21 मार्च से नवरात्र और नव वर्ष का शुभारंभ

21 march se navratra aur nav varsh ka shubharanbh  

Sambandhit Lekh | Views : 899 |  

navratre tatha ghat sthapan ?

21 march se hi nav sanvat 2072 ka shubharanbh hai tatha chaitra navratre aranbh ho rahe hain jo 28 tarikh tak rahenge. tritiya tithi ka kshay hone se navratre 8 din ke hai. ashtami ka kanya pujan, 27 march aur navmi arthat janmotsav 28 tarikh ko hai.

ghat sthapna ka muhurt

pratah: 6.30 se 7.35
pratah 8.15 se 9.45
dophr- 12.10 se 12.50 baje tak ,abhijit muhurta

kaise karen ghat sthapna ?

ghar ka ek aisa svachch sthan sunishchit kar len jahan kolahal n ho aur puja ke samay apka mukh purva ya uttar ki or ho aur ap asan par baithen. mitati ya kisi dhatu ke kalash men ganga jal, ek sikka, jau, chaval , roli v til dalen. kalash ke munh par 5 ya 7 am ke patte rakhen. kalash par roli se svastik ka chinh bana den aur mauli bandh den.

ek pani vale nariyal par lal chunri ya vastra bandh kar lakri ki chaiki ya mitati ki bedi par ishan kon men sthapit kar den .

jau ya khetri bijna

isi samay mitti ke gamle ya mitti ki bedi par bhurbhuri mitati men, jau bij kar , am ke patton se dhank de, tisre din ankur nikal aenge. hare rang ke ankur saubhagya v sukh samriddhi ke suchak hain.

murti / chitra sthapna

ek lakri ke pirhe ya chaiki par lal ya pila vastra bicha kar man durga ki ya bhagvan ram ya hanuman ji ki choti murti ya chitra puja sthan ya ghar ke mandir men lal ya pile vastra par sthapit karen aur rauli, chandan , pushpadi arpit karen .

akhnad jyoti evan path

yadi sanbhav ho aur sarmathay bhi ho to desi ghi ka akhand dipak jalaen. iske as pas ek chimni rakh den taki bujh n pae. durga saptashati ka path karen.

nitya pujn

samyanusar tatha samay ki upalabdhatanusar durga saptashati chahe puri padhane ya ek do adhyay. pratidin siddh kunjika stotra parhne ka bhi labh milega. ‘om ain hriin klin chamundayai vichche’ mantra ka jap bhi kar sakte hain.

navratri ki talika

tithi din puja
21 marcha-pratipda- shanivar - kalash sthapna evan devi shail putri ki aradhna
22 marcha-dvitiya evan tritiya- ravivar- devi brahmcharini evan chandraghanta ki puja
23 marcha- chaturthi- somvar- kushmanda devi ki upasna
24 marcha- panchmi- manglvar- skandmata ki puja
25 marcha-shashthi - budhvar - hatyayni puja
26 marcha- saptami- virvar- kalratri puja
27 marcha- durgashtami - shukravar - maha gauri aradhna
28 marcha shanivar- siriidatri upasna

kya hai durga saptashi men?

ismen 700shlok brahma, vashishth v vishvamitra dvara rachit hain ,isilie ise saptashi kahte hain. ismen 90 maran ke, 90 mohan ke, 200 uchchatan ke, 200 stanbhan ke,60- 60 vidveshan ke kul mila kar 700shlok hain. yah tantra v mantra donon ka advitiya sanpurn granth hai .inka durupyog n ho islie , tinon vidvanon ne inhen shrapit bhi kar diya. atah pahle shshapodvar ke 20 mantra parh kar hi durga saptashi ka path aranbh hota hai.

vrat

pure nau din athva saptami ,ashtami ya navmi par nirahar upvas rakha ja sakta hai. is madhya keval falahar bhi kiya ja sakta hai.

kanya pujan

ashtami ya navmi par 9 varsh ki kanya tatha ek balak ko ghar bulakar unka pujan karke bhojan karvaen.unhen uchit dakshin evan uphar sahit vida karen .

kis samasya ke lie kaise mantra path karen ?

navratri men sadhna

1.vyapar vriddhi-arthik unnatiah uttaramukhi baith kar kali hakik mala se 3 din 3 mala roj karen .

mantra

om hriin shrin klin kron ghantakarn mahavir lakshmin puray puray saubhagyan kuru kuru svaha !!

2-rin muktiah

pashchim mukh baith ke ,lal asan par pile vastra pahan ke 3 kali hakik mala karen.

mantrah om bhan bhairvay namah !!

3.videsh yatra badhaah

lal vastra pahan,pashchim mukh karke hanuman ji ka dhyan karte hue 54 bar mantra jap karen-

om kshan fat !!

4.pad pratishthaah

safed asan par safed vastra pahan ke uttaramukhi hoke 7 mala karen -

mantrah han h sen h s k rin h sen !!

5. pramoshan

safed vastra pahan ke uttaramukhi ho ek mala roj karen

mantra-ain om hriin nilratayai klin hun fat!!

6.vivahah

lal ya safed vastra pahan kar ,purvamukhi ho larka ek mala roj kare .

mantrah patnin manorman dehi manovrittanusarinim!
tarnin durg sansarsagarasya kulodbhavam!!

kanya ka mantrah
om gauri ! shankradhishe ! yatha tvan shankarapriya!
tatha man kuru kalyani kanta sadurlabham !!

7.makanah

raktachandan ki mala se uttaramukhi ho kul 21 mala karen

mantrah om devotthay namah !!

8.santan vivahah

lal vastra pahan ,uttaramukhi ho ,7 mala roj karen

-mantrah om krin klin vivah badha nivarnay fat !!

9.sthai sanpatti:

purvamukhi ho,pile vastra pahan kamlgtte ki mala se 3 mala roj karenah

om padmavti padmanetre lakshmidayini sarvakarya siddhi kari kari !
om hin shri padmavatyai namah!!

10.sajish v sharyantra muktiah

dakshinamukhi ho lal vastra pahan,munge ki mala se 3 mala roj karen.

mantrah krin krin krin hin hin hun hun dakshine kalike
krin krin hin hin hun hanu savaha !!

11.kort kesah

purvamukhi baith,lal vastra pahan 21 mala 7 din karen .

mantrahshulen pahi no devi pahikhadgen chambike !
ghanta svanen nah pahi chapajyaniah svanen cha!!

12. shatru vijyah

dakshinamukh ho,lal vastra pahan,3 mala roj karen .

mantrah om klin ain vajra
vairochniye vijysiddhin shatrunashay fat!!

13. sarva shatru sanharah

munge ki mala se lal vastra pahan, ek mala karen .

mantrah om ain hin klin chamundayai vichchai !!

nae sanvat evan navratri ka sabhi rashiyon par prabhav is prakar rahega-

meshah dharmik karmon v shiksha men adhik karya. sarkari karyon men saflta milegi.

brishah vyavsay men vriddhi, naukri men padonnati, neta hain to mantri banne ke yog.

mithunah chahunmukhi vikas, bijnesmain ke kai nae ayam khulenge, vidyarthi videsh ja sakte hain.

karkah nai naukri, sthanantaran, kharch adhik.

sinhah saflta, man samman barhega, bare logon se labh.

kanyaah vyavsay ya naukri men parivartan v padonnati.

tulaah sarkari ya praivet kanpni ke kharche par videsh yatra, parivar men vriddhi.

vrishchikah nae kam ki ichcha, praparti men vriddhi ya kharid.

dhanuah chatron ko kairiyar men apratyashit saflta, lakshya ki prapti sugam.

makrah parivar men vivah ya anya manglik karya sanbhav, videsh se shubh suchna.

kunbhah kisi bhi tarah ka risk le sakte hain, gara, para, ruka dhan milega.

minah desh videsh yatra se labh, man samman men vriddhi.
Kya aapko lekh pasand aaya? Subscribe
Kya aapko lekh pasand aaya? Subscribe


hastarekha visheshank  March 2015

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.