हिंदी के नामाक्षरों द्वारा व्यवसाय का चयन

hindi ke namaksharon dvara vyavsay ka chayn  

Ank ke aur Lekh | Sambandhit Lekh | Views : 6865 |  
kunch jatkon ke pas n to janm tithi hoti hai aur n hi janm ka samay. to aise jatak apne vyavsay ka chayan kaise karen? adhikansh vyakti in suchnaon ke abhav men bina soche samjhe vyavsay shuru kar dete hain aur saflta n milne par nirash ho jate hain aur naukri karna shuru kar dete hain. kyonki unka vyavsay unke namank se mel nahin khata aur vyapar men safal nahin ho pate. namank men daiviya shakti hoti hai. to fir kis nam ka namank banaen? shastron men kaha gaya hai ki sota hua vyakti jis nam se jag jae vahi nam uske lie shubh hota hai. is lekh men ham hindi ke namaksharon ke dvara vyavsay ka nirdharan kaise karen, is par prakash dal rahe hain. yadi ap bhi koi vyavsay karna chah rahe hain to is lekh men prastut udaharan ke adhar par apne namank ke anurup vyavsay ka chunav kar sakte hain. isse apko vyavsay men saflta milegi aur ap apne vyavsay ke utkarsh par pahunch paenge. bhartiya ank vidya ko sikhne ke lie ank shastri kiro aur seferiyal ne bharat men rah kar is vidya ka adhyayan kiya. namank ke lie prayog ki jane vali angreji lipi ka adhar devnagri arthat hindi hi hai. to fir ham kyon n mul-adhar par namank ki ganna karen? vaise jyotish men bhi kaha jata hai ki desh-kal-patra ke anusar bhavishya kathan karna chahie to fir ank jyotish men bhi ham kyon n bharat ki rashtra bhasha ka svatantra rup se prayog karen? ank shastri kiro aur seferiyal ne angreji ke . rse aksharon ke lie 9 ank ka prayog nahin kiya. vartaman pranali ab is ko nahin manti hai. . rse ke lie 1 se 9 tak ka shrinkhla men prayog shuru ho chuka hai. isse yah sabit hota hai ki ab pashchimi desh apne desh ki bhasha ka prayog ank vidya men apne tarike se kar rahe hain. to ham kyon n apni prachin aur vaigyanik paddhati ka ank jyotish men prayog karen? hindi bhasha ke svar aur vyanjan 8 vargon men vibhajit hain. kiro aur sefriyal ne bhi ise hi adhar man kar iska prayog angreji namank men kiya. namank gyat karne ki vidhi: kisi bhi nam ko ankon men parivartit karne ke lie sarvapratham us nam se sanbandhit devnagri aksharon ko likh kar di gai hindi akshar ank talika ke anusar ank pratisthapit kar len. fir unka paraspar yog karke mulank gyat karen, vahi us nam ka namank hoga. uparyukt talika ka upyog karke ham bhartiya ank jyotish men apnapan la sakte hain. jyotish ke anusar grah maitri sarni talika 2 men di gai hai. yadi grahon ke ank ka man de diya jae to ank maitri sarni talika 3 ke anurup prapt hoti hai. uparyukt sarni prayog kar ank vigyan ko jyotish ke samakaksh la sakte hain. udahrn: mana nirmal (nirml) nam ki stri puchna chahti hai ki vah byuti parlar ka karya kare ya n kare? uske pas n to janm tithi hai aur n hi janm ka samay, matra nam se hi uske prashnon ka uttar dena hai. us ke nam ka ank banega 8 i$ n $ r $ m $ la 1 $ 5 $ 7 $ 6 $7 = 26 = 2$6 = 8 panchdha maitri sarni se dekhen to 8 ke mitra ank hain 5 aur 6. 6 ank shukra ka hai atah vah stri shukra ke karya kar sakti hai. vah byuti parlar chala sakti hai ya saundarya prasadhnon ka vyavsay kar sakti hai. ab us jatak ka dusra prashn hai ki uske parlar ka nam ‘urvashi’ thik rahega ya ‘anisha’? aie in donon namon par vichar karen- u $ r $ v $ sh $ i 1 $ 7 $ 7 $ 8 $ 1 = 24 = 2 $4 = 6 a $ n $ i $ sh $ a 1 $ 5 $ 1 $ 8 $ 1 = 16 = 1 $ 6 = 7 urvashi ka namank 6 bana aur anisha ka 7. ank 6 ank 8 ka mitra hai islie urvashi nam nirmal ke lie labhdayak rahega. ab us jatak ka tisra prashn aya ki kya main anita nam ki larki ko apne yahan karya par rakh sakti hun? a $ i$ n $ t $ a 1 $ 1$ 5 $ 5 $ 1 = 13 = 1$3 = 4 namank 4 namank 8 ka mitra hai. atah vah anita ko apne yahan kam par rakh sakti hai. use 5, 6 ya 4 namank vale jatak ko apne sath kam par rakhna chahie. namank ke mitra ankon dvara mukhya vyavsay ank 1- prashasak, adhikari, jauhri ka karya, makanon ki thekedari, jalapraday vibhag, rajnitik karya ank 2 -tel sanbandhi karya, chini mil, ann ka vyavsay, dudh, dahi, ghrit, kagaj, jal, krishi, ejent, sanpadan, lekhan, sangit, abhinay, nritya, makanon ki thekedari. ank 3 - restorent, hotal, vyakhyata, pradhyapak, kanun ke salahkar, nyayadhish, dalal, pulis vibhag, darshan shastri, abhineta, sels main, taipist. ank 4- tel, mitti ka tel, ark, itra, rel vibhag, updeshak, rajya karmachari, majdur, motar chalak, patrakar, babu, telifon aepretar. ank 5 - jyotish, selsamain, dakaghar, bima vibhag, anuvadak, rajniti sanbandhi karya, laibreriyan, itihas, khoj evan puratatva vibhag, munim, paryatak evan buddhi. ank 6 - byuti parlar, hotal, dhabe, shilpakar, dijayanar, kahanikar, bagvani, vastra vyavsayi, vastrabhushan, terilin, terin, uni vastradi ke vikreta, mishtann vyavsay, gharisaji, nrityabhinay. ank 7 - abhinay, film vyavsay, vayu seva, paryatan, draivar ka karya, babugiri, sanpadan karya, rabar, kray-vikray, bhumigat padarthon ka vyavsay, kray-vikray. ank 8 - khel-kud, sainya vibhag, thekedari, tin chaddar adi ka karya, kuligiri, laghu udyog, vakalat, jyotish karya, vaigyanik karya, murgi palan, bagvani, saundarya prasadhan koyla aur lakri ka vyavsay. ank 9: chikitsa, jyotish, dharmopdeshak, sainya vibhag, gola-barud, atishbaji ka vyavsay, vakalat, aushdhi vikreta, lauh tatha anya dhatu sanbandhi karya.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2010

Apne vichar vyakt karein

blog comments powered by Disqus
.