अपना करियर बनायें ज्योतिष की मदद से

apna kariyar banayen jyotish ki madad se  

Sambandhit Lekh | Views : 2354 |  

vidya dadati vinyan vinyadyati patratam .
patratvaddhanamapnoti dhanaddharman tatah sukham ..

arthat vidya se vinyshilta ati hai, vinyshilta se yogyata aur yogyata se dhan ki prapti hoti hai. dhan ho to manushya ke man men dharm ke prati rujhan hota hai aur jahan dharm hota hai vahan sukh ki prapti hoti hai.

10+2 men vigyan liya jaye ya vanijya (komarsa) ya arts, yah kundli ke adhyayan dvara pata chalta hai. atah ap apna naukri janmakundli dikhakar badal sakte hain.

janmakundli dvara pata chalta hai ki uchit samay kab. agar ap naukri chor ke bijnes karna chahte hain to kab shuru kare, kis sektar ya prodekt men shuru karen evan akele karen ya partanar ke sath, yah sab ap jan payenge.

kisi kundli ke vishleshan ke lie sabse kathin aur mahattvapurn pahlu, shiksha aur usse jura vyavsay, naukri ki ganna hai. ajakal up vyavsay itne barh gae gae hain ki unmen itni prakar ki bhinnata a gayi hain ki vyavsay ke vastavik rup ko nishchit karna bahut hi kathin ho gaya hai. samaj men pratiyogita aur insan ki apni mahatvakanksha itni barh gayi hain ki jyotish is halat men ek ramban ki tarah kam karta hai.

jyotish ya tairo kard riding ke dvara ham vyakti ke grahon ka adhyayan karte hain. naukri ke lie chatha bhav pramukh hota hai. vahin vyavsay ke lie saptam bhav pramukh hai. profeshanal praiktis ke lie dasham bhav ka gaur se chintan karna hota hai. yah keval pramukh bhav hote hain. iske alava vyakti ki kundli ka lagan, dhan bhav, parakram bhav, ashtam, dasham, ekadash bhav ityadi bhi adhyayan karne parte hain. sabhi susangat tathyon ki uchit janch ke bad yah pata chal jata hai ki koi vishesh ajivika uske lie munafa laegi ya hani ka karan ban sakti hai.

janm kundli ke janmang, rashi chakra, navmansh

dashmansh adi shodashavarg kundaliyan, vibhinn dashaen evan gochar grah dvara milakar bhagya ko suchit karte hain evan disha dikhate hain ajivika ke marg ki. yogya jyotishi ke pas jakar yah vishleshan karna bahut hi faydemand rahta hai kyoki aise gaidens ke bad vyakti aur uske ghar vale apna mulyavan dhan aur samay dayrekt us kshetra men laga sakte hain jisse vyakti ko sabse jyada fayda aur saflta milne ka yog hai.

man ki nirasha se bacha ja sakta hai aur asflta se jo hin bhavna se yuvak grast hote hain, unka atmabal tut jata hai. usse bhi bacha ja sakta hai. jyotish ke dvara tir usi nishane par lagaya jata hai jisse vyakti jivan men saflta, adar aur samman ki sirhi charhe aur bulandiyon ko arjit kare.

koi bhi naukri ya vyavsay apnane se pahle ka mahattvapurn kadam hota hai- uchch shiksha ka. jyotish shastra men yah vishay bahut hi sundrta se nirdharan hota hai ki kaun ke grah bali hai, kaun se grih aur kaun se bhav apas men sambandh bana rahe hain, kaun se agami grah ki dasha ane vali hai. in sab batane se ingit hota hai ki vyakti ki pravritti kis vishay men hogi. jyotish gyan ke mul srotra ka uchit adhyayan kar shiksha ka svarup batana sanbhav hai.

kuch grah aur unse sambandhit vishay yahan prastut hain isse apko gyat hoga ki ek hi grah kitne vibhinn prakar ke karakatva dikha sakta hai aur sahi vishay ka chayan sahi samay par hona bhavishya men saflta ke lie kitna avashyak hai-

chandrah medha shakti, smaran shakti ke lie chandra ka bali hona avashyak hai.

budh: ganitiya kshamata, abhivyakti aur akalan ki kshamata, vishleshan kshamata, vak shakti, lekhan kshamata ke lie budh ko bali hona chahie. yah bali hone se vyakti apna kariyar bana sakta hai. vanijya, bainking, arthashastra, patrakarita, mas kamyunikeshan ityadi.

surya: surya tejasvita evan saflta ka karak hai. yah sarkari naukri, apna kam ya praivet sanstha men uchch pad dikhta hai. lekin kis sektar ya indastri men jana chahie yah kundli ke baki grahane ki pojishan bataegi.

mangl: injiniyaring, maining, sarjari, yuddh vidya ityadi.

guru: devalay ka salahkar, kaibinet mantri, ai pi es adhikari, uchch stariya naukri, jaj ya vakalat, ityadi.

shukra: abhinay, faishan, edvrtaijing, intiriyar dekoreshan, eyrlains, eyar hostes, yatra ejensi se sambandhit, hotal ityadi men saflta milne ka yog hota hai.

shani: ismen bhi bahut sare sektars hain jaise loha, tel, rabar, syahi, kuking gais ityadi.

agar apke pas apke janm ke ditels nahin hain ya nishchit nahin hain to bhi apko puri kariyar gaidens mil sakti hain prashn kundli ki mahan taknik se.

Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.