समुद्र मंथन और आत्ममंथन

samudra manthan aur atmamanthn  

Sambandhit Lekh | Views : 3399 |  

samudra manthan aur atmamanthan hamare aj ke jivan men kya mahatva rakhte hai? amrit kya hai? moksh kya hai ?

halahal (vish)

samudra manthan ke dauran sabse pahle mandrachal v kachchap ki pith ki ragad se samudra men ag lagi aur bhayanak kalkut jahar nikla. sabhi dev-danav aur jagat men afra-tafri mach gai. kalon ke kal shiv ne is vish ko gale men utara aur nilkanth bane.

asal men, ismen bhi chupa sanket hai. shiv ke sir par ganga gyan ka hi pratik hai yani jo gyani hota hai, usmen jivan ke sare kleshon ka samna karne v bahar niklne ki shakti hoti hai. yahi nahi, ismen dusron ke sukh ke lie jine ki bhi prerna hain. sath hi sath jaisa ki ham sabhi jante hain ki bhagvan shiv yog ke pratik hain. shiv ke sath yog, tapasya, dhyan sanyam juda hai.yog ka matalab anushasan santulan atmagyan, atmajagrati.aj ki jindgi men ham choti choti baton par santulan kho dete hain tab hamen apna jivan shiv ki bhanti ganbhir aur sanymit karne ki jarurat hai.ydi aisa ho saka to hamen purnatah atmasukh ki prapti hoti hai.

kamdhenu

kamdhenu ki sabse badi khasiyat upyogi yagya samagri dena thi. brahmalok tak pahunchane vali jaruri chijen jaise dudh, ghi pane ke lie rishiyon ko dan ki gai. rishiyon ko dan ke piche yahi sikh hai ki mehanat se kamai dhan-daulat ka pahle bhalai men upyog karen aur santosh rakhen. kamdhenu santosh ka pratik hai. jo sabhi ko nisvarth bhav se dena sikhati hai.mata pita aur din hin logon ki seva karne bhar se hamen bhi kamdhenu ki bhanti jivan ka anusaran karna chahie.

uchchai:shrava ghoda

samudra manthan se ashvajati men shreshth, chandrama ki tarah safed v chamkila, majbut kad-kathi ka divya ghoda uchchai:shrava prakat hua, jo daityon ke hisse men gaya aur ise daityaraj bali ne le liya.

uchchai:shrava men shrava ka matalab khyati ya kirti bhi hai. yani jo man ka sthir rakh kam kare vah man v paisa bhi kamata hai. kintu jo keval kirti ke piche bhage use fal yani amrit nahi milta. daityon ke sath bhi aisa hi hua. hamen sadaiv apne jivan ko ashva ki tarah nisvarth bhav se nirantar gatishil banaye rakhne ki avashyakta hai.

airavat hathi

char danton vala adbhut hathi, jiske divya rup v dil-daul ke age kailash parvat ki mahima bhi kuch bhi nahi. skandapuran ke mutabik airavat ke sir se mad bah raha tha aur uske sath 64 aur safed hathi bhi manthan se nikle. airavat ko devraj ne prapt kiya. asal men hathi ki ankhe choti hoti hai. islie airavat, paini najar ya gahri soch ka pratik hai. sanket hai ki sharir sukh hi nahi atma ki or bhi dhyan den.

kaustubh mani

sabhi ratnon ke sabse shreshth v adbhut ratn. iski chamak surya ke saman hokar trilok ko prakashit karne vali thi. devtaon ko mila yah ratn bhagvan vishnu ke svarup ajit ne apni hridayasthal par dharan karne ke lie prapt kiya.aise ratn ka koi mol nahi evan hamare man samman ka pratik jaise ki hamari santan jisko diye sanskar hi samaj hit men hamare man samman ka kendra bindu hai.

kalpavriksh

svargalok ki shobha mane jane vala kalpavriksh. iski khasiyat yah thi ki mangne valen ko uski ichcha ke mutabik chijen dekar har ichcha puri karta hai.jiske andar kisi bhi prakar ka uch nich ka bhav nahi jatipat se dur rahakar jivan ko sabhi ke lie kam me kaise lae iska bodh karata hai.hmen bhi apne jivan ko parijat vriksh ki tarah auro ko fal evan chaya dene vala banana chahie.

apsaraen

sundar vastron se saji aur gale men sone ke har pahnen, madak chal-dhal v mudrao vali apsaraon ko, jinmen ranbha pramukh thi jisko devtaon ne apnaya.hmen bhi apne jivan men in devtaon se sikh milti hai ki nari kitni bhi rupvan kyon na ho? uska samman karna chahiye. kyonki jis ghar men nari ka samman hota hai vahan lakshmi ji ka bas hota hai.

mahalakshmi

samudra manthan se nikli sakshat matrishakti v mahamaya mahalakshmi ke tej v saundarya, rang-rup ne sabhi ko akarshit kiya. lakshmiji ko manane ke lie sabhi jatan karne lage. kise apnaen yah soch lakshmiji rishiyon ke pas gai, kintu gyani, tapasvi hone par krodhi hone se unhen nahin chuna. isi tarah devtaon ko mahan hone par bhi kami, markandeyji ko chirayu hone par bhi tap men lin rahne, parshuram ji ko jitendriya hone par bhi kathor hone ki vajah se nahi chuna. akhir men lakshmiji ne shant, satvik, sari shaktiyon ke svami aur komal hriday hone se bhagvan vishnu ko varmala pahnai. sandesh yahi hai ki jinka man saf aur saral hota hai un par lakshmi prasann hoti hai.

chandrama

skandapuran ke mutabik sagar manthan se sanpurn kalaon ke sath chandrama bhi prakat hue. grah-nakshatron ke gyata garg muni ne bataya ki chandra ke prakatya se vijay dene vala gomant muhurt bana hai, jismen chandra ka guru se yog ke alava budh, surya, shukra, shani v mangal se bhi chandra ki yuti shubh hai. chandrama shitlta ka bhi pratik hota hai. tab hame apne jivan men sadaiv shitlta purvak vichar karke karya karna chahie.

varuni (madira)

sundar ankhon vali kanya ke rup men varuni devi prakat hui, jo daityon ne prapt ki.

parijat

is vriksh ki khasiyat yah batai gai hai ki isko chune se hi thakan mit jati hai. manyata hai ki svarg ki apsaraen v nartakiyan bhi ise chukar apni thakan mitati thi. hanumanji ka vas bhi is vriksh men mana gaya hai. bhagvan krishn bhi svarg jakar parijat vriksh lane ka ullekh milta hai.hmen bhi jivan men sadaiv bado ke prati adar aur parijat rupi ishvar ko antahkaran se smaran karke chune ki koshish karne ki avashyakta hai.

shankh

samudra manthan men milne vale divya vastuon men shankh bhi shamil tha. manthan se hi utpann hone se yah lakshmi ka bhai bhi pukara jata hai. iske kai rup jaise dakshinavarti shankh adi lakshmi ki apar kripa dene vale batae gae hain.

dhanavantari aur amrit

samudra manthan ke agle charan men ayurved ke pravartak aur bhagvan vishnu ke hi anshavtar mane gae bhagvan dhanavantari hath men amrit kalash lekar prakat hue. yah hame jivan ke akhiri parhav par prakritik aur ayurved se jodti hai is prakar se vyatit kiya jivan hame akhir men moksh deta hai, yahi aj ke jivan ka amrit hai.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.