निर्जला एकादशी व्रत

nirjala ekadshi vrat  

Ank ke aur Lekh | Sambandhit Lekh | Views : 483 |  
vyas ji ke vachnanusar yah yatharth satya hai ki ardhamas (malmas) sahit ek varsh ki 26 ekadshiyon men se matra ek nirjala ekadshi ka vrat karne se hi sabhi ekadshiyon ka fal prapt ho jata hai. nirjala vrat karne vala, apvitra avastha ke achaman ke sivay, bindu matra jal bhi grahan n kare. yadi jal upyog men le liya jae to usse vrat bhang ho jata hai. sanpurn indriyon ko drirhtapurvak bhogon se virakt kar, sarvantaryami shri hari ke charnon ka smaran karte hue, niyampurvak nirjal upvas kar ke dvadshi ko snan karen aur samathrya ke anusar svarn aur jalyukt kalash de kar bhojn karen, to sanpurn tirthon men ja kar snan-danadi karne ke saman fal milta hai. ek samay bahubhoji bhimsen ne pitamh vyas ji se pucha: ‘he pitamh! bhrata yudhishthir, mata kunti, draupdi, arjun, nakul aur sahdev adi ekadshi ke din vrat karte hain aur us din anna khane ko mana karte hain. main unse kahta hun ki main bhaktipurvak bhagvan ki puja kar sakta hun, parantu ekadshi ke din bhukha nahin rah sakta.’ is par vyas ji bole: ‘he bhimsen! yadi tum narka ko bura aur svarg ko achcha samjhte ho, to pratyek mah ki donon ekadshiyon ko ann n khaya karo.’ is par bhimsen bole: ‘he pitamh! main apse pahle hi kah chuka hun ki main ek samay bhi bhojan kie bina nahin rah sakta. mere lie pure din ka upvas karna kathin hai. yadi main prayatn karun, to ek vrat avashya kar sakta hun. atah ap mujhe koi ek vrat batlaie, jisse mujhe svarg ki prapti ho.’ is par shri vyas ji bole: ‘he bhimsen! vrish aur mithun sankranti ke madhya jyeshth mah men shukla paksh ki ekadshi hoti hai. uska nirjala vrat karna chahie. is ekadshi ke vrat men snan aur achaman men jal varjit nahin hai, lekin achaman men 3 mashe se adhik jal nahin lena chahie. is achaman se sharir ki shuddhi ho jati hai. achaman men 7 mashe se adhik jal madyapan ke saman hai. is din bhojan karne se vrat nasht ho jata hai. yadi suryoday se suryast tak manushya jalpan n kare, to use barh ekadshiyon ke fal ki prapti hoti hai. dvadshi ke din suryoday se pahle hi uthna chahie aur snan kar ke, brahman ko yathayogya dan dena chahie. iske bad bhukhe brahman ko bhojn karakar svayan bhojan karna chahie. iska fal sabhi ekadshiyon ke fal ke barabar hai. he bhimsen! svayan bhagvan ne mujhse kaha tha ki is ekadshi ka punya samast tirthon aur danon ke punya ke barabar hai. ek din nirjala rahne se manushya papon se mukt ho jata hai. jo manushya nirjala ekadshi ka vrat karta hai, use mrityu ke samay bhayank yam dut nahin dikhai dete. us samy bhagvan vishnu ke dut svarg se ate hain aur use pushpak viman par bitha kar svarg le jate hain. atah sansar men nirjala ekadshi ka vrat sarvashreshth hai. atah yatnapurvak is ekadshi ka nirjala vrat karna chahie. us din ”¬ namo bhagvte vasudevay“ mantra ka uchcharn karna chahie. vyas dev ji ke aise vachan sun kar bhim ne nirjal vrat kiya. islie is ekadshi ko bhimseni ya pandv ekadshi bhi kahte hain. nirjal vrat karne se pahle bhagvan vishnu ki puja karni chahie. is din ek bare vastra se dhak kar svarn dan karna chahie. jo log is vrat ko do prahar men, snan-tap adi kar ke karte hain, unhen manovanchit fal milta hai. jo manushya is din yagya homadi karta hai use asim fal ki prapti hoti hai. is nirjala ekadshi ke vrat se manushya vishnu lok ko jata hai. jo log is din ann khate hain, unhen chandal samjhna chahie. ve ant men nark men jate hain. brahma hatyare, madyapan karne vale, chori karne vale, guru se dvesh karne vale, asatya bolne vale is vrat ko karne se svarga ko jate hain. he kunti putra! jo purush ya stri is vrat ko shraddhapurvak karte hain, unhen sarvaprathm vishnu bhagvan ki puja karni chahie. tatpashchat gau dan karna chahie. us din brahmanon ko dakshina, mishtann adi dene chahie. nirjala ke din ann, vastra, chatra, upanah adi ka dan karna chahie. jo manushya is vrat ko karte unhen svarg ki prapti hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.