, janm kis hora men hua, janm samay surya uttarayan tha ya dakshinayan adi sabka samay se sanbandh hone ke karan ise kalabal kaha jata hai. prashna: kalabal kitne prakar ke hote hain? uttara: kalabal nau prakar ke hote hainah 1. natonnat bal: jatak ka janma din men hua ya rat men, is prakar prapt bal ko natonnat bal kahte hain. jo grah dopahar men bali hote hain vah unnat bal aur jo grah ardharatri ko bali hote hain vah nat bal prapt karte hain. chandra , mangal aur shani ko ratri men janm hone par nat bal adhik prapta hote hain aur surya, guru aur shukra ko ratri men janm hone par unnat bal kam prapt hote hain. isi prakar din men janma men iske viprit natabal kam tatha unnat bal adhik hote hain. 2. paksh bal: janm samay ka paksha arthat krishn paksh ya shukla paksh bhi mahatvapurn hai. shukla paksh men naisargik shubh grahon ke bal men vriddhi hoti hai tatha ashubh grahon ko shunya bal prapt hota hai aur iske viprit naisargik ashubh grahon ka krishn paksh men bal barhta hai aur shubh grah balhin ho jate hain. 3. tribhag bal: tribhag arthat tin bhag dinman aur ratriman ko tin-tin barabar bhagon men vibhakt kiya jata hai pratyek bhag ka svamitva kisi n kisi grah ko prapt hai. din ke pahle bhag ka svami budh, dusre ka surya, tisre ka shani hai. ratri ke pahle bhag ka svami chandra, dusre ka shukra, tisre ka mangal hota hai. guru ko sadaiv bali mana jata hai. janm jis bhag men hua hota hai usi grah ko bal prapt hota hai, shesh grahon ko shunya bal prapt hota hai. 4. varshadhipti bal: varshadhipti bal ko abd bal bhi kahte hain. jatak ke janm samay jo varsh chal raha hai uske praranbh ke saptahik din ka svami varshadhipti kahlata hai. varsh ke praranbh ke din ka jo svami hoga us grah ko bal prapt hoga, anya sabhi grah balhin mane jate hain. 5. masadhipti bal: janm mahine ke pratham din ka jo grah svami hota hai use masadhipti kahte hain. us grah ko masadhipti bal prapt hota hai. shesh sabhi grahon ki shunya bal prapta hota hai. 6. varadhipti bal: jis din jatk ka janm hota hai us din ke svami grah ko bal prapt hota hai, anya sabhi grahon ko shunya bal prapt hota hai. 7. horadhipti: din-rat ko milakr 24 hora mani jati hain. pratyek hora ko svamitva prapt hai. jatak ka janma jis hora men hota hai us hora ka jo grah svami hota hai use bal prapt hota hai, shesh grahon ko shunya bal prapt hota hai. 8. aynbl: vishuvat rekha se pratyek grah uttar ya dakshin men sthit hota hai aur grah apni isi sthiti ke anusar bal prapt karta hai. ise aynbl kahte hain. surya, mangal, shukra aur guru jab uttarayan hote hain to unko adhikatam bal prapt hota hai aur chandra, shani jab dakshinayan hote hain to unhen adhikatam bal prapt hota hai. 9. yuddhabala: jab do ya do se adhik grah ek hi rashi men hon aur inmen paraspar 10 se kam ka antar ho to unke bhitar grahyuddh mana jata hai. vijeta grah vah hota hai jiske bhogansh kam hote hain. vijeta grah ko yuddh bal prapt hota hai. surya aur chandra ke atirikta sabhi grah yuddh men bhag lete hain. prashna: cheshtabal se kya abhipray hai? uttara: sabhi grah surya ke charon or chakkar lagate hain. surya ke charon or chakkar lagane se jo bal prapt hota hai use cheshtabal kahte hain. surya ke nikt chakkar lagate samay grah sadaiv margi hote hain parantu prithvi se bhinn sanyutti kal ke karan vah kabhi-2 vakri bhi pratit hote hain. cheshtabal gyat karne ke lie cheshtakendra gyat karna avashyak hai. cheshtakendra grah ki vakrachap hoti hai. cheshta kendra ko 3 se bhag dene par grah ka cheshtabal prapt hota hai. prashna: naisargik bal kya hai? uttara: pratyek grah ko prakritik taur par bal diya gaya hai. yah bal grahon ki shakti ya prakash par nirbhar karta hai. sabhi grahon men surya sabse adhik prakashvan hai islie use sabse adhik bali aur shani ko sabse kam shaktishali mante hain. surya se shani tak grahon ke bal ka kram is prakar hai. surya, chandra, shukra, guru, budh, mangal, shani. isi kram men grahon ka bal kam hota hai. yah bal sadaiv har kundli men ek saman hota hai. prashna: drigbal kya hai? uttara: drishtibal ko hi drigbal kahte hain. grah apne se satven bhav ko purna drishti se dekhta hai. lekin mangal, guru, shani vishesh drishti bhi rakhte hain. koi bhi grah 30 anshon ke purva aur 300 anshon ke bad nahin dekh sakta. purn drishti ke atirikt pratyek grah apne se tisre bhav men ek pad, chaturtha men tin pad, panchven bhav men do pad, satven men char pad, athven men tin pad, nauven men do pad aur dasham bhav men ek pad drishti bhi dete hain. grah ki bhav par shubh aur ashubh drishti, grah par kisi anya grah ki shubh aur ashubh drishti, in sab ko jorakar jo bal prapt hota hai use drishtibal arthat drigbal kahte hain. falit jyotish men iska bahut mahatva hai. prashna: falit jyotish men shadbala kaise sahayak hota hai? uttara: jyotish men jitna ganit kiya jata hai, usi ke adhar par fal kaha jata hai. shadbal men har grah ki shakti arthat bal ko gyat kar yah jana jata hai ki grah kitna fal dega. jo grah adhik balvan hoga vah kundli men jatak ko adhik fal dega aur jo balhin hoga vah fal dene men kamjor hoga arthat fal nahin dega. prashna: shadbal men 6 balon men se kis ka mahatva adhik hai? uttara: sabhi 6 ke 6 balon ka hi mahatva hai. kisi ek bal ko hi mahatva dekar falit karna uchit nahin hoga. prashna: yadi kundli men ek hi bhav men do ya do se adhik grah hane to kaun sa grah adhik fal dega? uttara: yadi kundli men do ya do se adhik grah ek hi bhav men hain to jis grah ke shadbal adhik honge vah us bhav ka fal adhik dega. dusre grah apne bal anusar kam fal denge. prashna: kabhi-kabhi dekhne men ata hai ki jis grah ke bal adhik hanai vah shubh fal nahin de pa raha hai, aisa kyon? uttara: aisi sthiti tab hoti hai jab koi grah kundli men ashubh ho ya akarak ho aur uske shadbal adhik hon. us sthiti men uske ashubh fal men hi vriddhi hogi n ki shubh men. prashna: dasha-antardasha ka fal bhi kya shadbal ke anusar barhta-ghatta hai? uttara: han, dasha-antardasha ka fal grah ke shadbal par nirbhar karta hai. yadi koi grah shubh faldayak hai aur use shadbal men adhikatam ank prapt hain to vah apni dasha men vishesh fal dega. iske viprit ashubh faldayk grah jiske shadbal adhik hain apni dasha-antardasha men ashubh fal dega. prashna: yadi shubh dashanath ko adhik bal prapt ho aur ashubh antardashanath ko bhi adhik bal ho to dasha ka fal kaisa hoga? uttara: yadi dashanath shubh ho aur antardashanath ashubh ho aur donon ka adhik bal ho to aisi sthiti men antardashanath ke ashubh fal hi milenge kyonki dashafal men dasha to bahut samy tak ek hi rahti hai uske antargata bhed antardasha ke anusar prapt hote hain. prashna: grah ke ishtafal aur kashtafal se kya abhipray hai? uttara: isht aur kashtafal dvara grah ke shubh aur ashubh fal ka vishleshn karne men sahayta milti hai. yah fal us grah ya bhav ke svami ki dasha-antardasha men ghatit hota hai. prashna: ishtafal aur kashtafal bhi kya shadbal par adharit hain? uttara: ishtafal aur kashtafala nikalne ke lie grah ke uchchabal aur cheshtabal lie jate hain. uchchabal aur cheshtabal ke gunanafal ka vargamul ishtafal hota hai. 60 uchchabal aur 60 cheshta bal ke gunanafal ka vargamul kashtafal hota hai. prashna: ishtafal aur kashtafal men uchchabal aur cheshtabal hi kyon hote hain, anya bal kyon nahin? uttara: uchchabal aur cheshtabal donon ka sanbandh grah ke dvara surya ke charon or chakkar lagane se hai. surya ke irda-gird chakkar lagate samay grah kabhi prithvi ke nikat aur kabhi adhiktm duri par hota hai. isi ke anurup kabhi-kabhi grah vakri bhi pratit hota hai, gati kabhi dhimi aur kabhi tej pratit hoti hai. grah ka prabhav jatk par bhi iske anusar shubh aur ashubh hota rahta hai. islie ishtafal aur kashtafal men inhen vishesh mahatva diya gaya hai. prashna: kya ishtafal adhik hone par grah sadaiv shubh fal hi deta hai? uttara: yadi grah kundli men shubh faldayak hai tabhi uske shubh falon men vriddhi hogi. iske viprit yadi akarak ya ashubh grah ke ishtafala adhik hain to shubh fal nahin milega. prashna: jis grah ke shadbal adhik hane vah sadaiv ek sa hi fal deta hai ya uske falon men kami ya vriddhi hoti rahti hai? uttara: jis grih ke shadbal adhik hote hain vah sadaiv to nahin lekin apni dasha-antardasha men sabse adhik shubh fal dene men saksham hota hai. yadi dasha-antardasha donon ko adhik shadbala prapt hai to us samay jatak ko vishesh shubh fal prapt hoga. yadi dashanath se antardashanath ke shadbala kam hain, us samay fal men nyunta a jati hai. is prakar grah ka shubh ya ashubh fal sadaiv ek sa nahin rahta. prashna: lagn, chandra aur surya men kaun bali hai, yah kaise janen? uttara: lagnesh, chandra aur surya men se jiske shadbal sabse adhik honge vahi sabse adhik balvan hoga. prashna: lagn ke balvan hone ka tatparya kya lagnesh ke shadbal se hai? uttara: lagn ka balvan hone ka tatparya keval lagnesh ke shadbal se hi nahin apitu bhavabal se bhi hai. prashna: bhavabal se kya abhipray hai? uttara: pratyek bhav ko bhi grahon ki sthitiyon ke anusar bal prapt hota hai. bhavabal tin prakar ke hote hain: 1. bhavadhipti bal, 2. bhav digbala 3. bhav drishtibl in tinon ke yog ko bhavabal kahte hain. prashna: kya falit men bhavabal bhi vishesh mahatva rakhte hain? uttara: falit karte samay yadi bhav balon ko bhi bhali-bhanti dekh liya jae to falakathan men kisi prakar ki galti nahin hogi. jis bhav ko adhik bal prapt honge, jatak ko us bhav se vishesh labh hoga. prashna: yadi kisi bhav ka bhavbl sabhi bhavon se adhik hai to kya us bhav ka sadaiv shubh fal prapta hoga? uttara: bhav adhipti ki dasha-antardasha men vishesh fal prapt hoga. yadi us bhav men koi ashubh grah gochar kare us samay bhi bhav ke fal men kami aegi aur shubh grah jiske shadbal bhi adhik hon, vah gochar kare to shubh falon ki vriddhi hogi. prashna: ek jyotishi ko falkthn karte samay shadbal par kitna dhyan dena chahie? uttara: jyotishi ko falakathan ke samay shadbal, bhavabal par purn dhyan dena chahie. yadi jyotishi chahe to shadbal se hi purn falakathan men saflta pa sakta hai. kisi bhav ke fal ko kahne men vah safal ho sakta hai aur shat-pratishat falit kar sakta hai. prashna: yadi shadbal kam hai aur grah apni uchch sthiti par hai to grah ka fal kaisa hoga? uttara: yadi grah apni uchch sthiti par hai to shadbal bhi adhik hi honge. islie unka shubh fal bhi adhik prapt hoga. han yah avashya dekh len ki grah kundli men ashubh ya akarak to nahin. yadi akarak hua to shubh fal prapt nahin hoga. prashna: kya shadbal upay kathan men sahayak hota hai? uttara: yadi koi grah shubh hai aur grah ke shadbal kam hon to us grah ka upay karna chahie. ratn dharan karen ya puja-path se us grah ki shakti ko barhaen. yadi grah ashubh hai aur shadbal adhik hai to uske bal ko kam karne ke lie shanti karaen taki uske ashubh fal men kami ae aur jatak ko mansik taur par shanti aur labh ho. prashna: jyotish ke vidyarthi aksara shadbal se ghabrate hain, kyon? uttara: aisa nahin hai ki sabhi ghabrate hon. jo vidyarthi sahi arthon men falit jyotish men saflta pana chahte hain vah shadbal se nahin ghabrate balki ise purnataya samajh kar iska labh uthate hai. vidyarthi ki ghabrahat aksar ganit karne par hoti hai kyonki am vidyarthi ganit karne se ghabrate hanai. ganit jyotish men ati avashyak hai, iske bina jyotish adhura hai. yadi kisi vidyarthi ne shadbalon ko achchi tarh jan liya hai to vah shadbal ko dekh kar hi falit kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.