दर्द होता है बीमारियों का दर्पण

dard hota hai bimariyon ka darpn  

Sambandhit Lekh | Views : 1155 |  
dard bimariyon ka aina hai . daektar ko bimari ka chehra dard ke aine men hi dikhta hai . dard ka karan aur usse chutkara chikitsakon ke do pramukh uddeshya hote hain . duniyan men kuch bachche aisi janmajat bimari se pirit hote hain jismen ve apne dard, ghav, jalan ki pira mahsus nahin kar sakte, yahan tak ki ve ag men jhulas kar bhi muskarate rah sakte hain . bhukh lagne par apni anguliyon ko chaba sakte hain aur apni jibh ko bhi bhojan bana sakte hain . aise bachchon ka sanvedan tantra aviksit avastha men hota hai jiske karan ve dard ki anubhuti nahin kar sakte . aise bachche adhik dinon tak jivit bhi nahin rah pate. ‘‘priking pen’’ ya chubhne vala dard, sirf tvacha ke ek khas bhag men thore samay ke lie mahsus hota hai . jabki ‘dip pen’’ sadharntah tvacha ki gahrai men paye jane vale tantuon se utpann hota hai . ‘‘priking-pen’’ ki apeksha yah sharir ke kafi hisse men faila rahta hai aur dhire-dhire barhta hai . agar dard kafi din tak bana rahe to yah vikritijanya (paithalaejikl) ban jata hai . vikriti janya dard char tarah ka ho sakta hai - sathi, gahan, tantrika anya (nyuralaejikl) aur manovaigyanik . halanki in dardon ke alg-alag lakshan hote hain, par inki ek samanta hai ki ye manushya ke mur, uski bhavnaon aur vyavhar ko avashya parivartit karte hain . bhay, nirasha, chinta aur uttejna aise dardon ke samanya lakshan hain . yadi sharir ke vibhinn bhagon men utpann hone vale dardon ki suchi banayi jaye to pata chalega ki dard ki anubhuti se koi bhi bhag achuta nahin raha hai . sathi dard manspeshiyon ki harkton se tej ya kam ho sakta hai aur samanyatah sharir ke ek vishesh hisse men hi uska asar mahsus hota hai . gahra dard apekshakrit bahut kashtaprad aur sharir ke bare hisse men faila hua hota hai . manovaigyanik dard un logon ko adhik mahsus hota hai jo mansik rup se tute hue hote hain . vyakti jitna bhavuk hoga, tanav se paida hue dard ki sanbhavnaen utni hi adhik hongin . yadi vyakti ashavadi drishtikon rakhne vala hota hai to vah apne mamuli dard ko dard n manakar hi achcha ilaj svayan kar sakta hai, par yadi vah nirash aur dukhi hai to dard aur tanavon men hi jindgi gujarni hogi . dard sharir ke ek bhag se shuru hokar dur ke kisi bhag men apna asar dikha sakta hai . ise ‘‘vandring pen’’ kahte hain . ‘‘idiyopaithik pen’’ us dard ko kahte hain jiska koi karan nahin hota . ‘‘janping pen’’ joron ke dard men dekha jata hai . ‘‘laitning pen’’ ek jhatka dekar chala jata hai, lekin kuch kshan bad hi fir se sharir ke us bhag ko hila jata hai . ‘‘tiyarabreting pen’’ aur ‘‘boring pen’’ men aisa lagta hai ki dard vale ang men koi ched kar raha ho . ‘‘hangar pen’’ bhukh mit jane par khud hi gayab ho jata hai . pet ke alsar ke rogiyon ko yah dard aksar hota hai . ‘‘fankshanal pen’’ manovikar grast rogiyon ko hi hota hai . sharir ke kisi bhag par jab chot lagti hai tab vishisht snayu sandesh grahan kar lete hain . ye sanvednshil snayu tantra mastishk ko sandesh pahunchate hain . sharir ke kuch ang aise bhi hote hain jahan dard mahsus karne vale snayu tantra nahin ke barabar hain . yahi karan hai ki haddiyan aur mastishk ke rog dardahin hote hain . haddiyon men dard tabhi mahsus hota hai, jab unse juri jhilli men rog ka asar ho . dard ki sanvedna pashu aur pakshiyon men sarvadhik hoti hai, apekshakrit machliyon aur rengne vale jantu dard ka anubhav karne men asamarth hote hain . kabhi-kabhi mastishk ko dard ke bare men galat suchnaen milti hain ya vah suchnaon ke sahi strot ko nahin khoj pata . isko ‘‘refard pen’ kahte hain . dard ki ghatna ke chikitsakiya vishleshan ko ‘‘get kantrol thyori’’ ke nam se jana jata hai. iske anusar merudand ke pas ek ‘‘get’’ hota hai . aisa vishvas kiya jata hai ki mastishk ke lie jaruri sanvedna (jaise darda) hi is raste hokar ja sakte hain . sadharan tantuon ke utpann hone vali sanvednaen ane ke samay yah get band ho jata hai . sir dard ke karan bhavnatmak adhik aur sharirik kam hota hai. sir dard ke lakshan, karan aur uske prakar rogiyon ki jati, sanskriti aur samajik prishthabhumi par nirbhar karte hain . jivnyapan ki paristhitiyan, ayu, tanav ko jhelne ki kshamata bhi sir dard utpann karne ke lie mahatvapurn karan ho sakte hain . parisriya ‘‘pariferl’’ aur kendriya tantrika-tantra ki jatilta ke karan sir aur munh ke kisi bhag men ho rahe dard ke vishay men jankari mushkil se mil pati hai . sir men anek utak (tishyu) hote hain jinse vibhinn prakar ka sir dard utpann ho sakta hai . ye dard manspeshiyon ke tanav vaskular parivartan aur mastikavaran ki uttejna ke karan ho sakte hain . tanav se utpann siradard se vishva bhar men sarvadhik log lagabhag 50.8 pratishat pirit hain . maigren ya adhe hisse ka sir dard ek taklifdayak asadhya rog ke rup men mana jata hai . yah rog ‘‘projistron’’ harmon ki kami ke karan hona bataya jata hai . garbh nirodhak goliyan bhi kuch striyon men maigren utpann kar sakti hain . dant men dard hona, chehre ke dard ka samanya lakshan hai . danton par lage dentain ke thande-mithe aur kuch sima tak garm khadya padarthon ke sampark men ane se isse dard ke hone ki sanbhavnaen hoti hain . sir ka dard sharir ke ek bhag se barhta-barhta kuch saptah men sharir ke adhikansh angon men fail jata hai . ek riport ke anusar 70 varsh ki ayu tak 50 men se ek hi vyakti aisa mil sakta hai jise gathiya ke dard ki shikayat n hon . haestar namak chikitsak ka kathan hai ki hauking ki bimari men jo sharab pine par hi ubhrti hai, sharab ki ek choti si bund hi bhayankar dard utpann karne ke lie paryapt hai . marfin, afim, kodin aur aise hi tatvon se bani aushdhiyan tej dard ko ek nishchit samay ke lie thanda kar deti hain . marfin ke injekshan se sharir men hatasha aur uttejna ki mishrit pratikriya hoti hai . ekyupankchar vidhi se jatil shalya chikitsa se utpann dard ko aram bhi mil sakta hai, lekin adhunik chikitsa jagat men yah vidha vivadaspad hai . sammohan ke dard ke un rogiyon ko asani se rahat pahunchai ja sakti hai . jo samanyatah anushasit hote hain . aestreliya ke daektar fransis ka kathan hai ki bhojya padarthon se utpann elarji ke rogi bina aushdhi siradard se asani se chutkara pa sakte hain, keval unhen apne khane-pine ki adton men parivartan karna hoga. joron ka dard bhi bhojan parivartan se thik kiya jana sanbhav hai . vastutah dard ek chinh hai, bimari nahin . nidan rog ka kiya jana chahie, chikitsa bhi usi ki honi chahie . hota yah hai ki ahar-vihar par niyantran nahin ho pata . dard uthne par turant dard nivarak aushdhi le li jati hai . us samay to dard mit jata hai, bad men aur teji se ubhar kar ata hai . yadi ham dard se mukti chahte hain to us par niyantran karne ka abhyas karen . dard apne pair jamaye sabse pahle hi use bhagane athva n hone dene ki riti-niti sikhen .
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.