सूर्योपासना का महिमामय केंद्र हड़िया

suryopasna ka mahimamay kendra hariya  

Ank ke aur Lekh | Sambandhit Lekh | Views : 1289 |  
adi anadi kal se bhart bhumi men devopasna nirbadh rup se jari hai jinmen jagat ke pratyaksh dev shri surya ka vishishta sthan hai. bharat desh men surya pujn ka itihas utna hi prachin hai jitni hamari sabhyata sanskriti. surya dev, ravi, martand, bhaskar, dinanath, savita, divakar, dinakar adi kai namon se vibhushit hain. surya devta ke dvadash tirthon ko sanpurn desh men uchchatam sthan prapt hai. jis prakar dvadash jyotirling aur dvadash pradhan shakti pith pure desh men virajman hai thik iske viprit dvadash surya tirthon men se nau tirth bihar pradesh men hi virajit hai. tabhi to kaha jata hai ki desh ke prasiddh surya mandiron men jyadatar surya mandir bihar men avasthit hain. bihar pradesh ke navada jile men nardiganj prakhand ka hariya surya mandir usi shrinkhla ki ek sashakta kari hai jahan surya narayan ke darshana pujan se samast kashton se mukti mil jati hai. gaya se 68 ki. mi., hisua (navada) se 13 kimi. aur rajgir se 17 ki.mi. duri par avasthit hariya patna nagar se 89 kimi. duri par hai. hisua mor aur rajgir se ana yahan ekadam sahj hai. chote-bare donon tarah ke vahn upalabdh hain. mukhya rajmarg se 4 kimi. ki duri tay karke hariya surya mandir tak pahuncha ja sakta hai. yahan ka surya mandir, tin nae purane dharmashale, vishal surya sarovar, shivalay va navnirmit hanuman mandir ka darshana man mastishk men bhakti tatva ka sanchar karta hai. dharmik katha: dharm, astha aur vishvas ka yah tirth dvapar kalin hai jise shri krishn ke pautra samba ne banvaya hai. dharmik manyata hai ki bhagvan shri krishn ke pautra samba ko gopiyon ne bhramavash shri krishna man liya tha. samb bhi gopiyon ko apni pahchan batane ke bajay gopiyon ki lila men sammilit ho gae. is kritya se kshubdh hokr shri krishn ne shrap de diya jiske kuprabhav se samb kushth rogi ho gae. jab samb ne narad ji ki sahmti se shri krishn se mukti ki prarthana ki tab shri krishn ne unhen dvadash surya tirth sthapna ka adesh diya aur isi kram men is devalay ki bhi ganna ki gai hai. surya pujan ke vishisht kendra hariya (hedarka) ke alava sanpurna bihar pradesh men devark (dev), ularka (kular), punyark (pandark), angarka (aungari), balark (barganv), uttararka (pitamheshvar), dakshin ke (surya kund), kandark (kandaha), umargak (umga) ki ganna dvadash saurya tirthon men ki jati thi jismane vishva prasiddha saurya tirth konark pratham sthan par virajit hai. aise upar varnit nau surya tirthon ke alava kako (jahanabad), devkund (aurangabad), madhusrava (akhl), tandva (gaya), bhelavat (jahanabad), bari man (kishkon) adi ka sunam hai. aitihasik mahatta: prachin magadh ke gaya aur nalanda jile ke sima par avasthit hariya ke bare men manyata hai ki is sthal men magdh samrat jarasandh ki putri dhanyavti rajgir se nitya akar yahan puja karti thi. yahan se juri katha par prakash dalte hue pujari rajendra pande batate hain ki mandir nirman ke turant bad hi prakritik surya kund ke charon or ghat v sirhiyan banayi gain jo 110 g 210 varg mitr kshetra akar men hai. is talab ke jal men aisi chamatkari shakti hai ki harek snan karne vala kanchan kaya sahaj pa leta hai. is mandir ke uttar, purab aur dakshin men vishal prakritik talab hai jiska munh khulte hi as-pas ke khetihr bhumi svatah sinchit ho jate hain aur jahan tak iske namakaran ka prashna hai bhaugolik drishtikon se yahan ka bhutal hi hariya (bare sagr) ke sadrish drishtigochar hota hai. palkal men bhi yah sthan dharmik tirth ke rup men charchit raha. mandir ke bahri bhag men rakhe 31 bhagn murtiyan hain jinmen vishnu, uma-maheshvar, bhairav, shivling, devi man adi hain. inmen tin ko chor sabhi kale patthar ke hain. shesh tinon lal balua patthar se nirmit khandit bhag hain. kahne ka ashay yahan pal kal ke purva bhi mutrt shilp vidyaman raha. mandir ke samne surya kund ke viprit bhag men prachin shmashan hai to mandir ke samne panch purane pipal ke peron ko chabutra banakar saja diya gaya hai. kinare ka ek vat vriksh bhi chamatkari shakti se yukt bataya jata hai. vartaman vivrn: bhutal se panch sirhi charh kar mandir tak pahuncha ja sakta hai jo dvital vibhagya hai. garbhagrih men samne ki divar par sabse upar shvet sangamaramar ki navin surya murti dekhi ja sakti hai. uske thik niche ek pashan falak par surya chakra v ashva ankit hain. iske niche surya parivar ke uttara guptakalin murtiyan dekhi ja sakti hain jiske upri bhag ko karib 400 varsh purva sthaniya choron ne khandit kar diya tha. kahte hain pas ke ariyan ganv ka yah chor is ghatna ke bad saprivar nasht ho gaya tha. parantu vah khandit khand kahan gaya iska kisi ko ata-pata nahin hai. yahan sthit surya putra yam ya shani, putri yamuna va patni sandhya aur chaya ke sath bani aisi mutrta-pattika ka chitran anyatra kahin nahin milta. niche rakhi ek pashan khand ki murti ki adhar pattika jan parti hai jiske niche ashva v kamal ka ankn hai. isi ke bagal men shivling va divar par parvati ki choti murti rakhi gai hai. mandir ke shikhar ki banavt chittakarshak hai jiske gunbad par surya pratik chakra ka ankan hai. jankari milti hai ki mahabharat kal ke bad is mandir ka nav uddhar hisua stet ki or se karaya gaya jismen sthaniya nivasiyon ka bhi amulya sahyog raha tha. navada jile ke prakhandon men ek nardiganj men avasthit aur rajgrih ki panch nadiyon men se ek sakri ke sannikat shobhayman hariya surya mandir men vaise to salon bhar log ate rahte hain par sal ke donon surya shashthi parva (chath) ke sath-sath surya saptami, ravivar v grahnkal ke avasar par yahan har desh se bhakta shraddhaluon ka agaman hota rahta hai. is dharmik lok samagam men bihar ke alava bangal, jharkhand, odisha aur chattisagarh ke bhakton ka bhi agaman bana rahta hai. vaise to navada jile men jain tirth gunavan, ramaynkalin tirth sitamthi, nanak sangt-rajauli, sekho devra ashram-kauakol, govindapur ka chapra kol jal prapat, pura sthala apasarh aur manohari jharna ka sthan ‘kakolt’ paryatan ke sath dharma astha ka pranavant kendra hai. par in sab ke madhya hariya ke surya tirth ka apna alag mahatva hai jahan bhart varsh ke mahabharat kal se aj tak astanchal surya ke rup men sabhi duahkh, dard v buraiyon ko atmasat kar udyman surya ke sath, sukh, samriddhi, shanti v sadvicharon ka path aharnish prashast kar rahe hain.
Kya aapko lekh pasand aaya? Subscribe
Kya aapko lekh pasand aaya? Subscribe

vivah visheshank  November 2016

jyotishiya patrika fyuchar samachar ke is vivah visheshank men bahut achche vivah se sambandhit lekhon jaise vivah milan, prem vivah, vivah men badha v deri ka jyotishiya karan v nivaran, vivah ki tarikh ka nikalna, dasha aur vivah, ankshastra dvara vivah milan, vivah milan aur manglik dosh nivaran adi par paricharcha ki gai hai. anya mahatvapurn lekhon men amerika men ratrapti chunav, vatsaaip jyotish, bharat ke jaims baend ajit dobhal, osho ki kundali ka jyotishiya akalan, vastu men uttara-purva men ghara/plaet adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

.