नवग्रहों की शांति के सटीक उपाय!

navagrahon ki shanti ke satik upay!  

Sambandhit Lekh | Views : 39395 |  

saur mandal ke grahon ka sabhi praniyon par rashi chakra ke anusar achcha bura prabhav nirantar parta rahta hai. janm lagn, dasha mahadsha, antardasha tatha pratyantron ka prabhav avashya fal dikhata hai. nam rashi ke anusar bhi gochar ke grah apna prabhav dainandini ke anusar dikhate hain. lagn, janmarashi tatha nam rashi se chauthe, athven, barhven sthan ki sthiti ka prabhav sabhi par parta hai. pradhantah no grahon ke dushprabhav ko shant karne ke lie kramshah kuch upay nirdeshit kar rahe hain kripya inka labh sabhi sajjanavrind uthayenge.

surya ko prasann karne lie shikshit logon ko aditya hriday stotra ka path avashya karna chahie. mata-pita ki seva tatha surya ko argh, jal men roli tatha lal pushp dalakar dena chahie. sona-tanba tatha chini-gur ka dan bhi karen suryoday se purva uthen tatha ravivar ka vrat karen. namak ka parhej karen bujurgon ka samman karen tatha unki paranpra ko sammanpurvak nibhaen.

chandrama ko prasann karne ke lie bhagvan chandramojishiv ka ''un namah shivay'' mantra ka jap karen. pani vala nariyal, safed chandan tatha chandi ka chandrama, vilbapatra, safed mishthan ka bhagvan shankar ko bhog lagaven. somvar ka vrat karen tatha safed vastra ka dan karen, paharon ki yatra karen tatha mata ke charnchukar ashirvad prapt karen.

mangal ki prasannarth shrihnuman bhagvan ko chameli ka tel sindur, shuddh ghi men chola charhaen tatha mangal stotra ka path karen, imrti, jalevi bundi tatha churme ka prasad arpan karen. bhaiyon ke samaksh chavi thik rakhen. manglvar ka vrat karen. parosiyon, mitron tatha sath men kam karne valo se achcha vyavhar rakhen.

budh grah ki prasannata ke lie bhagvti durga ki pujarchana karni chahie. kinnaron ki seva karni chahie. hare mung bhigokar pakshiyon ko dana dalen. palak ya hara chara gayon ko khilaen. pakshiyon vishesh kar toton ko pijron se svatantrata dilaven. nau varsh se choti kanyaon ke pad prakshalan arthat pair dhokar unko pranam karke ashirvad prapt karen. budhvar ka vrat rakhen, man bhagvti durga ka pujarchan karen. mantranushthan hvan karke budh ki anukanpa prapt karen. brihaspati dev guru ki prasannata ke lie brahmanon ka samman karke unka ashirvad prapt karen. chane ki dal tatha keshar ka mandir men dan karen, keshar ka tilak mastak par lagaen evan gyanavarddhak pustakon ka yogya vyaktiyon ko dan karen. bhagvan brahma ka kele se pujan karen tatha kul purohit ka samman karke ashirvad prapt karen evan yatha shakti svarn ka dan karen.

shukra grah ki anukampa prapt karne ke lie kankdhara mahalakshmi ka dainik path karna chahie. vastra svachch pahnne chahie tatha patni ka samman karna chahie. gomata ki seva tatha goshala men gur, chari harachara, chane ki dal gayon ko khilaen. visheshrup se shrividya ka pujan karaen. ekakshi brahman ko kanshi ke katore men khir khilakar dakshina dekar ashirvad prapt karen. vishesh paristhiti men rog ho to mrit sanjivni ka mantra jap karaen. sanyam se rahen. vyasnon se bachen.

shani grah ki prasannatarth pipal tatha bhairav ka pujan karen imrti urad ki dal, dahi bare, bhairav ji ko charhaven v bante. majduron ko tala hua saman bante. shanivar ka vrat karen. tau, chacha se achche sanbandh banaye rakhen. shri hanuman chalisa tatha sundrkand ka niyamit path karen. shanivar ko til ke tel ka shani par abhishek karen, dakshina den.

rahu ki prasannata ke lie mata sarasvati ka path-pujan karna chahie, rasoi men bane hue bhojan ka pratah jalpan karen. purnataya shakahari rahna chahie. kisi bhi prakar ka bijli ka saman ikattha n hone den tatha bijli ka saman muft men n len, nanaji se sanbandh rakhen, ashlil pustak bilkul n parhen.

ketu grah ki anukulta ke lie bhagvan shrignesh ji ka pujarchan karna chahie. bachchon ko kele tatha kutton ko tel lagakar roti khilani chahie. kutton ko chot bhi n maren. mamaji ki seva karke unka ashirvad prapt karen. kisi bhi dharmasthal par dhvaja (jhanda) charhaen. varshafal men muntha shreshth nahin ho to usi grah ka upay karna chahie jis grah ki rashi men muntha sthit hai.

ukt upayon ke karne se apko avashya saflta shanti tatha utsah milega ismen koi sanshay nahin samjhna chahie.

Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.