काली मिर्च

kali mirch  

Ank ke aur Lekh | Sambandhit Lekh | Views : 2671 |  
kali mirch sa but kali mirch adi kal se hi bharat men ugai jati rahi hai aur ek kimti vastu ke rup men iska istemal hota raha hai. iska keval bhojan men masale ke rup men hi nahin, apitu ise vyapar men paise ke sthan par istemal kiya jata raha hai. iska puja men pavitra charhave, taiks ki bharpai tatha anya achche-bure kamon men istemal kiya jata tha. prachin roman samrajya ke patan ke dinon akramnkari ka bhi isi kali mirch se svagat kiya jata tha. kai deshon men to sanpannata ka mapdand kali mirch ka bhandar hua karta tha. in sabhi samajik prathaon ke piche iska bhojan men tarah tarah se istemal raha hai. bhojan ko svadisht banana, subah ya rat ke bhojan ko dobara khane layak banane, khasakar aise samay men jab khana pakane ke bad use, kharab hone se bachane sadhan upalabdh nahin hote the. kali mirch ka upyog kiya jata tha. kali aur safed mirchen donon ek hi paudhe se milti hain. adhi paki mirch ko tor kar aur to dhup men achchi tarah sukha kar kali mirch taiyar ki jati hai. parantu pura pak jane par inhen namak ke pani men rakhakar aur chilka utarakar safed mirch taiyar ki jati hai. kali mirch ki lata 33 fit tak lanbi ho jati hai. lata ugne ke bad 3-4 varshon men safed jhund men fal niklte hain aur fir unse kali mirch bij rup men prapt hoti hai. yah hamare desh ke dakshini rajyon men paryapt matra men paida hoti hai. iska utpadan bharat aur indoneshiya men sabse adhik hota hai. masalon men prayukt ek pramukh vastu, kali mirch tikhi evan mahkdar hoti hai. yah jaldi kharab nahin hoti. iski puri mahak mile iske lie ise bhojan pakane ke ant men istemal karen aur jahan tak ho sake taja hi pisakar rakhen. bajar se pisi hui kali mirch kabhi n len. kyonki ismen milavat ki sanbhavna rahti hai. ismen entiaksident maujud rahte hain. yah bhukh ko barhati hai, kyonki iski mahak se lar jyada banti hai. yah hamare amashay men amla ke utpadan ko barhata hai jisse bhojan men prayukt protin ko bhalibhanti pachne men sahayta milti hai. ise bhojan ko pachane ke rup men istemal kiya jata hai. ise khane se pasina bhi khulakar niklta hai aur mutra bhi thik prakar se hota hai. motape se grast logon ke lie bhi kali mirch labhdayak hai, iske sevan se motapa kam hota hai. rog upchar vayaral bukhar men kali mirch ke 5 aur laung ke 2 danen, tulsi ke 7 patte aur 2 gram adarak ya saunth 1 gilas pani men dalakar ubalen. jab pani ek kap rah jae, to use utarakar usmen gur dalakar pi len aur sir dhakakar so jaen. pasina chutega bukhar utar aega. lal tamatar men pisi hui kali mirch dalakar bachchon ko khilane se pet ke kire marakar nikal jate hain.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  September 2006

manushya ko jivan ke har kshetra men nana prakar ke kasht, pareshaniyon evan badhaon se do-char hona parta hai. inhen anek sroton se pareshaniyan evan vipatti ka samna karna parta hai. kabhi ashubh grah samasyaen evan kasht pradan karte hain to kai bar kala jadu athva bhut-pret se samasyaen utpann hoti hain. fyuchar samachar ke is visheshank men prabuddh lekhkon ne apne alekhon men inhin sab mahatvapurn baton ki charcha vistar se ki hai tatha inse mukti prapt karne ke nanavidh upay batae hain. mahatvapurn alekhon ki suchi men sanlagn hain- kya hai bandhan aur unke upay, yadi ap ko najar lag jae, sharirik badhaen harne vali vanaspatiyan, bhut-pret badha, mantra shakti se badha mukti, kasht nivaran, badha ke jyotishiya upay v nivaran, kalyankari jivon ke chitra lagaen badhaon ko dur bhagaen adi. in alekhon ke atirikt anya mahatvapurn alekh jivan ke bahuvidh kshetra se sambandhit hain tatha inhen sthayi stambhon men sthan pradan kiya gaya hai.

Subscribe

Apne vichar vyakt karein

blog comments powered by Disqus
.