कैसे और क्यों मनाएं आज निर्जला एकादशी

kaise aur kyon manaen aj nirjala ekadshi  

Sambandhit Lekh | Views : 748 |  

pratyek varsh 24 ekadshiyan parti hain.

adhik mas arthat malmas ki avdhi men inki sankhya 26 ho jati hain. jyeshth mas ki shukla paksh ki ekadshi ko nirjala ekadshi kaha jata hai. is sal yah ekadshi 29 mai, shukravar ko par rahi hai. vastav men yah ekadshi kal virvar ki sayankal 5 baje aranbh ho chuki hai aur aj 29 mai ki sayan 7 baj kar 09 minat tak rahegi. yah vrat ekadshi ke suryoday se lekar agle din ke suryoday tak 24 ghnte ki avdhi ka mana jata hai.

aj ke din yah vrat bina jal pie rakha jata hai ,islie ise nirjala ekadshi kaha gaya hai. is ekadshi ka praranbh mahabharat kal ke ek sandarbh se mana gaya hai jab sarvagya vedavyas ne pandvon ko dharm, arth, kam v moksh dene vale vrat ka sankalp karaya to bhim ne kaha ki ap to 24 ekadshiyon ka vrat rakhne ka sankalap karva rahe hain, main to ek din bhi bhukha nahin rah sakta. pitamah ne samasya ka nidan karte hue kaha ki ap nirjala namak ekadshi ka vrat rakho. isse samast ekadshiyon ke vrat ka fal prapt hoga. tabhi se hindu dharm men yah vrat mahatvapurn sthan rakhta hai.

is ekadshi ko bhimseni ekadshi bhi tabhi se kaha jane laga. is din manyata hai ki jo vyakti svayan pyasa rahakar dusron ko jal pilaega vah dhanya kahlaega. yah vrat pati-patni, nar nari koi bhi kisi bhi ayu ka prani rakh sakta hai . is din bhagvan vishnu ki aradhna ka vishesh mahatva hai.

kaise rakhen vrat?

pratah suryoday se purva uthen aur bhagvan vishnu ki murti ya shaligram ko panchamrit arthat dudh, dahi, ghi, shahad v shakkar se snan karaen ya chitra ke age jyoti prajjavalit karke tulsi evan fal arpit karte hue aradhna karen . murti ko nae vastra arpit karen ya kisi mandir men bhagvan vishnu ke darshan karen . nirjal vrat rakhen . om namo bhagvte vasudevay: ka jap karen aur jal, vastra, chatri, ghara ,kharbuja, fal, sharabat adi ka dan karna labhkari rahta hai ya garmi se bachne ki samagri dan karen . agle din jal grahan karke vrat ka samapan karen .

aj ke vartaman sandarbh men nirjala ekadshi ka mahatva evan upay

yah vrat vartaman vyavastha jismen ane vale samay men jal ki kami hone vali hai, uske apat kal ko sahne ka pra shikshan deta hai aur apko kai apat paristhitiyon men jal ke bina rahne ki kshamata bhi pradan karta hai. hamare sainik kai aisi apat sthiti men 48 digri tapman men fans jate hain, yadi unki kathor trening n ho to ve desh ki raksha nahin kar paenge. isilie yah vrat hamen kisi bhi aisi apratya shit apat sthiti se jujhne ka sahas pradan karta hai. mai jun ki garmi men hi yah vrat apki sahi pariksha leta hai aur apki sharirik kshamata ka mulyankan karta hai ki kya ap kal ko pani ki kami jhel paenge.

adhunik yug men garmi se svayan bachne aur dusron ko bhi bachane ke lie ap paryavaran ko aur sudrirh banane ke lie nirjala ekadshi par sarvajnik sthanon par pyau lagvaen, vatar kular ki vyavastha karen, nirdhanon ko kharbuje, tarbuj jaise adhik jal vale fal den. dudh , lassi, aisakrim, kold drink, jus adi ki sarvajnik vyavastha puri garmi ke mahinon tak karen. fal v chayadar vaksh lagaen. jahan jansadharan ko av shyakta ho apni kshamatanusar ya chanda ekatrit karke eyar kandishnar , pankhe ,kular adi ka dan karen .

yah vrat hamare desh ki sanskriti ka pratinidhitva karta hai jahan kaha gaya hai- sarve santu sukhina...ttha sarabat da bhala. vishva ka kalyan ho praniyon men sadbhavna ho . samaj ka kamjor varg ashay n rah jae, sabhi sukhi rahen , nirogi rahen. ek dusre ke prati samaj men samarpan ki bhavna rahe , ek dusre ki sahayta ko tatpar rahen.

sikh samuday aisi jal ki chabilen kai avasar par laga kar bhartiya darshan ko age barhata hai aur bharat men hi nahin apitu vishva men sarabat da bhala ki filasfi ka pratinidhitva karta hai. aise parvon ko samuhik rup se manana aj ke sandarbh men aur bhi mahatvapurn evan samay ki mang ho gaya hai. aiye sabhi bhartvasi is vrat ko manaen aur jal bachane ka prayas karen. jal hai to kal hai ka nara hi nirjala ekadshi ka sandesh hai.

Kya aapko lekh pasand aaya? Subscribe
Kya aapko lekh pasand aaya? Subscribe


sain visheshank  May 2015

fyuchar samachar ka sani baba visheshank vieshva prasiddh adhyatmik guru shri shirdi sani baba se sambandhit sarb prakar ki jankari deta hai. is visheshank men apko sani baba ke udbhav, bachapan, adhyatmik shaktiyan, mahatvapurn tathya, sabka malik ek v shraddha aur saburi jaisi lokapriya shikshaon ki vyakhya, sani baba ke chamatkar, vishva prasiddh sandesh, sani baba ki samadhi ka din tatha shighra brahm prapti adi anek vishyon ke bare men mahatvapurn jankari prapt hogi. iske atirikt mahatvapurn v gyanavardhak lekh vivah sanskar, vastu paramarsh, falit vichar, hailth kaipsul tatha panchapakshi adi ko bhi shamil kiya gaya hai. satyaktha, vichar goshthi aur jyotish v mahilaen is visheshank ke mukhya akarshan hain.

Subscribe

Apne vichar vyakt karein

blog comments powered by Disqus
.