तेल मालिश:एक प्राकृतिक उपाय

tel malish:ek prakritik upay  

Ank ke aur Lekh | Sambandhit Lekh | Views : 10590 |  
malish sharir ko svasth, sundar, yauvnpurn banane ka ek saral evan uttam upay hai. isse anek prakar ke rogon ke upchar men saflta prapt hoti hai. svasthya evan chikitsa ki drishti se yah ek kala bhi hai aur prakritik upay bhi. tel malish se sharir halka-fulka, furtila aur sundar banta hai. ‘charak sanhita’ men likha hai ki jaise chiknai ke sanyog se mitti ka ghada shaktishali ho jata hai ya sukha chamda narm ho jata hai usi prakar tel malish karne se manushya ka sharir bhi shaktishali, sundar aur abhapurn ho jata hai. atyadhik mansik parishram, atyadhik shok adi ke karan jab balon men safedi a jati hai to sir men tel lagane matra se bal jaldi safed nahin padte aur mulayam bane rahte hain. isse dimag ki thakavat dur hoti hai tatha buddhi ki asadharan vriddhi hoti hai, netra-jyoti badhti hai, acharya avinash sinh mastishk sanbandhi rog bhi nahin panpte. ‘sushrut’ ke anusar sir men tel malish se sir ki tripti hoti hai, sir ki tvacha sundar banti hai, vahan raktadi ka sanchalan sucharu rup se hone lagta hai. sir dard nahin hota, n bal girte hain n samay se pahle safed hote hain n jhadte hain. mastak chikna rahta hai aur kapal ka bal badhta hai, bal lanbe aur ghane hote hain. jo log tel lagane se hichkichate hain ve snan se pahle sir men tel laga, bad men balon ko dho sakte hain. sir men lagane vale telon men sarson, nariyal ke tel ke atirikt chameli tel malish: ek prakritik upay aur bel ka tel pramukh hai. anvla tel, til tel bhi prayog men laya jata hai. tel malish karne ki vidhi tel malish agar vidhivat ki jae to vyakti bharpur labh utha sakta hai. malish svayan karen ya kisi se karvaen bat ek hi hai ki sharir ki malish hui. han ho sakta hai kabhi kisi ka hath sharir ke kuch bhagon tak n pahunch pae us samay yah avashyak ho jata hai ki ham kisi dusre ki sahayta len. ajakal kai achcha ‘‘masaj sailun’’ upalabdh hai vahan ja kar bhi malish karva ke malish ka anand uthaya ja sakta hai. lekin yadi svayan se hi malish karni hai to is prakar karen. sabse pahle malish karne ke lie tel ka chayan karen. amtaur se sharir ke sabhi bhagon men ek hi tel ka prayog kiya ja sakta hai lekin yadi malish ka mul karan malum ho to usi ke anusar tel ka chayan kiya jata hai. jaise kahin chot lagi hai ya sir ka dard hai to in karnon ko drishtigat rakhte hue tel ka chayan karen. malish ke lie amataur se sarson ka tel, til ka tel, nariyal ka tel, jaitun ka tel prayog men laya jata hai. iske atirikt vishesh karnon se badam ka tel, chameli ka tel, karbolik tel, erand ka tel, alsi ka tel, binaule ka tel, brahmi tel, anvla tel, chandan, dalchini, mungfli, akhrot, bakuchi adi ka tel prayog men laya jata hai. sir ki malish sir ki malish ke lie amtaur se sarson ya nariyal ke tel ka prayog hota hai. malish ke lie sir men balon ki jadon men apne hath ki anguliyon se tel lagayen aur anguliyon se hi dhire-dhire malish karen. isse dimag ki thakavat dur hoti hai tatha buddhi tivra hoti hai. netra jyoti bhi badhti hai. yadi aisa roj kiya jae to ayu se pahle balon men safedi nahin ati aur mastishk sanbandhi rogon men labh hota hai. pith ka malish tel ka chayan karne ke uprant pith ki malish ke lie yadi dusre vyakti ki sahayta li jae to malish ka sahi labh uthaya ja sakta hai. pith ki malish upar arthat kandhon se kamar tak ke hisson men ki jati hai. malish karte samay hathon ko upar se niche, niche se upar halke dabav se chalaen. gardan ke niche ridh ki haddi jahan se shuru hoti hai vahan se lekar kamar ke niche kulhon tak upar se niche se upar hath chala kar malish karen isse ridh ki haddi ki lachak barabar bani rahti hai, merudand majbut hota hai. kandhon ke niche ke bhag par bhi upar se niche tatha niche se upar aur dayen se baen aur baen se dayen hath chalakar malish karen isse kandhe majbut hote hain. kamar ke bhag par bhi andar se bahar aur bahar se andar ki taraf hath chala halke dabav se malish karen isse kamar sanbandhi sabhi rogon men labh hota hai. pet ki malish rog ke anusar tel ka chayan karke nabhi ke irda-gird tel malish donon hathon ki sahayta se nabhi ke charane taraf golakar hath chalakar karni chahie. kabhi hath dayen se bayen aur kabhi bayen se dayen chalana chahie. isse pet ki anten narm hongi aur pet se sanbandhit rog jaise pet dard, nabhi ka girna, kabj, anton ki khushki ityadi men labh hota hai. pachan kriya men bhi labh hota hai. janghon aur tangon ki malish janghon ki malish men hathon ka chalan halke dabav se upar se niche aur kabhi niche se upar karna hota hai. kabhi donon hathon ko jangh ke irda-gird golakar ghumakar karne se janghon ke masal aur nason men majbuti ati hai, janghon ki takat badhti hai rakt sanchar men bhi labh hota hai. janghon ke pichle bhag ko kulhon se lekar ghutne tak upar se niche ki taraf malish karne se bhi kulhon aur janghon ke patthe majbut hote hain aur akar men bhi sundrta badhti hai. isi tarah tangen arthat ghutnon se niche ke bhag par bhi ghutne se pair ki taraf tel laga kar malish karni chahie. pindliyon ke upar se niche, niche se upar aur golakar hathon ko halke dabav se ghumane se tangon ki thakavat dur hoti hai, tangon ke patthe bhi majbut hote hain aur anya tangon sanbandhi bimariyon men labh hota hai. budhape men bhi vyakti javanon ki tarah daud sakta hai. gathiya jaise rogon ke hone ki sanbhavna kam ho jati hai. pairon ki malish pairon ko achchi tarah dhokar tel lagakar malish karni chahie. panvon ke talvon men roj tel lagakar halke dabav se donon hathon se malish karne se pairon ki thakavat dur hoti hai. pairon ke dard men bhi aram hota hai. pairon ki anguliyon ke bich men bhi tel adi lagana chahie aur anguliyon ki bhi malish karni chahie isse pairon ki nason men rakt sanchar sucharu rup se hone lagta hai. pairon ki bivaiyon men bhi labh hota hai. yadi pratidin rat ko sone se pahle panvon ko dhokar malish kar soya jae to panvon se sanbandhit rog nahin panpte. jo log niyamit taur se tel malish karte hain unhen tvacha sanbandhit rog, dad-khaj, khujli, fode-funsi adi rog nahin hote. tel malish se dhatu pusht hoti hai evan buddhi ki vriddhi hoti hai. ‘sushrut’ men spasht kiya gaya hai ki jaise vriksh ki jad men pani dalne se uske dali, patton ke ankur badhte hain usi prakar tel malish se dhatu badhti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.