नाड़ी दोष एक शास्त्रीय चिन्तन

nari dosh ek shastriya chintn  

Sambandhit Lekh | Views : 6016 |  

bhartiya sanatan parampara men dharm arth kam trividh purusharthan siddhi ke liye tatha sarvashreshth grihasth ashram ke nirvah ke liye vivah sanskar ki nitant avashyakta hoti hai. vividh parikshanon se yah siddh hota hai ki vaidik vidhi se tatha jyotish shastriya melapak dvara kiye gaye vivah chirkal tak nirbadh rup se sthayi hote hain. vivah purva var evan badhu ke janmanakshatron ka jyotishiya vidhi se vividh prakar ka parikshan kiya jata hai jise ham melapak, anukulya ya priti kahte hain. vivah melapak men vividh prakar ke kuton ka anuprayog kiya jata hai jinki sankhya 8, 10, 12, 18, 20, 23 ab tak ke vyaktigat shodh adhyayan se yah gyat hua hai ki vivah men samvet rup se adhikatam 23 prakar ke melapak ka vichar vivah purva var evan vadhu men kiya jata hai kintu in sabka prayog sambandhit kshetron tak hi simit hai tatha vishesh paristhitiyon men inka prayog kiya jata hai. jisme 4 melapak rashi se, 1 melapak grah se, 16 melapak nakshatron se, tatha ayu evan shakti (prem melapak se karte hain. prashnamarg men hai -

chatvaribhirbhapenaikan saktya ch vaysodubhiah .


shodshetyanukulanan trayovinshtiririta ..

in vividh kuton ke hote huye bhi sampurn jyotish vanmay men asht kuton ki hi pradhanta svikar hai. in sabhi kuton men bhi nadi kut ka vishesh mahatva hai kyonki brahma ne is striyon ke manglsutra ki tarah banaya hai jis prakar striyon ke kanth men ajivan paryant sarvada manlgsutra virajman rahta hai usi prakar vividh kuton men pradhan rup se nadi kut virajman rahta hai -

nadikutan tu sangrahyan kutanan tu shiromniah .>

brahmana kanyakakanthasutratven vinirmitam ..

atah sabhi kuton men nadi kut ka avashya hi vichar karna chahiye. prayah sabhi granthon men ashvinyadi kram se adi madhya evan antya nadi ka hi ullekh prapt hota hai tatha daivagya log bhi isi trinadi ka prayog vivah melapak men karte hain kintu shastriya ganthon ke adhyayan se pata chalta hai ki iske atirikt bhi aur do prakar ka nadi kut hota hai . jiska sukshm drishti se adhyayan karna chahiye. pratham hai trinadi, dvitiya hai chaturnadi tatha tritiya hai panchnari. is sabhi prakar ke nadi kuton ka ham vishesh rup se varnan kramshah karenge.

trinari kut -

trinadi kut ka hi sarvatra prachar evan prasar dikhai deta hai. kyonki yah gyan vidhi men atyant saral evan sahaj hai samaj men yah dekha jata hai ki jo vastu saral hai usi ka prayog prayah sabhi log karte hain jaise vinshottari dasha. dashayen to bahuvidh hai kintu saral evan sahaj hone ke karan prayah sarvatra isi ka prayog log karte hain. varahmihir ne bhi vinshottari dasha ka ullekh nahin kiya hai. unhonen grahanit ayu ko hi grah dasha praman svikarya kiya hai. trinadi kut ka sambandh jivan dayi shvas evan prashvas se hai . ayurved shastra men pratipadit ida pingla sushumna nadi ka prayog kiya jata hai jiske pratikul hone par sharir men vibhinn prakar ki vyadhiyan utpann hoti hai. atah yadi varvdhu ke janm nakshatra janya nadiyon men bhi pratikulta hoti hai to vivah ashubh hota hai. trinadi kut men adi madhya evan antya tin prakar ke nakshatron ka vibhajan kramshah ashvinyadi kram se sarpakar svarup men kiya jata hai. jaisa ki adholikhit chakra se spasht hai.

trinadi chakra -

adi ashvini adrra punarvasu u0 fa0 hasta jyeshtha mul shatbhisha pu0bha0
madhya bharni mrigshira pushya pu0 fa0 chitra anuradha pu0 sha0 dhanishtha u0 bha0
antya krittika rohini ashlesha magha svati vishakha u0 sha0 shravn revti

uparyukt chakra ke adhar par kisi ki bhi nadi sarlta se jani ja sakti hai yadi kisi ka janm nakshatra adrra hai to uski nadi adi hogi. isi prakar anya ka bhi janna chahiye. nadi kut milan men yadi var evan vadhu ki ek hi nadi ho jaye to anisht karne vali hoti hai yadi donon ka janmanakshatra adi nadi men pade to pati patni ka paraspar viyog hota hai. yadi donon ki madhya nadi ho to var evan vadhu donon ko mrityu tulya kasht ya mrityu hoti hai tatha yadi donon ki antyaik nadi ho jaye to vaidhavya evan duahkh karne vali nadi hoti hai. isi prakar melapak men nadi kut ka vichar kiya jata hai. yadi donon ki nadi bhinn ho jaye to kisi prakar ka dosh nahi hota hai aur vaivahik jivan sukhamay vyatit hota hai. jaise purush ki nadi adi tatha stri ki nadi antya ya madhya ya purush ki nadi madhya kanya ki antya ya adi ho . varah vachan hai -

adyaiknadi kurute viyogan madhyakhyanadyamubhyorvinashah .
antya ch vaidhavyamtivduahkhan tasmachch tisrah parivarjaniyaah ..

isi prakar trinadi kut ka vichar vivah men kiya jata hai kintu sukshm adhyayan se yah pata chalta hai ki jis purush ya stri ka janm nakshatra ke charon charan ek hi rashi men ho keval usi ke liye trinadi chakra ka vichar karna chahiye . jaise ashvini evan bharni nakshatra ka charon charan mesh rashi men hota hai. isi prakar rohini, adrra, pushya, ashlesha, magha, pu.fa. hast, svati, anuradha, jyeshtha, mul, purvashadha, shravan, shatbhisha, u.bha., revti nakshatra men janm lene vale jatkon ka hi trinadi chakra se vichar kiya jata hai anya nakshatrotpann jatkon ka nahin kyonki in nakshatron ke charon charan ek hi rashi men padte hain. praman hai ki -

chatustridvayanghribhotthayaah kanyayaah kramsho'shvibhat .
vahnibhadindubhannadi trichtuahpanchaparvasu ..

chaturnadi kut -

jis prakar vivah melapak men trinadi kut ka vichar kiya jata hai usi prakar bhinn nakshatron men utpann jatkon ke liye chaturnadi ka prayog kiya jata hai. jis prakar trinadi kut se tin prakar ke nakshatron ka vibhajan hota hai thik usi prakar chaturnadi men 28 nakshatron ka vibhajan char prakar se kiya jata hai. uparyukt kathan se spasht hai ki jis jatak ka janm tin charnon vale nakshatron men ho usi ke liye chaturnadi kut ka vichar karna chahiye. chaturnadi kut ka chakra is prakar banta hai. jaise ashvini nakshatra ke charon charan mesh rashi men hone se trinadi kut ka prarambh ashvini se hota hai thik usi prakar nakshatramala men jis pratham nakshatra ka tinon charan ek hi rashi men parta ho usse hi chaturnadi kut ka prarambh hota hai. jaise sarvapratham krittika nakshatra ka tinon charan vrish rashi men hone se chaturnadi kut ka prarambh krittika se hota hai. chakra is prakar hai

-krittika magha pu. fa. jyeshtha mul shravn dhanishtha
rohini ashlesha u.fa. anuradha purvashadha u.bhadrapd revti
mrigshira pushya hasta vishakha uttarashadha purva bhadrapd ashvini
adrra punarvasu chitra svati abhijit shatbhisha bharni

jis prakar trinadi chakra men var evan vadhu donon ka janm nakshatra ek nadi men parne se anisht karak hota hai usi prakar chaturnadi kut men bhi var evan vadhu donon ka janm nakshatra ek nadi men ho to anisht karak hota hai. yah chaturnadi vichar sukshm rup se un jatkon ke liye kiya jata hai jin jatkon ka janm nakshatra tin charnon vala ho arthat jin nakshatron ka tinon charan ek hi rashi men parta ho. is prakar krittika, punarvasu, u.fa., vishakha, uttarashadha, purva bhadrapad nakshatron men janme jatkon ke liye hi chaturnadi kut ka prayog kiya jata hai. punashch desh bhed se ahalya kshetron men (dilli ke as pas sthit kurudesh ka samavarti pradesh utpann huye var evan vadhu ke liye vishesh rup se chaturnadi ka prayog karna chahiye aisa shastravachan praman hai kyoki jyotish shastra ko bina shastrapraman se kahne vale logon ko brahm hatya ka dosh lagta hai. atah uprokt donon vidhi se janm lene vale purush evan stri ke liye chaturnadi ka prayog karna chahiye. ek nadi se bhinn nadi men vivah shubh hota hai .

chaturnadi tvahalyayan panchale panchnadika .
trinadi sarvadesheshu varjaniya prayatnatah ..

panchnadi kut -

trinadi kut evan chaturnadi kut ki tarah hi panch nadi kut ka prayog kiya jata hai. jis prakar trinadi kut men nakshatron ko tin bhagon me banta gaya tha aur chaturnadi kut men char bhagon men bata gaya tha thik usi prakar panchnadi kut men nakshatron ka panch bhagon men bantakar vargikaran kiya gaya hai. purvokt shlok se spasht hai ki jis nakshatra ko do charan ek hi rashi men padte ho usi nakshatra se panch nari ki ganna prarambh ki jati hai. jaise nakshatramala men sarvapratham mrigshira nakshatra ka do charan ek hi rashi men padta hai atah panch nadi kut ka ganna bhi mrigshira se prarambh kiya jata hai . panchnari kut ka chakra is prakar hai -

>> >>
mrigshira hasta chitra shravn dhanishtha rohini
adrra u.fa. svati u. sha. shatbhisha krittika
punarvasu pu.fa. vishakha pu. shadha purvabhadrapd bharni
pushya magha anuradha mul uttarabhadrapd ashvini
ashlesha > jyeshtha >revti>

is prakar se panchnari kut ka vibhajan kiya jata hai jis prakar trinari evan chaturnari men ek hi nari men var evan vadhu ke janm nakshatra hone se anishtakar hota hai thik usi prakar panchnari men bhi ek hi nari men donon ke janm nakshatra hone se nadi kut anishtakar hota hai bhinn nakshatra hone se vivah shubh hota hai. jis var evan vadhu ka janm do charnon vale nakshatron men ho keval unhin ke liye panch nadi kut ka prayog karna chahiye jaise mrigshira, chitra, evan dhanishtha men janm lene vale jatko ke liye panch nari kut ka prayog karna chahiye tatha chashdesh bhed se bhi panch nadi ka prayog kshetra vishesh men karna chahiye uparyukt vachan se spasht hai ki panchnadi ka prayog keval panchal desh (adhunik ruhelakhand men utpann var evan vadhu ke liye karna chahiye anya deshotpann jatkon ke liye nahin karna chahiye. keval in donon paristhitiyon men hi panch nari ka prayog karna chahiye. is prakar jyotish shastriya shodh vishleshan ke adhar par vibhinn paristhitiyon vibhinn nadi kut ka prayog karna chahiye aisa jyotish shastra ka nirdesh hai .

sarvanadi kut parihar -

vivah melapak me nari kut ki mahatta ko svikarya karte huye anukul milan hone par ise sarvottam ank 8 pradan kiya gaya hai tatha yadi var evan vadhu donon ka pratikul nari kut milan hone par 0 ank pradan kiya jata hai. aisi paristhiti men nadi kut ke dosh se bachne ke liye hamen vividh prakar ke pariharon ki avashyakta parti hai jisse nadi kut ke doshon se to nahin bacha ja sakta kintu uske gun dharm men vishesh prakar ki alpata anubhav prayog men dikhai padti hai. atah nadi kut ke katipay parihar yahan prastut kiye ja rahe hain jinke adhar par nari kut janya doshon ka nivaran shastriya adhar par sulabh ho jata hai. var evan vadhu donon ka ek hi nakshatra nari vibhag men janm nakshatra hone par nadi dosh hota hai atah uska sarvapratham parihar nakshatra evan rashi dvara hi kiya jata hai.

  1. yadi donon ka janm nakshatra ek pashrva nadi gat (bhinn nakshatra ho tatha ek rashi ho to nadi dosh ka parihar ho jata hai jaise krittika evan rohini ki antya nadi hai kintu rashi mithun ho jane se iska parihar ho jata hai .
  2. yadi donon ka nakshatra ek ho kintu rashi bhinn ho to nadi dosh ka parihar ho jata hai jais krittika nakshatra men donon ka janm hone se antya nadi hai kintu rashi mithun evan kark bhinn ho jane se parihar ho jata hai. ye donon paristhiti keval pas ke nakshatron me hi sanbhav dur ke nakshatron me nahi jaise bharni ev mrigshira nakshatra.
  3. yadi purvokt prakar se dur ka nakshatra ho to arthat donon ka janm nakshatra ek ho (charon charan ek rashi men ho to charan bhed se nadi kut ka parihar ho jata hai. jaise ashvini nakshatra me janm hone par donon ki adi nari hoti hai. purvokt donon prakar se uska parihar nahin ho pata hai atah yadi donon ka charan bhinn ho to nadi kut ka parihar ho jata hai jaisa ki muhutrtachintamni men kaha hai -
  4. rashyaikye ched bhinnamrikshan dvayoah nakshatraikye rashiyugman tathaiv .
    nadi dosho n gananan ch doshah nakshatraikye padbhede shubhan syat ..

    kuch nakshatra aise hote hain jo purnatah nadi dosh se mukt hote hain in nakshatron me nadi dosh prabhavi nahi hota hai. jaise rohini adrra, mrigshira, krittika, pushya, jyeshtha, shravan, uttara bhadrapad, revti, nakshatron me janme purush evan stri ke liye nadi dosh prabhavi nahin hota hai .

    rohinyadrra mrigendragni pushyashravnpaushnabham .
    ahirbudhnyakrshameteshan nadi dosho n jayte ..

    is prakar shastriya vachnon ko praman man kar ke yadi nari kut ka parihar kiya jaye to nari dosh se purnatah mukti mil sakti hai. atah hamen jyotish shastriya pramanik granthon ka vishesh adhyayan karne ke pashchat hi kisi nishkarsh par nirnay dena chahiye. yadi ham aisa nahin karte hain to n jane kitne hi vaivahik dampati ka jivan andhere men dal dete hain nari dosh samaj men sabhi janmanas men saman rup se virajman hai kintu tatha kathit jyotishiyon dvara galat nirnay dene se samaj men is jyotish shastra ki pratishtha dhumil hoti hai. atah yah hamara param dayitva hai ki ham shastriya granthon ka adhyayan karen tatha uska vyavharik prayog karke hi use lagu karen. kyonki jyotish shastra ko bhaskaracharya ne adesh shastra ke rup men pratishthit kiya hai yadi adesh galat hoga to jyotish shastra ke vastavik svarup men vikriti ayegi .

    jyotiah shastraflan purangnkairadesh ityuchyate .

Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.