न घर का न घाट का

n ghar ka n ghat ka  

Ank ke aur Lekh | Sambandhit Lekh | Views : 461 |  
chetan aj svayan ko akela mahsus kar raha tha. koi nahin tha uske pas, jisse vah apne dil ki bat kah kar apna gam halka kar sakta. bite dinon ko yad karne ke lie usne apni elbm ko utha liya aur kho gaya atit ki yadon men... chetan ka janm jarmani men hua tha. vahin uska lalan palan bhi hua. chunki uske mata pita donon hi kam karte the, uska bachapan bina kisi achchi parvrish ke hi bita. bachpn se hi use idhr-udhar ghumna, masti karna achcha lagta. sharirik rup se atyant rupvan hone ke karan use as-pas ki larkiyan ghere rahtin. sari koshishon ke bavjud vah graijueshn ki parhai bhi puri nahin kar paya. is bat par aksar uske mata-pita se uski jharap ho jaya karti. ek din achanak uske pita ke dost bharat se jarmani unke ghar ae. unhen chetan bahut pasand aya aur unhonne uske mata-pita ke samaksha apni iklauti beti ki shadi ka prastav rakh diya. parantu sath hi yah shart bhi rakhi ki chetan ko bharat men ghar jamai banakar hi rahna hoga aur unke vyapar men unki madad karni hogi. chetan ke mata-pita ne, jo uski beprvah jindgi se tang a chuke the, fauran han kar di aur shighra hi chetan ka vivah vaishali se ho gaya. vaishali sadharan nain naksh ki larki thi. atyant lar pyar men uska laln palan hua tha. pita ki sanpatti ka danbh uske chehre evan vyavhar se saf chalkta tha. chetan ke akarshaka vyaktitva ko vaishali ke dil ne to jit liya par chetan ka dil use svikar nahin kar saka. vivah ke pashchat chetan apni sasural men hi rahakar apne sasur ke vyapar men unke hath bantane laga. lekin pata nahin kyon vahan rahte hue bhi use vahan par na to apne ghar jaisa lagta n hi kam men use apnapan lagta. vah apne ap ko unka ek mulajim jaisa hi samjhta. islie shayad hamare hindu shastron men ghar jamai ki tulna shvan se ki gai hai. chetan ke karyalay men ketki namk ek mahila uske sath kam karti thi aur chunki chetan jarmani men pala barha tha islie usne chetan ko bhart men vyapar karne ke taur tarike batae. ketki talakshuda thi evan umra men chetan se bari thi. vyapar men svabhav kaisa hona chahie, grahkon se kaise bat karni chahie adi baton ke sath-sath vyavsay ki anek barikiyon ko bare sahaj evan sarl tarike se bata kar usne chetan ki bahut madad ki. ketki ke sath samay bitana chetn ko bahut achcha lagta aur uski ek din ki bhi anupasthiti jaise uske lie ashniya ho jati. donon ki dosti dhire-dhire karyalay men charcha ka vishay ban gai aur bat ghar tak ja pahanuchi. vaishali ne ghar par tufan khara kar diya. usne chetan ko khub khari khoti sunai aur ketki ko naukri se nikal diya. chetan ka antarman marmahat ho utha aur vah ghar chor kar chala gaya. apne pita ki daulat ke ghamand men chur vaishali ne use manane ki jarurat hi mahsus nahin ki. udhar ketki ne chetan ko sanbhala aur use atyant lar evan dular se tanav se bahr nikala. chetan ne kuch din pashchat vaishali ko talak ka notis bhej diya. vaishali evan uske mata-pita ne use manane ki bahut koshish ki, parantu vah kisi tarah nahin mana. unke die paise ke aefar ko bhi thukra diya aur kuch mah men hi talak le liya. talak ke pashchat chetan ne ketki ke samaksh vivah ka prastav rakha aur donon vivah sutra men bandh gae. kuch din tak sab thik chala. abhi tak chetan ko paise ke mahatva ka gyan nahin tha. bare ghar ka damad hone ke karn sabhi sahuliyaten evan aisho aram ke sabhi sadhan sadaiv upalabdh rahte the. lekin unhin sadhnon ki upalabdhi ab dushkar pratit hone lagi. ketki aur chetan donon ne mil kar apni kanpni banai, par nae vyavsay men paisa ane men vakt to lagta hi hai. sadhnon ki kami ke karan apni shahi adton ko pura karne men asamartha chetan ki ketki ke sath ae din nonk jhonk hone lagi. ketki chah kar bhi chetan ko khush nahin rakh pati. vah puri koshish karti ki uska dusra vaivahik jivan sukh chain se bite, par chetan ki khvahishon evan shahi adton ke age vah bebas ho jati. aur ek din jab unka jhagra simaen par kar gaya, to donon ne alg-alag rahne ka faisla kar liya. ketki ne apni or se use bulane men koi kasar n chori par chetan ke patthar dil par kuch asr nahin hua aur ek din ketki ne apni mansik bhavnaon ke aveg men atmahatya jaisa bhayanak kadm utha liya. ise bhagya ka khel kahen ya kuch aur, do vivah hone par bhi chetan donon patniyon se koi sukh nahin utha paya. dusri taraf sukhamay jivan ki ichcha se dusra vivah karne vali ketki bhi sukh ke lie tarpti rah gai. aie, karen in tinon ki bhagya ka jyotishiya vishleshan. chetn: chetan ki janmakundli v navansh kanudli men sansarik sukh sansadhnon ka karak grah shukra lagn bhav men sthit hai, jiske falasvarup uska vyaktitva sundar v akarshak bana aur bhautik sukhon ke prati uski lalsa evan mahatvakanksha atyant tivra rahi. chetan ki kundli men janm se hi kai rajyog sthit hain jaise chandra aur shani ka parivartan yog, shukra aur mangl ka parivartan yog, prakritik shubh grah shukra ki lagn bhav se evan guru ki kalatra bhav se ek dusre par drishti aur bhagyesh chandra par guru ki drishti. in sabhi yogon ke karan chetan ko sasural paksh se apne vyavsay tatha uchch koti ke sukh sansadhnon ki prapti hui. fir bhi navansh kanudli men saptamesh budh lagn kundli men ast hai, islie vaivahik jivan men talak, ashanti, badha adi ghatit hue. san 2006 men guru lagn se dvadash bhav men gocharasth hai. sath hi guru ki mahadsha men guru ki antardasha bhi chal rahi hai. islie talak ki naubat ai. iske atirikt saptamesh shukra lagna men mangal ki rashi men hai aur ast hai. brihaspati grah bhi shukra ki rashi men saptam sthan men vakra sthiti men hai tatha us par vyay sthan men sthit mangl ki purn drishti hai. barhven bhav men char grah sthit hain aur shukra tatha mangal ke bich rashi parivartan yog hai. in sare grah yogon ke karan donon ke do vivah hue, kintu uski uchch bhautik lalsaon ke karan vaivahik jivan men sukh evan sthayitva ka sarvatha abhav raha. vaishali: vaishali ki janmapatri men lagnesh aur dashmesh guru kendra sthan men vakra hokar balvan avastha men hai, islie ek dhanadhya parivar men uska janm hua. guru aur budh ka parivartana yog evan apas men ek dusre par drishti ke karan guru ki mahadsha men ek akarshak vyakti se vaishali ka vivah hua, parantu saptam bhav ke rahu ne, jo adhik balvan hai, dampatya jivan ko bigara. man ke kark chandra par shani ki purn drishti hone ke karan vah mansik rup se ashant rahi. chandra lagn se bhi saptam bhav men shani ki sthiti dampatya jivan men sukh ki kami darshati hai. uske mata pita ko bhi surya evan chandra ki kramshah nauven aur barhven men sthiti ke karn kafi kasht hua. vartaman samay men guru ki mahadsha aur shukra ki antardasha, jo julai 2005 se chal rahi hai, men talak hua kyonki shukra akarak aur ast hokar guru sa chathe bhav men sthit hai aur chanuki donon ek dusre ke shatru hain, islie is avdhi men talak hua. ketki: ketki ki kundli men saptama bhav men mangal shatru rashi men sthit hai. ashtam men nich ke surya ki evan barhven bhav men rahu ki sthiti tatha kutanub sthan men nich rashi men shani evan chandra ki yuti ke karan vish yog banne se uske pratham vivah men talak hua. saptam evan navam bhav men budh aur mangal ke parivartan yog ne dusra vivah karaya, parantu rahu ki mahadsha men barhven bhav ke rahu ne fir se pati se vichched karaya aur pati ka sukh nahin mila aur anttah usne atmahatya kar li. ashtam bhav men surya, shukra aur guru par papi grahon ki shani evan rahu ki drishti ke karan aur agast 2004 se 2007 tak rahu ki mahadsha men shukra ki antardasha ke antargat usne atmahatya ki, kyonki shukra ast bhi hai. not: yah katha satya hai lekin patron ke nam kalpanik hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  November 2006

adhyatm prerak shani punsavan vrat pavitra parva : kartik purnima vivah vilamb ka mahatvapurn karak shani

Subscribe

Apne vichar vyakt karein

blog comments powered by Disqus
.