श्वित्र: (सफेद दाग) ल्यूकोडर्मा

shvitra: (safed dag) lyukodarma  

Ank ke aur Lekh | Sambandhit Lekh | Views : 3475 |  
shvitra koi bhayankar ya janleva rog nahin hai, ek am samasya hai fir bhi pirit ke man men hin bhavnaen utpann hoti hain jisse pirit sarvajnik rup se samne ane se katrate hain. ayurved men tvacha par ane vale safed dag-dhabbon ko shvitra kahte hain. am bhasha men ise fuleri bhi kahte hain. lekin adhunik vigyan men ise ‘lyukodarma’ kahte hain. hamari tvacha ki do parten hoti hain bahya aur bhitri. bhitri parat ke niche ke bhag men melanofol koshika men ek tatva hota hai jise melenin kahte hain. is tatva ka mukhya karya tvacha ko prakritik varn pradan karna hota hai. jab yah tatva vikrit ho jata hai tab shvitra rog hota hai. melenin tatva ke kan tvacha ke bhitar, niche ki satah men utpann hote hain aur ve hi upar akar tvacha ko prakritik varn pradan karte hain. tvacha ke jitne bhagon men in kanon ka abhav hota hai, vahan safed dag dikhai dete hain aur agar pure sharir ki tvacha men hi melenin ka abhav ho, to us vyakti ka pura sharir safed dikhai deta hai. yahan tak ki ankhon ka kala bhag bhi safed lagta hai aur sare bal bhi safed ho jate hain. rog ke karn: ayurved men pap karmon ko rog ka karan kaha gaya hai. sath hi dudh-dahi, dudh-machli jaise vibhinna gun yukt chijon ko apas men milakar khane se bhi yah rog ho sakta hai. pet men krimi, anv, taifaid, piliya, tapedik adi rogon ke bad bhi is rog ki utpatti ho sakti hai. shvitra ki utpatti anuvanshik bhi hoti hai. agar mata-pita men se ek ya donon shvitra se pirit hon, to unki santanon mane bhi rog utpann hone ki ashanka rahti hai. ayurved ke anusar shvitra rog men kaf ki pradhanta hoti hai. tvacha ki choti-choti shiraon men avrodh ke karan melenin tvacha utpann nahin ho pata hai jisse shvitra rog utpanna ho jata hai. gharelu upchar: -vakuchi namak aushdhi is rog ke upchar ke lie pramukh mani gai hai, jise khane aur bahri lep donon tarah se kiya ja sakta hai jo labhkari hai. bakuchi tel ka lep kar ke subah ya sham ko surya ki kirnon ko tvacha par 10 minat tak parne den. iske falasvarup tvacha par fore ho jate hain. un forane ko kante se bhed kar safed tvacha nikal deni chahie. ghav par nim ka tel lagane se tvacha ka prakritik varn ubhar ata hai. is upchar ko chikitsak ki dekh rekh men karen. - anjir ke patton ka ras ya dudh lagane se bhi sharir ke safed dag dur ho jate hain. - nim ke patte, hara ya sukha anvla, pratah surya uday ke purva, jal men pisakar pine se safed dag dur ho jate hain. - karanj ke bij, haldi, harar, rai ko barabar matra men pisakar lep karen safed dag dur honge. - milava tvacha rogon ki ek bahu upyogi aushdhi hai, jiske sevan se shvitra rog aur kaf-vat se utpanna sabhi rogon men aram milta hai. is aushdhi ka upyog achche chikitsaka ki dekh rekh men karna uchit hoga. -tambaku ke bijon ka tel lagane se safed dag dur hote hain. - kaner, aduse ki patti, karanj, nim, kshativan ki chal barabar matra men tatha kattha das gram lekar panch kilo pani men ubalen. is pani ko chanakar din men ek gilas pine se safed dag dur ho jate hain. - khair sar aur anvle ke sath vakuchi ke bijon ka churn milakr karne se safed dag thik ho jate hain. -gular se bana -udanbar avleh’ ek chammach ki matra men pratah ek bar rogi ko khilana chahie. isse bhi shvitra rog men sudhar hota hai aur safed dag dhire-dhire mil jate hain. - uprokt sabhi upcharon men parhej ki avashyakta hai. bhojan men tej masale aur tamsik ahar ka sevan n karen aur hari sabjiyon ka prayog karen. tali tatha jali chijon ka prayog khane men n karen. ubla aur sada bhojan labhkari rahta hai. jyotishiya drishtikon jyotishiya drishti se tvacha ka karak chandra aur budh grah hai. shukra grah tvacha ko nikharta hai, sundr banata hai. mangal grah sharir men un tatvon ki utpatti karta hai jo tvacha ko prakritik varn banae rakhne men sahayak hota hai. yadi janmakundli men lagnesh, lagna aur sanbandhit grah dushprabhavon men hon to aise rog ki sanbhavnaen barh jati hanai. vibhinn lagnon men shvitra rog: mesh lagna: lagnesh mangal, rahu-ketu se yukt shashth ya ashtam bhav men ho aur budh lagn men shani se yukt ya drisht ho. shukra ast ho to jatk ko shvitra rog ho sakta hai. vrish lagna: lagnesh shukra ast hokr ashtam bhav men vakri mangal lagn men aur saptam bhav men budh ho, rahu tritiya ya pancham bhav men ho to jatk ko tvacha sanbandhit rog hota hai. mithun lagna: lagn aur lagnesh donon vakri mangal se drisht ya yukta ho, chandra rahu-ketu se yukt chaturth ya pancham bhav men ho, shukra ast ho ya nich ka ho to jatak ko shvitra rog ho sakta hai. kark lagna: budh-shani lagn men, chandra saptam bhav men, surya dvitiya bhav men, shukra rahu se yukt tritiya bhav men ho to jatak ko safed dag ho sakte hain. sinh lagna: lagnesh surya rahu ya ketu se yukt shashth ya saptam bhav men ho, shukra ashtam bhav men, budh ast ho, chandra shani se yukt ya drisht chaturth ya ekadash bhav men ho to jatak ko tvacha sanbandhit rog hota hai. kanya lagna: mangal lagn men ya lagn par drishti, rahu se yukt hokr de, budh ast ho, chandra par rahu ya ketu ki drishti ho, guru kendra men ho to jatak ko shvitra rog ho sakta hai. tula lagna: guru lagn men rahu se yukt ho, shukra shashth, saptam ya ashtama bhav men ast ho, chandra mangal se yukta hokar kendra men ho to jatak ko tvacha sanbandhit rog ho sakta hai. vrishchik lagna: rahu se yukt, budh lagn men ho ya lagn par drishti de, shukra-chandra, shani se yukt ya drisht ho to jatak ko tvacha rog, shvitra jaisa rog ho sakta hai. dhanu lagna: shukra budh lagn men rahu ketu se yukt ya drisht ho, guru chandra se yukt ashtam bhav men ho to jatk ko shvitra rog ho sakta hai. makar lagna: guru shashth bhav men, chandra se yukt rahu se drisht ho, shani chaturth bhav men surya se ast ho, budh, shukra, tritiya ya pancham bhav men ho to jatak ko shvitra rog ka samna karna parta hai. kunbh lagna:shguru chandra lagn men ho, mangal shashth bhav men rahu se yukt ho, budh shukra chaturth bhav men ast ho, shani dvitiya bhav men ho to jatak ko shvitra rog ho sakta hai. min lagna: shukra lagn men shani rahu-ketu se yukt chaturth, saptam ya ekadash bhav men ho, chandra shashth bhav men ho aur budh ast hokar dvadash bhav men ho to jatak ko shvitra rog ho sakta hai. uprokt sabhi yogon (sanbandhit grahon ki) men dasha-antardasha evan gochar ke pratikul rahne se rog hote hain. uske uprant jatak ko rog se rahat mil jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.