भारत में ही होती है संगीत चिकित्सा पद्धति

bharat men hi hoti hai sangit chikitsa paddhati  

Sambandhit Lekh | Views : 1544 |  

sar sankshepah

sangit chikitsa se tatparya hai svasth rahne aur bane rahne ke lie sangit ka prayog karna. chikitsakiya lakshyon ki prapti hetu sangitik tatvon ka ekal ya samuhik prayeag hi sangit chikitsa hai. aisi chikitsa paddhati jismen satik karyapranali evan prakriya ka prayog sangit ko prabhavshali dhang se upchar men prayog karne men kiya jae, sangit chikitsa kahlati hai.

sangit chikitsa vigyan aur kala ka samanvay hai. yah bhramak jankari hai ki sangit par adharit adhikansh sambandhi anusandhan sirf videshon men ho rahe hain, lekin bharat is mamle mane ab piche nahin hai, jabki bharat men shuru se hi sangit ki samriddh parampara rahi hai, aj bhi hai, lekin yahan sangit ke chikitsa sanbandhi pahlu par kabhi itna gaur nahin kiya gaya.“

jahan ek or bhartiya sangit ki madhur svar lahriyon se sari duniya ko mantra-mugdh karne ka kam mahan kalakaron ne kiya hai, vahin ab bhartiya sangit chikitsak bhi vishva-samuday ko apna chamatkar dikhane ko taiyar hain. is shodhapatra ka pramukh udyeshya ‘‘bhartiya men sangit chikitsa paddhati’’ ke prachalan ko ujagar karna hai.

parichyah

manav vikas kram men viksit prachin sangit paddhati ka tarkapurn evan upchar sanbandhi prayog siddh svarup hi sangit chikitsa hai . upchar sanbandhi vyaktigat lakshyon ki prapti hetu peshevron dvara sangitik tatvon ka chikitsakiya, praman siddh prayog vidhi evan prakriya sangit chikitsa kahlati hai.1 sangitik tatva jaise dhvani, lay, git adi ka prayog jab nishchit karyavidhi dvara nishchit svasthya sanbandhi lakshyon ki prapti hetu kiya jata hai, to sanpurn prakriya sangit chikitsa kahlati haiai. svasth rahne aur nishchit mansik evan sharirik svasthya banaye rakhne hetu sangit chikitsa ka prayog kiya jata hai. sharirik, manovaigyanik, bhavnatmak, bauddhik, tarkik evan samajik athva samudayik avashyaktaon ko chikitsakiya pravidhi ki paridhi men rahakar purn karna sangit chikitsa ka uddeshya mana ja sakta hai. anya shabdon men yojnabaddh evan rachnatmak rup mane sakaratmak parinamane ki prapti hetu sangit ka prayog chikitsa kahlati hai. sangit ek aise tatva ke rup mane jana jata hai jo vyaktitva vikas, sampreshan kaushal vikas, rachnatmakata evan srijnshilta vikas, abhivyakti evan anubhuti parakh yogyataon ke vikas men sakaratmak yogdan deta hai. bhrun se mrityuparyant sangit sanpurn jivan chakra ko prabhavit karta hai. yah ek vishvavyapi bhasha hai jo pratyek ko kisi n kisi rup mane prabhavit karti hai.

sangit ka rup koi bhi ho madhyam kuch bhi ho parantu svar, tal lay tatva multah saman hi honge. sangit chikitsa ka mul adhar bhi svar lay evan kavya jo hamare upar prabhav dalte hain.

sangit sunte samay hamare mastishk ke vibhinn hisson men gatividhiyan barh jati hai. sumdhur evan pasandida sangit hamare sanpurn chitt ko akarshit kar ekagrata pradan karta hai. yadi sangit kisi ghatnakram se jura hai to hamen uski yad turant a jati hai. jankar shrota smriti ke adhar par sangit ki tulna evan vishleshan karta hai. alpagyani sirf sunakar samagra prabhav se hi alhadit hota hai atah pratyek prakar ka sangit athva ek hi prakar ka sangit vibhinn shrota varg ke mastishkon ke bhinna-bhinn anshon/granthiyon adi par bhinna-bhinn prabhav dalta hai . chirprichit sangit buddhi ke tarkik evan smriti paksh ko prabhavit karta hai aur vyakti purva arjit gyan se upalabdh sangit ki tulna evan mulyankan karta hai. agyat ya alp gyat sangit sirf manoranjan karta hai usmane vyakti samjhbujh, smriti aur tark ka prayog nahin karta hai. mansik gatividhiyan, rasaynik utsarjan ko prabhavit karti hain, jo harmonal niyantran evan enjaims adi ke strav ke rup men hota hai. ”mastishk ka agrabhag seribram aur haipothailamas se bana hota hai. seribram vibhinn karyon mane samanvay ke lie kai kshetron jaise prerak kshetra, sanvedi kshetra, shravan kshetra mane banta hota hai. haipothailamas bhukh-pyas, tap ki matra tatha bhavnatmak kriyaon ka gyan karata hai. yah piyus granthi se harmono ka stravan ko uttejit karta hai tatha kuch harmonon ka sanshleshan bhi karta hai.2 varnit samast karya sharir ki vibhinn kriyaon mane samanvay aur santulan banate hain. sangit in bhagon par paryapt prabhav dalta hai. jisse inki gatividhi barh jati hai aur sharir par prabhav spasht dikhne lagte hain.

sangit-chikitsa manorogiyon ko nishchay hi aram de sakti hai, lekin yah sochna ki keval gane bhar se kisi manorog se purnatah chutkara paya ja sakta hai, sahi nahin hoga. kuch kathin rog to nishchay hi aise hote hai jin par sangit dvara niyantran pana asanbhav hi hai, par jin rogon ke upchar men sangit apna anukul prabhav dikhata hai, usmen bhi keval sangit ka ekantik prabhav nahin hota. manorogiyane ke upchar mane vastutah antrshastriya adhigaman (intara-disiplinri eproch) ki avashyakta hai n ki kisi ek paddhati ke ekantik upyog ki. sharirik, rasaynik, samajik aur manovishleshnatmak upcharon ke sath-sath sangit-chikitsa bhi upyog men lai jae to ilaj adhik prabhavi ho sakta hai.

gyatavya hai ki desh ke sarvapratham sangit chikitsak bhaskar khandekar, vigat 20 varshon se sangit chikitsa ke kshetra men karya karte hue hajaron rogiyon ki chikitsa kar chuke hain tatha desh ke anek shahron men chikitsa-shivir aur vyakhyan pradarshan kar chuke hain. duradarshan aur akashvani se bhi inke karyakram ka prasaran ho chuka hai. bhartiya chikitsa-paddhati ka vishvabhar mane prachar-prasar karne ke lie yah ek sarahniya kadam hai.“

vaigyanikon evan chikitsakon ne yah pramanit kar diya hai ki assi pratishat se adhik bimariyon ka mul mansik karan hi hai. iske niyantran ke kshamata sangit men hai. keval svar aur rag hi ismen sahayak nahin, apitu tal aur usmen nihit lay bhi iske sahayak upakaran hain parantu ismen svaron ka vishesh mahattva hai. sangit chitt ko sthirta pradan karta hai, jisse vyakti tanavrhit ho jata hai. mansik rup se vikshipt evan anya asadhya mansik rogon ke lie sangit atyant upyogi siddh hua hai. is chikitsa paddhati ka sabse adhik mahattvapurn paksh yah hai ki is chikitsa ka koi dushparinam nahin ho sakta, yah kisi bhi paristhiti men labhdayak hi hoga.

anusandhan se pata chalta hai ki sharir ki yantrana sahan karne ki kudrti kshamata sangit se barhti hai. sangit sunate hue jachgi hone par striyon ko aenestheshiya kam matra men dene se kam chal jata hai, aisa teksas medikal sentar men nishkarsh nikala gaya hai. nind n ane ki bimari (nidranash)ke rogiyon ke assi pratishat rogiyon ke lie saumya mridu sangit aur shastriya sangit upyogi siddh hua hai.

uchch raktachap ko kam karne ke lie aljayamars ke rogiyon ke hath tatha pairon par kabu rakhne ke lie sangit ka prayog ho raha hai. din pure hone se pahle jo bachche paida hote hain, unke svasth vikas ke lie sangit ka prayog ho raha hai. anya chikitsa ke sath-sath sangit chikitsa ki jane se bhukh, shvasochchvas adi men sudhar hone lagta hai. mojart ke sangit se budhyank arthat pnen men barhottari sanbhav hai, aisa anusandhan ke pashchat paya gaya hai-vaise is vishay men anusandhan jari hai.

vartaman samay men anargal vishyon ki or akrisht yuva-pirhi anek mansik aur sharirik dushparinamon se grasit ho rahi hai. aisi paristhitiyon mane sanpurn parivesh ko saumya, sundar, madhur, shant banane men evan sharirik-mansik udvignata men sahyogi sangit ki or unmukh agrasar hokar tanavagrast vatavaran se chutkara pa sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.