राजनीति में सफलता के ज्योतिषीय योग

rajniti men saflta ke jyotishiya yog  

Ank ke aur Lekh | Sambandhit Lekh | Views : 9792 |  
prashna: rajniti men safal rajneta banne ke jyotishiya yogon ki vistrit charcha karen. sath hi yogon ke sakshya ke rup men safal rajnitigyaon ki kundliyon ka samavesh karen. rajniti do shabdon raj$niti ke yog se bana hua ek shabd hai jiska samanya arth hai ek aisa raja jiski nitiyan aur rajnaitik gatividhiyan itni paripakva aur sudridh hon, jiske adhar par vah apni janta ka priya shasak ban sake aur apne karyakshetra men samman aur pratishtha arjit karta hua unnati ke charmatkarsh tak pahunche. rajniti men purnataya safal keval vahi jatak ho sakta hai jiski kundli men kuch vishisht dhan yog, rajyog evan kuch ati vishisht grah yog upasthit hon, kyonki ek safal rajneta ko adhikar, man-samman saflta, rutba, dhan shakti, aishvarya ityadi sabhi kuch anayas hi prapt ho jate hain. atah ek safal rajneta ki kundli men vishisht grah yogon ka purn bali hona ati avashyak hai kyonki koi bhi vyakti kisi bhi kshetra men tabhi safal hoga jab kundli men upasthit grah yog uska purn samarthan karenge. aiye dekhen ki ve kaun-kaun se grah yog hain jo ek jatak ko safal rajnitigya ya rajneta bana sakte hain. rajniti karak grah: ek safal rajneta banne ke lie vaise to samast nau grahon ka bali hona avashyak hai kintu fir bhi surya, mangal, guru aur rahu men char grah mukhya rup se rajniti men saflta pradan karne men sashakt bhumika nibhate hain. sath hi chandrama ka shubh v paksh bali hona bhi ati avashyak hai. surya grah to hai hi sarkari rajkaj men saflta ka karak, mangal se netritva aur parakram ki prapti hoti hai. guru paradarshi nirnay kshamata evan vivek shakti pradan karta hai tatha rahu ko jyotish men shakti, himmat, shaurya, parakram, chal kapat aur rajniti ka karak mana gaya hai. atah kundli men yadi ye charon grah balvan evan shubh sthiti men honge to ye ek sashakt, prabhavi, karmath, jujharu evan pratibhashali vyaktitva ki ninv par ek purnataya saral evan sashakt rajneta rupi imarat ka nirman karenge jis par rashtra sadaiv gaurvanvit rahega. rajniti men sanbandhit bhav: jyotishiya drishti se rajniti se sanbandhit bhav mukhyatya- lagn, tritiya, chaturth, pancham, shashth, navam, dasham evan ekadash hain. lagn vyakti aur vyaktitva hai, lagnesh praptakar hai. tritiya bhav sena, chaturth bhav janta, pancham bhav rajsi thatbat evan mantri pad ki bhogyata, shashth bhav yuddh evan karm, nav bhav bhagya, dasham bhav karya, vyavsay, rajniti aur ekadash labh bhav hai. dridh vyaktitva, janamat sangrah, parakram, janta ka purn samarthan, saflta, dhan aur mantri pad ki yogyata. ye sabhi gun ek rajneta banne ke lie parmavashyak tatva hain. sath hi jab in bhaveshon ka sanbandh labh bhav se banega to aise vishisht grahyogon se yukt kundli vala jatak ‘‘ek safal rajneta’’ banega. ismen leshmatra bhi sandeh nahin hai. rajniti kshetra ke yog: - surya evan rahu bali hone chahie. - dashmesh svagrihi ho athva lagn ya chaturth bhav men bali hokar sthit ho. - dasham bhav men panchmhapurush yog ho evan lagnesh bhagya sthan men bali ho tatha surya ka bhi dasham bhav par prabhav ho. udaharan da. manmohan sinh. - grahon ka rashmi bal 50 pratishat hone par saflta milti hai. - dusre evan pancham bhav men kramshah bali mangal evan budh, shukra, shani han . kundli men nichatva bhang yog ismen safal banata hai. . dusre evan pancham bhav men kramshah bali guru evan shani, rahu, mangal hon. . donon trikonesh evan donon dhanesh ashtam ya dvadash bhav men han. . kundli men 2, 5 evan 8 bhav men kramshah bali surya, guru, shani, rahu evan mangal han. . kundli men bhav parivartan ho tatha inka sanbandh kendra ya trikon se ho. . yadi dashmesh mangal hokar 3, 4, 7, 10 bhav men sthit ho. . yadi 1, 5, 9 evan 10 bhav men kramshah balvan surya, brihaspati, shani evan mangal sthit hon. . yadi 1, 5, 9 evan 10 bhav ke svamiyon men kisi bhi rup men sanbandh ho. . dasham ajivika bhav balvan hona chahie. arthat yah bhav kisi bhi rup men kamjor nahin hona chahie. jaise - dasham bhav men koi bhi grah nich ka nahin hona chahie, chahe nichatva bhang hi kyon n ho jaye tatha trikesh dasham bhav men nahin hone chahie. . jis jatak ki janmapatri men tritiya ya chaturth grah bali ho arthat uchch, svagrihi ya mul trikon men ho to jatak mantri ya rajyapal pad ko prapt kar ismen safal hota hai. . jis jatak ke 5 ya 6 grah balvan hon arthat uchch, svagrihi ya mul trikon men hon to aisa jatak garib parivar men janm lene ke bad bhi rajya shasan kar safal rahta hai. . pap grah mangal, shani, surya, rahu, ketu uchch ke hokar trikon bhav men sthit hon. . jab lagn men gajkesri yog ke sath mangal ho ya in tinon men se do grah mesh rashi lagn men hon. . yadi purnima ya as-pas ka chandrama, sinh navansh men ho aur shubh grah kendra men ho. . yadi koi bhi grah nich rashi men n ho ya nichatva bhang ho tatha guru v chandra kendra men hon tatha inhen shukra dekhta ho. . yadi guru v shani ke lagn ho arthat dhanu, min, makar, kunbh lagn hon tatha mangal uchchasth ho evan dhanu rashi ke 15 ansh tak surya ke sath chandra ho. . yadi saumya grah ast n ho (budh, guru, shukra, chandra) aur navam bhav men sthit hokar mitra grahon se yukt ya drisht ho tatha chandra purn bali hokar min rashi men sthit ho evan ise mitra grah dekhte hon. . agni tatva rashi ke lagn hon arthat 1, 5, 9 lagn hon tatha ismen mangal sthit ho v mitra grah ki drishti ho. . shani dasham bhav men ho ya dashmesh se sanbandh banaye tatha sath men dasham bhav men mangal bhi ho. . rajniti ke lie sinh lagn saflta dene vala hota hai. . surya, chandra, guru v budh, dvitiya bhav men hon, mangal chathe bhav men ho, shani 11ven v 12ven men rahu ho to rajniti virasat men hi milti hai. . yadi kundli men tin ya adhik grah uchch ya svagrihi hon to tatha sath men ye kendra ya trikon men hon to ‘‘sone men suhaga’’ vali bat ban jati hai. . dasham bhav men bali mangal, surya han ya inka prabhav ho. . dashmesh lagn men bali ho ya inka bhav parivartan ho. . tritiya, shashtham ya ekadash sthan men mangal, budh dvitiya bhav men, surya v shukra chaturth bhav men, mangal, dasham bhav men, guru lagn men, shani ekadash bhav men ho. rajniti men saflta ke kuch yog nimn hain - musal yog: jab janmakundli men sabhi grah sthir rashiyon (2, 5, 8, 11) men hon to yah yog banta hai. ismen janma vyakti rajadhikari, shasnadhikari, prasiddh v gyani hota hai. nal yog: jab patri men sabhi grah dvisvabhav rashiyon (3, 6, 9, 12) men hon to yah yog banta hai. ismen janma jatak rajniti men daksh evan chunav men saflta prapt karne vala hota hai. chakra yog: lagn men ek-ek sthan chodakar arthat 1, 3, 5, 7, 9, 11ven bhav men sabhi grah hon to yah yog banta hai jisse jatak rashtrapti ya rajyapal athva raja banta hai. yup yog: lagn men lagatar charon bhav men arthat 1, 2, 3, 4 men sabhi grah hon to yah yog hota hai jisse jatak panchayat ya nagrpalika ki rajniti men saflta prapt karta hai tatha vivad se niptne men dakshata prapt hoti hai. kamal yog: jab janm kundli ke kendra bhav arthat 1, 4, 7, 10men sabhi grah hon to yog banta hai jisse vyakti mantri v rajyapal banta hai tatha dhanvan hokar prasiddhi prapt karta hai. chatra yog: yadi saptam bhav se aranbh karte hue age ke sabhi bhavon men sabhi grah sthit hon to, yah yog banta hai jisse jatak uchch padadhikari, shasnadhikari, uchchadhikari tatha imandar hota hai. lagnadhi yog: yadi kundli men lagn se saptam bhav men shubh grah han aur unapar kisi prakar ka pap prabhav n ho to yah yog banta hai jisse jatak rajniti men safal rahta hai. damini yog: jab chah rashiyon men sabhi grah hon to yah yog banta hai tatha jatak rajniti men safal rahta hai. kusum yog: jab kundli ka lagn sthir (2, 5, 8, 11) rashi ka ho, shukra kendra (1, 4, 7, 10) men ho, chandra, trikon (5, 9) men shubh grahon se yukt ho tatha shani, dasham bhav men ho to yah yog banta hai jisse jatak rajyapal, mantri, em.el.e. ya gavarnar hota hai. katal yog: lagnesh bali ho ya chaturthesh v guru paraspar kendra men hon aur ek sath uchch ya svagrihi hon to yah yog banta hai jisse jatak rajniti men achchi saflta prapt kar rajdut adi banta hai. maharaj yog: jab lagnesh v panchmesh kramshah pancham v lagn bhav men sthit ho yani bhav parivartan ho to yah yog banta hai jisse jatak mukhyamantri, rajyapal hota hai. shrinath yog: jab saptamesh, dasham bhav men uchch ka ho tatha dashmesh v navmesh ki yuti ho to yah yog banta hai. yah yog keval dhanu lagn men hi banta hai. dhanu lagn men saptamesh budh, dasham bhav men kanya rashi men uchch svagrihi hota hai tatha navmesh surya ki yuti bhi honi chahie. isse jatak pi.em., mantri, em.el.e. adi banta hai. shankh yog: jab kundli men lagnesh bali ho athva panchmesh v shashthesh kendra men ek sath ho arthat navmesh bali ho tatha lagnesh, dashmesh char rashi men hane to yah yog banta hai, jisse jatak rajniti kshetra men mantri, mukhyamantri adi pad prapt karta hai. gajkesri yog: jab chandra se guru kendra sthan (1, 4, 7, 10) men pap rahit tatha shubh grahon se prabhavit ha to yah yog banta hai jisse jatak mantri, mukhyamantri adi pad prapt karta hai. adhiyog: jab chandra se 6, 7, 8ven bhav men sabhi shubh grah hon to yah yog banta hai jisse jatak rajyapal,senadhyaksh adi pad prapt karta hai. panchmhapurush yog: jab kundli men panchmhapurush yog ho arthat mangal, budh, guru, shukra v shani lagn se kendra sthanon men svagrihi ya uchch hane to kramshah ruchak, bhadra, hans, malavya, shash namak yog banate hain. inmen janma jatak rajniti men apar saflta prapt karta hai. vartaman men pi. em. dae. manmohan sinh evan gujrat si.em. shri narendra modi ki kundli men kramshah dasham bhav men bhadra yog v lagn men ruchak yog ban raha hai. ‘‘fal dipika’’ granth ke anusar rajyog yadi kundli men 3, 4 grah uchch ya svakshetra men kendragat hon to manushya raja, rajkulotpann athva vaibhvshali rajneta hota hai. yadi panch ya adhik grah uchchagat hon to sadharan vansh men utpann vyakti bhi raja hota hai. hathi ghodon se yukt vatrtaman prasang men sarvas, prabhuta sampann rajnitigya athva safal rajneta hota hai. . yadi lagnesh athva surya dasham bhav men hon to ‘s prapti yog’ ka nirman hota hai. . lagnesh aur dashmesh ka sthan parivartan yog visheshtah dasham bhav men hi ban raha ho. . mangal bali ya uchchagat hokar kendra, trikon athva shubh bhavon men ho. . kundli men surya, mangal, rahu ya shani, rahu athva chandra, rahu ki yuti dasham bhav men ho. . guru kendra men bali ho tatha anya grah shubh bhavon men hon. . guru kendra ya trikon men uchchagat evan chandrama (pakshabali) shubh bhavon men ho. . lagnesh uparyukt bhavon men ho tatha uska sanbandh tritiyesh ya dashmesh se ho to jatak sukh prapt karta hai. . lagnasth athva kendrasth rahu nichasth sthiti men jatak ko karmath, parakrami, prabhavshali vyaktitva ka svami banakar rajniti men ‘vijy-shri’ prapt karvata hai. . yadi chaturthesh, navmesh aur dashmesh kendra ya trikon men ho tatha unka paraspar drishti ya yuti sanbandh ho to aise jatak ke pas mahan rajnaitik shakti hoti hai tatha vah rashtrapti ya sarkari mukhiya hota hai. . navmesh-dashmesh ki yuti kendra men tatha rahu bhi kendra men ho to rajniti men uchchapad par pahunchna asan ho jata hai. ‘‘sarvarth chintamni’ granth ke anusar: yadi grah apne uchch men ho to rajaon ka raja (rajneta) aur yadi panch grah uchch men hon aur balvan brihaspati lagn men ho to bhi jatak rajneta athva raja hota hai. . vargom lagn ya vargom chandrama ka kundli men hona rajniti men saflta dene men aham bhumika nibhate hain. . rahu aur guru ka kisi bhi prakar ki drishti yuti sanbandh ho athva rahu guru ke nakshatra men ho to yah rajniti men safltadayak yog ka nirman karta hai. . lagabhag sabhi jyotishiya granthon ke anusar kundli men yadi tin, char grah uchch nich rashi men ho, tin-char grahon ka rashi parivartan yog athva drishti parivartan yog ho to bhi ek safal rajneta ka janm hota hai. . yadi kundli men vibhinn rajyogon ka nirman ho raha ho jaise nich bhang rajyog, mahapurush yogon men koi yog, lagn karak yog (hans, ruchak athva shash yog), kirti, amla, rajrajeshvar yog upasthit hon to vyakti sarvashakti prabhuta s sampann rajneta ya rajnitigya hota hai. . yadi budh, guru se dekha jata ho athva budh, guru donon ek-dusre ke drishti prabhav men hon to yah ek atyant shubh evan safltadayak rajyog evan rajniti karak yog hai. aise safal rajneta ke shasan prabandhan ko sabhi log sarvasammati se shirodharya karte hain. . ek safal rajnitigya ke lie kundli men ‘‘chakravarti rajyog’’ ka hona atiavashyak hai. iske anusar yadi koi bhi grah kundli men apne panchmansh men sthit ho to jatak ek safal rajneta aur purnabali ho to chakravarti raja hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.