राजभंग योग

rajbhang yog  

Ank ke aur Lekh | Sambandhit Lekh | Views : 1165 |  
jyotish shastra men janm kundli men pae gae rajyogon ka mahatva sarvada sarvamanya hai. uchch grah v kendra trikon ka sanbandh hone se rajyog milta hai v inse labhanvit hokar anek jatak apne jivnkal men saflta ke shikhar par pahunche hain. bhagya ki vidanbna hai v sansar ka yah niyam hai ki samay sarvada ek sa nahin hota. jahan ek or uchch koti ke rajyog falit hue dikhai pare hain vahin dusri or unhin rajyogon ka bhang hona bhi falibhut hua hai. jivan ke vyavharik dharatal par kai bar aisa bhi anubhav hua hai ki rajyog hone par bhi unka labh nahin mila hai to kai bar aise bhi udaharan samne ae hain jab inka labh atyant pareshaniyan jhelne ke bad mila hai ya fir inka labh anshik hi mila hai. aisa kyon hota hai, aie kuch kundliyon v apne anubhav matra se is vishay ki tah tak pahunchne ka prayas karen. jivan ke vyavharik dharatal par kai bar aisa bhi anubhav hua hai ki rajyog hone par bhi unka labh nahin mila hai to kai bar aise bhi udaharan samne ae hain jab inka labh atyant pareshaniyan jhelne ke bad mila hai ya fir inka labh anshik hi mila hai. aisa kyon hota hai, aie kuch kundliyon v apne anubhav matra se is vishay ki tah tak pahunchne ka prayas karen. û bhagvan shri ramchandra ji ki kundli men rajyog bhang spasht dikhai parta hai. lagnasth shubh saumya grahon, uchchasth guru v svagrihi chandra par prakritik pap grahon mangal v shani ki purn drishti guru v chandra dvara sthapit rajyog ko bhang kar rahi hai. yahi karan hai ki raja ke ghar men janm lene par bhi shri ram ko banvasi hona para. yahi nahin saptamesh shani apni uchchasth rashi men chaturth kendra men panchmhapurush yogon men se shashyog nirmit kar raha hai kintu shani ka apni uchch rashi men vakri hone ke karan shri ram ka yah rajyog bhang hua v unhen apni bharya ka viyog sahna para. û shri murarji desai ki mithun lagn ki janmapatri men shashthesh v ekadshesh mangal uchchasth hokar ashtam bhav men sthit hain budh v shukra ke rajyog ko bhang kar rahe hain. tin-tin grah uchchasth hone ke bavjud unka rajnitik jivan vivadaspad raha hai. karmesh v kendradhipti dosh se dushit hokar guru dvitiya bhav men uchchasth aur vakri baitha hua hai. ashtam navmesh shani pancham trikon bhav men uchchasth aur vakri hai. faltah unhen pradhanmantri ki gaddi to mili kintu jyada samay tak padasin nahin rah sake. ashtam bhav men uchchasth mangal ne bhi unhen rajyog ka fal adhik dinon tak bhogne nahin diya. û koi bhi grah chahe uchch ka ho, balvan sthiti men ho, uske sath yadi surya/chandra ho to rajyog bhang ho jata hai. kundli san. 1 men navmesh v dashmesh budh v chandra ke dasham bhav men hone ke bavjud unke surya ke sath hone se rajyog bhang ho gaya. jatak kai bar sansad sadasya bane kintu mantri nahin ban pae. urpayukt udaharan se ek aur niyam ki pushti hoti hai ki yadi navmesh v dashmesh rajyog sthapit kar rahe hon aur unke sath badhkesh ho to bhi rajyog bhang ho jata hai. uparyukt kundli char lagn ki hai aur ekadshesh surya badhak bhi hai. û balvan grah yadi stanbhit ho jata hai to rajyog bhang kar deta hai. kundli 2 men guru ko sthan bal prapt hai kyonki yahan vah lagn men stanbhit hai. 6.10.1993 tak jatak ko kafi nam v khyati mili kintu guru ki hi mahadsha men pradhanmantri bante bante rah gae. inki guru ki mahadsha 6.10.2009 tak hai. û akarak grah ki dasha ho aur yadi vah grah apni hi dasha antardasha men fal de to baki ki dasha ka rajyog bhang ho jata hai. kundli 3 isi bat ki pushti karti hai. yah jatak shukra ki mahadsha ke antargat shukra ki antardasha 17.12.1986 se 17.04.1990 ke madhya mantri pad par rahe. min lagn ke lie akarak grah shukra ne apni hi dasha v antardasha men fal dekar baki 17 sal shunya fal diya v rajyog bhang kiya. û purn chandra hete hue bhi bhagyesh chandra se karmesh surya yadi ashtamasth ho, to raj yog bhang hota hai. kundli 4 ke jatak pradhanmantri bante bante rah gae karan navmesh v dashmesh surya v chandra amne samne hone par bhi viprit fal mila. ek or bhagyesh chandra ke sath vakri prakritik pap grah tritiyesh v chaturthesh akarak v nichasth shani ne bhi rajyog bhang kiya to dusri or chandra se surya ashtam hone ke karan bhi rajyog bhang hua. û surya chandra kamjor hone par bhi rajyog bhang hota hai. kundli 5 par najar dalen. is vyakti ki vartaman samay men rahu ki mahadsha chal rahi hai. jatak mukhyamantri banne men asafal rahe. bhagyesh surya apne hi bhagya sthan men shashthesh v ekadshesh shukra ke sath hone se kuch kamjor ho gaya hai. budh dasham kendra men bhadra yog sthapit karne ke bavjud purn fal dene men saksham nahin hai. lagnesh guru vyay bhav men, nichasth rahu lagn men aur vartaman samay men rahu ki mahadsha men, kamjor surya, nichasth chandra ke karan rajyog bhang hua. chandra mangal ka parivartan hone ke alava lagnesh guru sahit ashtamesh chandra ki barhven bhav men sthiti ne lagnesh ka rajyog bhang kiya hai. budh ke panch mahapurush yog sthapit karne ke bavjud uski dasha nahin ai aur iska labh jatak ko nahin mila. û navmesh surya tritiya bhav men ashtam bhav se ashtam ho to rajyog bhang kar sakta hai. in jatak ke janm ke satven varsh men hi pita ki mrityu ho gai aur vah unki mrityu ke pashchat raja bane. bhagyesh surya ke ashtam bhav se ashtam hone ke karan rajyog bhang hua. û vrishchik lagn ke lie lagnesh v shashthesh karak hokar pancham bhav men mangal uchchasth saptamesh v vyayesh shukra ke sath sthit hai kintu lagnesh hone ke bavjud pancham bhav men mangal ne rajyog bhang kiya hai aur santan ka sukh inhen nahin mila. panchmesh guru shashth bhav men shani ki drishti men bhi hai. vah sabhi niahsantan yog sthapit kar raha hai. yahi nahin jatak khud dattak putra hain v unke pita bhi dattak putra rahe hain. aie alg-alag grahon ke uchch bhang par ek drishti dalen ah û guru, makar lagn ke lie saptam bhav men param uchch hokar akarak hote hue bhi hans yog ka fal deta hai. kintu yadi ashtamesh surya guru ke sath saptam bhav men sthit ho to rajyog bhang ho jata hai. û kanya lagn ke lie yadi mangal pancham trikon bhav men shani ke sath makar rashi men ho, to shashthesh shani ke karan uchchasth hone ke bavjud mangal ka uchch bhang ho jata hai. û surya kanya lagn men dvadshesh hokar ashtam bhav men uchchasth ho jata hai kintu yadi shani sath ho, to apni uchch rashi ka fal dene men saksham nahin hota. û shukra mithun lagn men dasham kendra men apni uchchasth rashi men malavya yog banata hai kintu yadi ekadshesh v shashthesh mangal iske sath ho to malavya yog ko bhang kar deta hai. û budh apni uchch rashi men kanya lagn men sthan bal prapt karne ke sath-sath bhadra yog sthapit karta hai kintu surya evan mangal ke sath hone se yah rajyog bhi bhang ho jata hai. û kabhi-kabhi panch grah bhi uchch ke hokar, jaise kark rashi men 28° ka guru, kanya men 0° ka budh, tula men 28° ka shukra, mesh men 29° ka surya v makar men 29° ka mangal, rajyog ka anshik fal hi de pate hain. û hamari bhutpurva pradhanmantri svargiya shrimti indira gandhi ki kundli men chah grahon ke parivartan ne unhen jabaradast rajyog diya jiske karan unhonne lagabhag 18 varsh tak desh ke shasan ki bagdor sanbhali. kintu unka bhi viprit samay chala, akarak grah shani ki mahadsha men shukra ki antardasha chali. uttarakalamrit ke anusar yadi shukra v shani donon balvan hon, to shani ki mahadsha men shukra ka antar v shukra ki mahadsha men shani ka antar ko kathinai ka samay sabit hota hai. shrimti gandhi ko bhi shani ki mahadsha men shukra ki antardasha ke dauran atyant visham paristhitiyon ka samna karna para aur vah chunav har gain. us samay unka rajyog bhang hua tha. atah yah kahna uchit hoga ki akarak grah ki dasha - antardasha v bura samay bhi rajyog bhang karne men saksham hota hai. lagn se chathe, satven ya athven bhav men prakritik shubh grah hon ya kisi ek ghar men bhi shubh grah ho to lagnadhiraj yog ka shubh fal milta hai, kintu yadi us shubh grah ke sath ek bhi pap grah ho to us lagnadhiraj yog se prapt rajyog bhang ho jata hai. kundli 9 men lagn se athven bhav men shubh grah guru v dashmesh chandra hain kintu rahu ne is lagnadhiraj yog ke rajyog ko bhang kar diya hai. is prakar aise anek udaharan hain jahan ya to rajyog bhang hue hain ya sirf anshik hi mile hain. jivan ka arth sangharsh hai. utar-charhav jindgi ke do pahlu hain. jivan ke sangharshon se jujhte hue nirantar age barhne ka prayas karte rahna hi hamara kartavya hai. saflta milna ya n milna bhagya ka khel hai. purusharth ke madhyam se hi ham apne lakshya ko prapt kar sakte hain. atah rajyog bhang hone par bhi manushya ko har n man kar apne lakshya ke prati adig rahakar karm karte rahna chahie kyonki parishram hi saflta ki kunji hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2008

Apne vichar vyakt karein

blog comments powered by Disqus
.