ज्योतिषीय योग एवं उपाय

jyotishiya yog evan upay  

Ank ke aur Lekh | Sambandhit Lekh | Views : 859 |  
jyotish men yog do tarah ke shubh v ashubh hote hain. jyotish men 6, 8 v 12 bhav ko trik bhav kahte hain. faldipika ke anusar jis bhav ka svami trik bhav (6, 8, 12) men sthit ho ya jo bhavesh pap prabhav men ho to kramshah lagn men ‘avyog’, dvitiya bhav men ‘nisva’, tritiya men ‘mriti’, chaturth men ‘kuhu’, pancham men ‘pamr’, shashth men ‘harsha’, saptam men ‘dushkriti’, ashtam men ‘sarl’, navam men ‘nirbhagya’, dasham men ‘duryog’, ekadash men daridra’, dvadash men ‘‘viml’’ yog banata hai. inmen se jab trik bhav ke svami svagrihi hon kramshah harsh, saral, viml yog banate hain, to kuch had tak shubh prabhav dete hain. lekin in trik bhavon ke svami, lagnesh se shatruta rakhte hain to ye bhi markesh ka karya kar jatak ko ashubh parinam dete hain. jab lagnesh trik bhav men sthit ho tatha pap prabhav (yuti/drishti dvara) men ho to ‘‘avyog’’ men jatak aprasiddh, nirbal, alpayu, din-hin, dushtane dvara apmanit, kupit, chanchal adi sthiti vala hota hai. yadi lagnesh trik bhav men bali ho arthat uchch, svagrihi, mitrarashigat ho to kuch had tak shubh prabhav jatak ko deta hai. yadi lagnesh nich, shatru rashi, ast, vakri v pap prabhav men ho jaise: chandra, amavasya ka ho, nich ke sath, rahu, ketu shani se pirit ho to yah sthiti atyant ashubh hoti hai. isi tarah iske sath hi trik bhav men nichasth grah bhi ashubh sthiti ke yog banate hain. dvitiyesh se banne vala ‘nisva’ yog jatak ko shiksha se hin, shatruon dvara dhan ka nash, durupyog karne vala, kutunb sukh se vihin, vani vikar (haklahat adi) tatha dant v ankh kharabi vala adi dushprabhav se yukt banata hai. tritiyesh se banne vala ‘mriti’ yog jatak ko bhai-bahnon se rahit, bal v parakram se rahit, kharab gunane vala, galat karyon se pareshan adi dushprabhav se yukt banata hai. chaturthesh se banne vala ‘kuhu’ yog jatak ko, mata, bhumi, nivas, dhan, vahan, mitra v uttam vastron se hin banata hai tatha galat stri se prem karne vala adi hota hai. panchmesh se banne vala ‘pamr’ yog sheyar se hani uthane vala, santan vihin, kubuddhi v vivekhin, shikshavihin, duahkh v kasht se jivn bitane vala, jhutha, dhokhebaj v dushta vyaktiyon se meljol rakhne vala adi dushprabhav se yukt banata hai. shashthesh se banne vala harsh yog shatruhanta hota hai lekin markesh ho to jatak asvasth v karjadar bhi hota hai. saptamesh se banne vala ‘dushkriti’ yog jatak ko par purush ya par strigami, jivan sathi se virakt, prameh v madhumeh adi rogon se pirit, sajhedari men nuksan uthane vala, sarkar se kasht pane vala, bandhu-bandhvon se tiraskar pane vala adi dushprabhav bhogne vala banata hai. ashtamesh se banne vala sarl yog mritya tulya kasht bhogne vala, asvasth, sasural se kasht pane vala, yatra men kathinai pane vala, bure karmon se yukt hota hai. lekin jatak mahatvakankshi bhi hota hai. navmesh se banne vala nirbhagya yog, fate kapre dharan karne vala, pita dvara dhan sanpatti se vihin ya inki sanpatti ko nasht karne vala, guruon v santon ki ninda karne vala, ganda rahne vala, bahut dukh v kasht bhogne vala, nastik adi avgun se yukt banata hai. dashmesh se banne vala duryog jatak ko athak prayas ke bad bhi asflta dene vala, pita ke sukh se vihin, sarkar se nuksan uthane vala, alsi, bure karmon men lipt, din men adhik sone vala, apmanit v apna pet bharne hetu pravas bhi karta hai. ekadshesh se daridra yog jatk ko ay v labh se vanchit, garib, karjadar, ugra svabhav vala, achche mitron se rahit, paradhin, katubhashi, galat marg par chalne vala, gupta rogi v gupt shatruon se pirit banata hai. dvadshesh se banne vala viml yog ke karan jatak kanjus lekin hani karvane vala mukdmebaji, vyay, bhraman karne vala hota hai. û gajkesri yog: chandra se guru ke kendra men hone par shubh yog banta hai. parantu chandra se dasham men guru ho to samman to deta hai parantu jatk patni v bachchon ka tyag kar sannyasi ho jata hai. chandra v guru ki yuti nirbal hone par nirbal gajkesri yog jatak ko motapa barhvata hai. û hathhanta yog: yadi surya v chandra ki rashiyon men bhav parivartan ho to jatak hath se nasht hota hai. sath hi yadi lagn men pap grah ho to jatk bahut hi hathi hota hai. û sarpadansh yog: lagn se saptama bhav men shani v rahu ke sath shatru surya ho to jatak ko sadharntya to kya svapn men bhi sarpadansh ka bhay hota hai. û vrikshat patan yog: yadi lagna par rahu ka pap prabhav ho to indra ke saman hone par bhi vrikshadi se patn hota hai. û mahapatak yog: rahu se yukta chandra yadi guru se bhi drisht ho to indra saman hone par bhi mahapatak karne vala hota hai. û vrishhanta yog: janm lagn ko yadi mangal aur surya dekhte hon aur guru-shukra n dekhte hane to use bail se aghat milta hai. û khanj yog: shukra se yukt shani aur guru se yukt surya ho aur unapar janm shubh grahon ki drishti na ho to jatak langra ho sakta hai. û khargghat yog: yadi shukra ki rashi men chandra v kark rashi men shani ho to talvar ya shastra se chot lag sakti hai. û laltik yog: lagn se ashtama bhav men chandrama ho aur kark rashi men surya, shani, shukra tinon ho tatha purna kemadrum yog ho to jatak garib hota hai tatha agle janm men bhi garibi uska picha nahin chorti hai. û vyaghraghat yog: yadi kundli men mangal kunbh ya makar rashi men ho tatha budh dhanu ya min rashi men ho to bagh se aghat yog ho sakta hai. û sharghat yog: navam bhav men mangal ho, shani-surya donon rahu se yukt ho tatha in par shubh grahon ki drishti n ho to vah shar se aht hota hai. û vansh nashk: lagn se navam ya dasham bhav men chandra, saptam bhav men shukra aur chaturth bhav men koi bhi pap grah ho to jatak vansh nashk hota hai. û mlechch yog: lagn se dasham bhav men rahu ho aur chaturth v navam bhav men pap grah ho to jatak mlechcha hota hai. û matri hanta yog: yadi shani va mangal ke bich men chandrama sthit ho to jatak matrihanta hota hai. yadi surya, mangal, shani men se koi nich ka grah ho tatha rahu v ketu se yuti kar sthit ho to jatak matri hanta hota hai. û yadi lagn men pap grah svagrihi ho tatha 4 v 10 bhav men bhi pap grah ho to jatak dukhi hokar jivan yapn karta hai tatha mata ko dukh, kashta dene vala hota hai. û 2-12 bhav men pap grah hon to jatak mata ko darane-dhamkane vala hota hai. û pitri hanta yog: yadi shani-mangal ke bich men surya ho to jatak pitrihanta hota hai. û chaithe-dasven bhav men koi bhi pap grah sthit ho to jatak, pita ko darane-dhamkane vala hota hai. û yadi lagn men guru, dvitiya bhav men budh ke sath pap grah surya, mangal, shani ho to jatak ke vivah ke samay pita ka maran hota hai. û dasham bhav men mangal shatru rashi ka ya koi grah nich ka ho ya surya dashmesh hokar 6, 8, 12 trik bhav men sthit ho to jatak ke pita ki shighra mrityu ho sakti hai. û yadi pancham bhav men chandra tatha satven ya barhven bhav men koi pap grah ho to jatak stri v santan sukh se vihin hota hai. û yadi lagn men chandra, dusre men shukra, 5 men rahu aur 12ven budh v surya sthit ho to jatak apne bhai ko bandhn dilane vala hota hai. û yadi guru vakri hokar makar ya kunbh rashi men ho aur budh v surya saptama bhav men ho to jatak vanchit mrityu pata hai aur yadi shani 11ven bhav men ho to jatak shighra hi mrityu ko prapta karta hai. û lagn se ashtam trik bhav men yadi char rashi ho to videsh men, sthir rashi ho to apne desh men tatha dvisvabhav rashi ho to marg men mrityu hoti hai. û yadi lagn men pap grah aur lagnesh pap grah ki rashi men ho to jatk kasht se pareshan hokar atmahatya kar sakta hai. sath hi chandra nich amavasya ka ho tatha is par pap prabhav ho to sthiti aur bhi adhik kharab hoti hai. û yadi jatak ka janm amavasya ka ho arthat surya yukt chandra trik bhav 6 ya 8 men sthit ho to jatk ki mrityu hathi ya sher se hoti hai. û shubh grah ke lagn men guru ho, ashtama bhav men shani ho aur usi trik men anya pap grah bhi sthit ho to jatak ki mrityu shighra hoti hai. û lagn ya lagnesh pap kartari prabhav men ho ya pap grahon ki yuti men ho to jatak atmaghati hota hai. û dehakasht yog: lagnesh pap grahon ke sath trik bhav men ho tatha lagna v chandra par pap prabhav ho. û lagn se 12ven bhav men koi bhi grah ho to jatak dusht svabhav vala, dukhi, papi, dusht v bahut sara dhan kharch karne vala hota hai. û yadi lagn 1, 8, 3, 6 ho tatha mangl-budh ka lagn par prabhav (drishtigt) ho to jatak ko mukh ka rog hota hai. û yadi kark rashi men budh ho to jatak kushth ya kshay rog se pirit hota hai. û yadi shashthesh lagn men svarashigt ho (yah keval 2, 8 lagn men hi sanbhav hota hai) ya 8ven bhav men ho to grahanusar nimn angon men rog hote hain- shashthesh surya ho to mastak men rog, chandra ho to mukh men, mangal ho to gale men, budh ho to nabhi men, guru ho to nak men, shukra ho to ankh men, shani ho to pair men, rahu ho to pet men, ketu ho to bhi pet men hi rog ki sanbhavna rahti hai. û yadi mangal kark rashi men sthit ha to jatak raktapitt ke vikar se hin aur kai prakar ki bimariyon se yukt hota hai. û yadi jatak ka janmalagn sinh ho usmen shani sthit ho to jatk netrahin ya ankhon ke rog se pirit hota hai. yadi shukra ho to janmandh ya choti ankhon vala hota hai. û yadi lagn se barhven bhav men chandra aur dusre bhav men surya ho to jatk kramshah bain ankh se kana aur andha hota hai. yadi barhven evan dusre bhav men kramshah shani aur mangal nirbala ho to ankhon men koi n koi rog avashya hota hai. û yadi lagn se barhven bhav men surya ho to jatak dayin ankh se kana hota hai aur dusre bhav men chandra ho to jatak andha ho sakta hai. û yadi janmapatri men lagn men mangal, ashtam men surya aur chaturth men surya ho to vah kushth rog se pirit hota hai. û yadi lagn ya satven bhav men shani ho aur trik bhav ashtam men chandra ho to koi bhi santan jivit nahin hoti. û yadi lagn men ek bhi pap grah ho to vah sthan se hin hokar dushkara jivika jine vala hota hai. û yadi lagn men rahu aur chathe ghar men chandra ho to jatak ko mirgi ka rog hota hai. û yadi lagn men chandra aur ashtam bhav men shani ho to jatak udar rog se pirit hota hai tatha kisi ang se vihin hota hai. û yadi surya, mangal, rahu aur brihaspati pap grahon ki rashi men ho tatha lagna se saptam bhav men shukra hon to jatk ke sharir men sada kasht rahta hai. û yadi lagn ya shashth bhav men budh ya mangal ho to vah jatak chori ka karya karne vala hota hai tatha isilie uske hath, panv bhi nashta hote hain. û yadi chaithe bhav men rahu, shani v surya tatha shashth bhav men chandra, budh v shukra ke sath mangal ho to jatak apne ghar ka nash karta hai. û yadi dvadash bhav men chandra ya surya ya donon hi sath maujud hon aur mangal ki drishti bhi ho to uska dhan sarkar le jati hai. û yadi shashth bhav men rahu, shani ke sath mangal ki yuti ho to use sarkar se pira milti hai tatha vah apne sthan par nahin baith pata hai. û kalasarp yog: jab rahu v ketu ke bich sabhi saton grah a jate hain to ashubh kalasarp yog banta hai. yadi ek grah bahar chala jaye to anshik kalasarp yog banta hai. ye mukhyatah 12 prakar ke hote hain. ismen jatak pratyek bhav se sanbandhit ashubh ghatna ya dushprabhav bhogta hai. jab rahu v ketu ke bich sare grah a jate hain to udit kalasarpa yog banta hai tatha ketu v rahu ke bich sare grah a jane se anudit kalasarp yog banta hai. udit se anudit namak kalasarp yog ati ashubh v kashtadayi hota hai. isse jivan ke har kshetra men unnati ruk jati hai. û pitridosh: jab satane grah rahu, ketu ke sath a jate hain tab pitri dosh banta hai. surya, chandra se grahn yog, mangal se angarak yog, budh se jar yog, guru se chandal yog, shukra se abhotvak ya lanpat yog, shani se shash yog namak ashubh yog bante hain isse jivan ke har kshetra men badha ati hai. û kemadrum yog: jab chandra ke sath ya donon or koi grah sthit nahin ho to kemadrum yog banta hai. isse jatak mata ko kasht deta hai. sath hi man ki asthirta rahti hai tatha mansik rog bhi hota hai. û sangharsh yog: jab lagnesh trik bhav men pap grah se pirit ho ya lagn ya chandra pap kartari prabhav men ho to sangharsh yog kahlata hai. isse vyakti ko jivan ke har kshetra men sangharsh kar jivan bitana parta hai. û shul yog: jab saton grah kinhin tin rashi men sthit hon to shul yog banta hai. ismen utpann jatak dhan se vanchit v kathor hota hai. û yug yog: jab saton grah kinhin do rashi men sthit ho to yug yog banta hai. ismen janm lene vala jatak samaj dvara bahishkrit, sharabi, nikamma aur garib hota hai. û gol yog: jab saton grah kisi ek hi rashi men sthit hon to yah yog banta hai jisse jatk agyani, akarmanya, anami, ganda va garib hota hai. û sarp yog: jab sabhi ashubh grah kendra bhavon men sthit hon to sarp yog banta hai jisse jatak nirdayi, dushta hota hai. û muk yog: jab dvitiyesh ashtama trik bhav men brihaspati ke sath sthit ho to jatak ganuga hota hai. û netranash yog: yadi dasven aur chathe bhav ke adhipti, dvitiyesh ke sath lagn men sthit hon ya ve nichansh men hon to is ashubh yog ke karn jatak shaskon ki aprasannata ke karan netra drishti khota hai. û andh yog: yadi budh aur chandrama dvitiya bhav men ho tatha sath hi lagnesh v dvitiyesh surya ke sath dvitiya bhav men sthit ho to jatk janm se andha hota hai ya uski drishti kamjor hoti hai. û vish yog: jab chandra ke sath shani ki yuti ho to is ashubh yog ke karan jatak mansik pareshani se grast, alpayu, kasht bhogne vala, jivan ke pratyek kshetra men badha pane vala hota hai. is yog ko nishthur bhavi yog bhi kahte hain kyonki ismen janma jatk nishthur hota hai. û kamuk/bhogi yog: jab shukra ke sath mangal ki yuti ho to yah yog banta hai. iske jatk bhog-vilasi pravritti ke hote hanai. yadi yah yuti chandra ke sath 1, 5, 7, 10, 12, 3, 6 bhav men ho to uprokta pravritti aur bhi barh jati hai. û jar yog: yadi dvitiyesh aur saptamesh dasham bhav men dashmesh ke sath sthit ho to yah yog banta hai jisse jatak anek striyon ke sath sanbandh banata hai. yadi shukra va shani saptam bhav men svagrihi ho to uprokt yog banta hai. û buddhi jar yog: yadi lagnesh pap prabhav men ho tatha shani panchm bhav men ho tatha lagnesh shani se drishta ho to uprokt yog banne ke karn jatak mand buddhi hota hai. û kapat yog: yadi chaturth bhav ashubh grah se yukt ho tatha chaturthesh bhi ashubh grahon se yukta/drisht ho to uprokt yog ke karan jatk mithyakari hota hai. û pittarog yog: yadi chathe bhav men surya kisi pap ya ashubh grah se prabhavit ho to yah rog hota hai. û vat rog yog: yadi lagn va saptam bhav men kramshah guru v shani grah sthit ho to jatak is rog se pirit rahta hai. û kaf rog yog: yadi ashtam bhav ya trik bhav men chandra v shukra pap prabhav men ho to yah rog hota hai. uprokt varnit ashubh yog tab hi adhik dushprabhavi hote hain, jab sanbandhit grah nirbal hon (nich, shatrurashigat, ast, vakri adi) tatha in par pap prabhav bhi ho tatha inki dashaon ka samay bhi chal raha ho. upay: û sharirik v mansik svasthya hetu lagnesh, panchmesh v navmesh ke ratna dharan karna shubh rahta hai. lagnesh ratn se avyog, panchmesh ratn se pamar yog, navmesh ratn se nirbhagya, jo ashubh yog hai, inke dushprabhav dur hote hain tatha jatak jivan men unnati karta hai. û baki anya bhavon (1, 5, 9 ko chorkr) ke svami yadi lagnesh se mitrata rakhte hon to inke bhaveshon ke ratn dharan kar inse sanbandhit ashubh prabhav dur kar sakte hain. û baki anya bhavon (1, 5, 9 ko chorkr) ke svami yadi lagnesh se shatruta rakhte hane to inke mantra ke sath mantra jap v dan se ashubh yog ke dushprabhav ko kam kar sakte hain. û kabhi-kabhi kundli se 1-2 grahon ko chorakar baki sabhi grah bali hane aur inhin 1-2 grahon ki mahadsha chal rahi ho aur ye ashubh yog ka bhi nirman kar rahe hon to talika ke anusar upay kar sakte hain. jis grah ki mahadsha chal rahi ho uske yantra ko bich men rakhkr uske upar usse sanbandhit ratn va inke donon or inke mitra ratnon ka trishakti medal dharan kar ashubh yogon ke samay ke dushprabhav ko kam kar sakte hain. û yadi kisi ke pas janmapatri na bhi ho (ho to aur bhi achcha hai) to iske lie ashubh yog ke dushprabhav ko kam karne hetu navaratn paindal gale men dharan karvaya jata hai. iske lie 9 grah ke ratnon ka adarsha vajan 1 gram lekar ratnon ko sanbandhit dhatu/ashtadhatu ne taiyar nimn prakar se karte hain. û navagrah yantra ko gale men dharan kar sakte hain. ise puja sthal men bhi sthapit kar nitya ghi, tel, dipk dalakar mantra jap kar sakte hain. donon upay ramban hain kyonki mahadsha men bhi antar, pratyantar, sukshm, pran dasha adi kai choti dashaen gochar adi chalte hain aur navagrah yantra v laeket inse sanbandhit dushprabhavon ko dur kar shubh prabhav deta hai. û navagrah shanti hetu gayatri ji, durga man, shivji, vishnu ji ki puja shubh rahti hain. isse ashubh yogon ke dushprabhav to kam hote hi hain sath hi kalasarp yog, pitridosh, vishyog adi ke dushprabhav bhi kam hote hain. gayatri ji mantra, navdurga mantra, dasmhavidya mantra, dvadashajyotirling, mahamrityunjay yantra, shri hari ke navagrah rup ki puja v inke samaksh inke mantra jap shubh rahte hain. durgasaptashati ka nitya path ati shubh rahta hai. kalasarp yog hetu mahakalrup shivji, parad shivling ki puja shubh rahti hai. kalasarpayog nivarn shanti kavach pahnna shubh rahta hai. kalasarp yantra sthapit kar puja (mantra jap) shubh rahta hai. moti, rudraksha mala men 11 mukhi rudraksh kavach dharn karna bhi shubh rahta hai. isse vyakti akal mrityu se nikalakar ayu vriddhi prapt karta hai tatha svasth rahta hai. iske alava parad ke panchmukhi hanumanji ki puja bhi uprokt ashubh yogon men shubh fal dene vali hai. û kemadrum yog ke ashubh prabhav dur karne hetu chandra yantra ke niche moti v bayin or panna v bayin or pukhraj (pila) se kavach taiyar karvakar dharan karne se kemadrum yog ke ashubh prabhav ko dur kar sakte hain. isse gajkesri yog ka dushprabhav bhi kam hota hai. pratidin pratah pipal vriksh men parikrama lagane hetu jal dena v dipak, agarabatti prajjvalit karna shubh rahta hai. isse pratyek grah se sanbandhit uprokt ashubh fal men kami ati hai. û buddhi jar yog hetu ganeshji ke sath sarasvati ji ki puja bhi shubh rahti hai. isse shiksha men shubh fal ki prapti hoti hai tatha jatak pratiyogi pariksha men bhi safal rahta hai. û rudraksh chunav/dharan dvara bhi uprokt ashubh yogon ke dushprabhav men kami la sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


fes riding visheshank  March 2016

bhavishya kathan ki mahatvapurn paddhatiyan shrashti ke prarambh se hi is dhara ke vibhinn hisson men maujud rahi hain. pratyek sabhyata men kisi n kisi rup men bhavishyavakta athva antardrashta bhut evan bhavishya ke vishay men kisi n kisi prakar se logon ko avagat karate rahe hain. bharat men bhi in vidhaon ki samriddh virasat rahi hai jahan har kal men jyotish, hastarekha shastra, ank shastra, mukhakriti vigyan adi pushpit-pallavit hote rahe hain tatha inhonne logon ke bhavishya ko akar dene men mahti bhumika ada ki hai. fyuchar samachar ke is vartaman visheshank men mukhakriti vigyan par vishesh jor diya gaya hai. is vishay par anek mahatvapurn alekh samavisht kiye gaye hain jinmen se kuch ati mahatvapurn alekh hain: nain antahkaran ke jharokhe hain, banavat ke anusar bhauhen tatha unke fal, ankhe vyaktitva ka aina, nak ki akriti svabhav evan bhavishya adi. in vishisht alekhon ke atirikt purva ki bhanti sabhi sthayi stambh maujud hain jinmen vigya jyotirvidon ke alekhon ko sthan diya gaya hai.

Subscribe

Apne vichar vyakt karein

blog comments powered by Disqus
.