मेरी मां

meri man  

Ank ke aur Lekh | Sambandhit Lekh | Views : 988 |  
vatsalya aur mamta ki murti man ka nam sunte hi man men hilore svatah hi uthne lagti hai. meri man bhi sahaj matribhav se paripurn thi. unke bina jivan ki kalpana hi nahin ki thi. unhonne apne jivan men mere lie man, bahan, sakhi, margadarshak aur ek shikshika ki anuthi bhumika nibhai. ab prabhu se yahi prarthana hai ki is rishte ki madhur yadon ko jivan bhar sanjo kar rakh sakun aur vahi pyar aur dular apne bachchon ko lauta sakun. 3 mai 2012 subah 5 baje achanak fon ki ghanti baji. main kisi anhoni khabar ki ashanka se kanp uthi aur jiski ashanka thi vahi khabar mili. meri janmadatri man ka saya mere sir se uth gaya tha. sunakar ekadam dil chitkar kar utha. itni jaldi to unhen nahin jana tha. abhi rat ko hi to main unhen khana khila kar unki anumti lekar ai thi. nahin pata tha ki yah akhiri alvida thi aur ab unse kabhi batiya nahin sakungi. kitna shauk tha unhen bat karne ka. rat ko bhi lagatar bat karna chah rahin thi aur main unhen bar-bar chup kara rahi thi taki unki enarji bachi rahe. yahi soch-soch kar dil afsos kar raha hai ki kash, mainne unki sabhi bate shanti se suni hotin aur jo ve chahti thin vah sab kiya hota. is jan ka kya bharosa, abhi hai aur agle kshan nahin. pichle chah mahino se ve kafi kasht men thi aur is bar jo jyada bimar hui to ishvar ne bhi unke achche krityon ko dekhte hue unhen kashton se mukti de di. hal hi men ve apne nati ke vivah par sabhi rishtedaron se mili thi, sabke hal chal puche the aur daektar se vishesh agrah karke tatha anumti lekar vivah men sammilit hui thin. yah unki drirh ichcha shakti hi thi ki unhonne apna ashirvad apne nati aur uski vadhu ko vivah mandap men jakar diya. yah mere putra aur putra-vadhu ki khushkismati hai ki unhen unka ashirvad prapt hua. meri ankhon ke age man ka jivan chal-chitra ki tarah ghumne laga. sabhi rishtedar unke ghar akar unke bare men apni apbiti sunane lage aur unko yad kar dukhi hone lage. unka vyaktitva aur vyavhar tha hi itna saral ki kisi ko prabhavit kiye bina nahi rah sakti thin. unka janm 12 jun 1931 ko merath shahar men hua tha. ve chah bahnen v do bhai the. unke pita merath ke ek jane-mane vakil the. man shuru se hi parhai men bahut achchi thi. unhonne hindi men prabhakar pas kiya tha. silai, karhai, bunai, rasoi v ghar ke har kam men atyant daksh thin. mere pitaji ki bhi chah bahnen thin aur ve akele bhai the. unke vivah ke pashchat hi char bahnon ka vivah hua jise man ne puri jimmedari aur prem se kiya. bachapan men hamare ghar gay raha karti thi. subah se lekar sham tak chulhe ya angithi par apne hath se rasoi ka sara kam, gay ka sara kam, gobar ke uple banana, dudh se ghi banana, baba ji v amma ji ki dinacharya ka dhyan tatha sabhi mehmanon ko dekhna, ye sabhi kam ve itni khubi ke sath karti thin ki samay ka pata hi nahin chalta tha. subah char baje uth kar rat das baje tak bina aram kiye lagatar kam karna unki ek adat ban gayi thi. din men sabhi ke lie svetar banane v kapre silne ka samay bhi ve nikal leti thin. unke hath ke banaye hue svetr-shal aj bhi mainne sahej kar rakhe hue hain. meri buaon ke bachche bhi apni mami ji ki kushlta aur vyavharikta ke kayal hain. unhonne bhi unke banaye svetar v mashin se sile kapre pahne hain. man ne apni sasural ke har vyakti ki madad jarurat parne par pure jatan se ki. ve hamesha sabhi ki khoj-khabar leti rahti thin. unki yaddasht itni tej thi ki pure parivar ke bachchon ke janmadin ki tithi unhen kanthasth rahti thi. bina dayri dekhe ve kisi ki bhi janmatithi bata deti thin. parivar ka pratyek vyakti kya kam kar raha hai aur unke bachche kya parhai kar rahe hain, iski bhi puri khabar rakhti thin. bachapan men man ne hamen khub parhaya. meri hindi, sanskrit, ganit sabhi ka pura dhyan rakhtin. ve hamari likhai par bahut jor deti thin. unki puri koshish rahti thi ki bachche hamesha klas men pratham aen. mera ek hi bhai hai. apne donon bachchon ko man ne athvin kaksha tak svayan parhaya jabki aj main dekhti hun ki mata-pita apne bachchon ko tisri, chaithi klas se hi tayushan laga dete hain. ve atyant medhavi, sachchi, nidar, sahsi v karm pradhan mahila thin. unhonne apne usulon se kabhi samjhauta nahin kiya aur n hi kabhi beimani ka sath diya. bachapan se hamen bhi yahi sikhaya. ek bar hisab karte hue ek dukandar ne jyada paise vapis kar diye to use fauran paise vapis bhijvae. yah vakya hamesha mere jehan men raha aur maine khud bhi is par amal karne ki koshish ki. meri parhai tatha naukri ke bare men unhonne hamesha mera sath diya. ve yahi chahti thin ki ham dinondin khub tarakki karen. mere pita lagabhag 25 varsh pahle ritayar ho gaye the. ve sarkari seva men the lekin 10-15 varsh pahle unki yaddasht chali gayi thi aur ve keval ghar men hi simat kar rah gaye the. unki sari jimmedari bhi man ne atyant sahjta se apne upar le li. makan ke sare kirayedaron se bat karna, kiraya vasulna, makan ki marammat karvana, naye kirayedar rakhna sabhi kam ve is umra men bhi itni sarlta se kar leti thin ki mujhe ashcharya hota hai. vyakti jab sath hota hai to ham uski achchaiyon aur kushltaon ko samajh nahin pate. jane ke bad hi unke aham vajud ka ahsas hota hai. aj mere pita khud ko unke bina nitant ashay mahsus kar rahe hain. kisi ne thik hi kaha hai ki patni sirf patni hi nahin hoti. vah samay ke anusar bahan, beti v man sabhi kuch hoti hai. yahi unke sath hua. meri man mere pita ki seva man ki tarah hi kar rahi thin. unki ek-ek bat ka dhyan bachche ki tarah rakhti thin. ab mujhe sirf isi bat ki chinta hai ki pitaji ka samay sahi bite aur ve apne ghar men baki jivan sukh-shanti se bitaen. man ne apne jivan kal men sabhi ke lie kiya. dharmik karyon ko bhi pure manoyog se kiya. dan, dharm, vrat, puja sabhi unki dainik dinacharya ka hissa thin par apni putra-vadhu se unke vichar nahin mile. yah svabhavik hi hai ki vyakti jivanaparyant jaisa karta hai khud ke lie bhi vaisi hi apeksha rakhta hai lekin jab vah anshik rup se bhi nahin milta to bahut nirash ho jata hai. yahi meri man ke sath hua. sab kuch hote hue bhi putra ka vichoh unhen bahut salta raha aur antim samay men bhi putra ke darshan ki lalsa lie ve is duniya se vida ho gain. ishvar se yahi prarthana hai ki unki atma ko shanti mile aur ve parlok se bhi hamen apna ashirvad deti rahen aur hamara marg darshan karti rahen. aiye, karen inki kundli ka vivechn inki kundli men lagnesh mangal dasham sthan men apni mitra rashi men sthit hokar ‘kuldipak yog’ ka srijan kar raha hai jo bahut sundar pravahi yog hai. is yog ke karan inke andar sahas, imandari, karmanyata, seva bhav, adhyaynshilta jaise gunon ki pramukhta rahi tatha jivan men anachar v akarmanyata se hamesha koson dur rahin. lagnesh ka karm sthan men sthit hona is bat ki or bhi sanket de raha hai ki yah apne sanpurn jivan men pratyek karya ko bari lagan, parishram tatha imandari se karti rahin. sukh sthan ka svami shani kutunb sthan men sthit hone se inke upar hamesha parivarik dayitva ka bhar raha, parantu shani par brihaspati grah ki drishti hone se ye un dayitvon ko bhali-bhanti, sahjta purvak nibha pain. pancham bhav men rahu ki sthiti se evan panchmesh tatha putrakarak brihaspati ke ashtam bhav men hone se inhen apne putra ki or se sukh, sahyog prapt nahin hua. dusri or putrakarak brihaspati se satven bhav men vakra shani hone ke karan inka apni putra-vadhu ke sath bhi vaicharik matbhed bana raha. saptam bhav men svagrihi shukra tatha dashmesh surya ke yog ke karan inhonne apne pati ki purn samarpit bhav se seva ki. ashtamesh budh saptam bhav men hone se pati ki yaddasht jaisi bimari ka bhi sanket hai. chalit kundli men brihaspati grah dharm bhav men uchch rashi men hone se inke jivan men puja, path, dan, dharm paropkar adi shubh karyon ke prati sachchi pravriÿia bani rahi. vartaman samay men inki shani ki mahadsha men budh ki antardasha chal rahi thi. kundli men budh aur shani ki sthiti par vichar karen to shani is lagn ke ashubh akarak grah hain tatha vah marak bhav men sthit hai. dusri or antardasha vala grah budh bhi ashtamesh hokar marak bhav men sthit hai. in grahon ki mahadsha tatha antardasha praranbh hone ke sath hi inka svasthya adhik kharab rahnee lag gaya tha. vartaman samay men, jab inka dehavsan hua, us samay men gochar men (arthat chandra rashi ke anusar) adhikansh grah jaise shani, brihaspati, mangal, budh, surya pratikul avastha men the. is ghatna-kram men shani men budh tatha shani ki pratyantar dasha inke lie marak siddh hui. inka dehavsan baishakh,shukla paksh ki dvadshi ko pratah 4 baje brahma-muhurt men hua. aise samay men mrityu hone se jivatma sadgati prapt karti hai.
Kya aapko lekh pasand aaya? Subscribe
Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.