क्या नवरात्रि में विवाह कर सकते हैं?

kya navratri men vivah kar sakte hain?  

Sambandhit Lekh | Views : 1788 |  

samanyatah jan sadharan men yah prabal dharna hai ki navratri ke dauran koi bhi shubh athva manglik karya bina muhurt jane bhi kiya ja sakta hai.

is dharna ka anumodan kafi dharm evan jyotish marmagya bhi karte hain. isi dharna ke anusar kai parivar, vivah ka ayojan bhi isi avdhi men rakh lete hain. unka vishvas yahi rahta hai ki man ka nam lekar vivah kar do sab thik hoga. halanki is vishvas men koi do ray nahin ho sakti fir bhi ek anya matanusar navratri ke dauran vivah karna uchit nahin hai.

yon to is varsh navratri ki avdhi men vaise bhi vivah ka koi jyotishiya drishti se muhurt nahin hai fir bhi in 9 dinon ke andar vivah karna kyon varjit mana gaya hai ?

vastav men navratri ka parva, svachchata, pavitrata , sadgi ,satvikta , atmik sharirik evan mansik shuddhata, brahamacharya palan, sadgi se juda hua hai. isi ke lie vrat ka palan kiya jata hai. anek upasak kapde dhone, shev karne, shranrigar karne, madira sevan , mansahar , sansarg ,charpai par sone adi tak se parhej karte hain taki vrat khndit n ho tatha navratri men ki gai aradhna ka fal prapt ho sake.

chunki vivah ka uddeshya santan prapti v vansh vriddhi hai aur is avdhi men vivah ka abhipray hai parivar tatha karyakram se jude sabhi logon ke sanyam par kutharaghat karna. vaise bhi navratri ke vrat men ratri ka aur bhi adhik mahatva hai aur adhikansh vivah ratri men hi sanpann hote hain.

yahi nahin navratri men kanyaon evan mahilaon ki adhikatam bhagedari rahti hai jiske karan n to vrat palan hi thik see ho pata hai aur n hi vivah ka anand hi liya ja sakta hai. atah navratri men vivah n kiya jae to hi tarkasammat v shastra samamat rahta hai.

Kya aapko lekh pasand aaya? Subscribe
Kya aapko lekh pasand aaya? Subscribe


hastarekha visheshank  March 2015

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.