पूजा कक्ष में क्या करें क्या ना करें

puja kaksh men kya karen kya na karen  

Sambandhit Lekh | Views : 29313 |  
  • ghar men puja karne vala ek hi murti ki puja nahin karen. anek devi-devtaon ki puja karen. ghar men do shivling ki puja na karen tatha puja sthan par tin ganesh nahin rakhen.
  • shaligram ki murti jitni choti ho vah jyada faldayak hai.
  • kusha pavitri ke abhav men svarn ki anguthi dharan karke bhi dev karya sampann kiya ja sakta hai.
  • mangal karyo men kumkum ka tilak prashast mana jata hain. puja men tute hue akshat ke tukre nahin charhana chahie.
  • pani, dudh, dahi, ghi adi men anguli nahi dalna chahie. inhen lota, chammach adi se lena chahie kyonki nakh sparsh se vastu apvitra ho jati hai atah yah vastuen dev puja ke yogya nahin rahti hain.
  • tanbe ke baratan men dudh, dahi ya panchamrit adi nahin dalna chahie kyonki vah madira saman ho jate hain.
  • achaman tin bar karne ka vidhan hain. isse tridev brahma-vishnu-mahesh prasann hote hain. dahine kan ka sparsh karne par bhi achaman ke tulya mana jata hai.
  • kusha ke agrabhag se davtaon par jal nahin chirke.
  • devtaon ko anguthe se nahin male. chakle par se chandan kabhi nahin lagaven. use choti katori ya banyi hatheli par rakhakar lagaven.
  • pushpon ko balti, lota, jal men dalakar fir nikalakar nahin charhana chahie.
  • bhagvan ke charnon ki char bar, nabhi ki do bar, mukh ki ek bar ya tin bar arti utarakar samast angon ki sat bar arti utaren.
  • bhagvan ki arti samyanusar jo ghanta, nagara, jhanjhar, thali, gharaval, shankh ityadi bajte hain unki dhvani se aspas ke vayumandal ke kitanu nasht ho jate hain. nad brahma hota hain. nad ke samay ek svar se jo pratidhvani hoti hain usme asim shakti hoti hain.
  • lohe ke patra se bhagvan ko naivedya aparn nahin karen.
  • havan men agni prajvalit hone par hi ahuti den. samidha anguthe se adhik moti nahin honi chahie tatha das angul lambi honi chahie. chal rahit ya kire lagi hui samidha yagya-karya men varjit hain. pankhe adi se kabhi havan ki agni prajvalit nahin karen.
  • meruhin mala ya meru ka langhan karke mala nahin japni chahie. mala, rudraksh, tulsi evan chandan ki uttam mani gai hain. mala ko anamika (tisri anguli) par rakhakar madhyama (dusri anguli) se chalana chahie.
  • jap karte samay sir par hath ya vastra nahin rakhen. tilak karate samay sir par hath ya vastra rakhna chahie. mala ka pujan karke hi jap karna chahie. brahman ko ya dvijati ko snan karke tilak avashya lagana chahie.
  • jap karte hue jal men sthit vyakti, daurte hue, shamshan se lautte hue vyakti ko namaskar karna varjit hain. bina namaskar kie ashirvad dena varjit hain. ek hath se pranam nahi karna chahie. soe hue vyakti ka charan sparsh nahin karna chahie. baron ko pranam karte samay unke dahine pair par dahine hath se aur unke banye pair ko banye hath se chukar pranam karen. jap karte samay jibh ya honth ko nahin hilana chahie. ise upanshu jap kahte hain. iska fal sauguna faldayak hota hain.
  • jap karte samay dahine hath ko kapre ya gaumukhi se dhakakar rakhna chahie. jap ke bad asan ke niche ki bhumi ko sparsh kar netron se lagana chahie.
  • sankranti, dvadshi, amavasya, purnima, ravivar aur sandhya ke samay tulsi torna nishiddh hain.
  • dipak se dipak ko nahi jalana chahie.
  • yagya, shraddh adi men kale til ka prayog karna chahie, safed til ka nahin. shanivar ko pipal par jal charhana chahie. pipal ki sat parikrama karni chahie. parikrama karna shreshth hai, kintu ravivar ko parikrama nahin karni chahie.
  • kumra-matira-nariyal adi ko striyan nahin tore ya chaku adi se nahin katen. yah uttam nahi mana gaya hain. bhojan prasad ko laghanna nahin chahie. devta ki pratima dekhakar avashya pranam karen.
  • kisi ko bhi koi vastu ya dan-dakshina dahine hath se dena chahie.
  • ekadshi, amavasya, kririshn chaturdashi, purnima vrat tatha shraddh ke din kshaur-karm (darhi) nahin banana chahie.
  • bina yagyaopvit ya shikha bandhan ke jo bhi karya, karm kiya jata hai, vah nishfal ho jata hain. yadi shikha nahin ho to sthan ko sparsh kar lena chahie.
  • shivji ki jalhari uttarabhimukh rakhen.
  • shankar ko bilvapatra, vishnu ko tulsi, ganesh ko durva, lakshmi ko kamal, durga ko raktapushp priya hain.
  • shankar ko shivratri ke sivay kunukum nahin charhti.
  • shivji ko kund, vishnu ko dhatura, devi ko ak tatha madar aur surya ko tagar ke ful nahin charhave.
  • akshat devtaon ko tin bar tatha pitron ko ek bar dhokar charhavane.
  • naye bilva patra nahin mile to charhaye hue bilva patra dhokar fir charhae ja sakte hain.
  • vishnu ko chanval, ganesh ko tulsi, durga aur surya ko bilva patra nahin charhaven.
  • patra-pushpa-fal ka mukh niche karke nahin charhaven, jaise utpann hote hon vaise hi charhaven. kintu bilvapatra ulta karke dandi torakar shankar par charhaven. pan ki dandi ka agrabhag torakar charhaven. sara hua pan ya pushp nahin charhave.
  • ganesh ko tulsi bhadra shukla chaturthi ko charhti hain.
  • panch ratri tak kamal ka ful basi nahin hota hai.
  • das ratri tak tulsi patra basi nahin hote hain.
  • sabhi dharmik karyo men patni ko dahine bhag men bithakar dharmik kriyaen sampann karni chahie.
  • pujan karnevala lalat par tilak lagakar hi puja karen.
  • purvabhimukh baithakar apne banyi or ghanta, dhup tatha dahini or shankh, jalpatra evan pujan samagri rakhen. ghi ka dipak apne banyi or tatha devta ko dahine or rakhen evan chanval par dipak rakhakar prajvalit karen.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.