अंक कुंडली

ank kundli  

Ank ke aur Lekh | Sambandhit Lekh | Views : 860 |  
ankshastra men ank kundli ka bara mahatva hai. ank kundli se jatak ke vyaktitva, charitra tatha uske bhautik vikas evan unnati ka anuman asani se lagaya ja sakta hai. ajakal jo ham nam men koi bhi akshar prayeag karke jivan ko achcha ya sukhamay banane ka prayas karte hain, uska adhar bhi ank kundli men yah dekhakar kiya jata hai ki jatak ko kis grah aur yog ki avashyakta hai. ank kundli vaivahik jivan men bhi bahut mahatvapurn hai. jo yog larki ki kundli men nahin hai vah yog agar larke ki kundli men hua to vah jivan men samanjasya bithane men sahayak hoga. donon milakar jivan ki har sthiti ko sudharne ka prayas karenge. ank kundli sthir hoti hai jo is prakar hogi. ank kundli ko tin bhagon men banta gaya hai. upar ki pankti men 3-1-9 jo adhyatmik star batata hai. bich ki pankti 6-7-5 jo bauddhik evan bhavnatmak hai. akhiri pankti 2-8-4 hai jo bhautik evan sansarik ank hain. janmatithi ke adhar par ham ismen ankon ko bithate hain jaise yadi kisi ki janmatithi 12.05.1976 hai to ank kundli is prakar hogi. is kundli ke adhar par yah jatak bauddhik tatha bhavnatmak star par paripakva hai. surya ke hone se har karya men daksh hota hai. chandrama se dil se achcha aur bhavuk hoga. ank kanudli ke kuch yog: 3-1-9 yah yog agar janmatithi se ban jae to jivan men sab kuch asani se mil jata hai. parantu ank 8 ka is par prabhav nahin parna chahie. aisa jatak tikshn buddhi vala, uÿam vidya prapt karne vala v dusre ka bhala karne vala hota hai. yah vyakti adhikari, shasak hoga parantu yah vyakti sharab ka sevan karega. to jivan vivadon men gujrega. 3-6-2/6-2 ka yog ashubh bhi hai. parantu 3 ka hona bahut shubhkari mana gaya hai. yah hamen har pareshani se bacha lega. 6-2 ke yog se jivan men badhaen ati hain tatha par stri se sanbandh banta hai. santan ka sukh kam banta hai par 3 hone se sab sukh milte hain. jatak agar sanbandh banata hai to us rishte ko nam bhi deta hai, koi avaiddh sanbandh nahin rakhta hai. vidya achchi rahti hai. jatak parivar ka sukh pata hai aur jimmedar hota hai. 1-7-8 / 7-8 se sharirik kasht, vyapar men utar charhav rahte hain. parantu naukri labhdayak rahti hai. aise vyakti ka dhan dusre ke kam ata hai. parantu surya (1) ke hone se vyakti safal hota hai. usmen har samasya ka samna karne ki himmat rahti hai. yah yog madhyam umra ke bad adhyatmikta ko barhata hai. vah apni astha evan apne vishvas par jivan ko safal banata hai v ishvaronmukh ho jata hai. 9-5-4 yah yog sahas aur buddhimta ka pratik hai aisa jatak takniki shiksha, medikal, injiniyaring, sena, pulis, adi men safal hoga. aisa vyakti andolan karta hai. samaj men galat dekhakar andolan karne ko taiyar rahta hai. aise jatak sangharshamay jivan jite hain. is yog se plat, bhumi, makan v jamin jaydad ke vivad ka sanket banta hai. 6-7-5 yah yog jivan unnati ke lie bahut achcha hai. isse yatra, videsh yatra ka yog banta hai. kisi vishesh gyan evan kala ke karan man samman milega. patni maddgar rahti hai. vyapar men saflta milegi, vahan ka sukh milega parantu sajhedari men labh nahin hoga. 2-8-4 yah yog bahut ashubh hai. sharirik kasht rahega. pura jivan dukhon men jina parta hai. parantu is ank sthiti men yadi jatak apne vishvas ko banae rakhe to tarakki karta hai aur shikhar par pahunchta hai. yani ki ya to unnati hi unnati ya fir pareshani hi pareshani. parantu aisa vyakti svarthi hoga aur keval apne bhale ke lie hi sochega.
Kya aapko lekh pasand aaya? Subscribe
Kya aapko lekh pasand aaya? Subscribe


ank visheshank  July 2010

ank shastra ki vistrit jankari ke lie parhe ank visheshank ki avaran katha ke rochak lekh.iske vichar goshthi kolam men parhen- kairiyar ka chunav namak jyotishagyanavarddhak lekh.falit vichar stanbh ke antargat acharya kishor ka surya ka nich bhang rajyog namak lekh vishesh gyanavarddhak hai.pavan sthal men man tara ke prachin siddh pith ka varnan hai.

Subscribe

Apne vichar vyakt karein

blog comments powered by Disqus
.