खुशी के साथ चला गया घर की खुशी

khushi ke sath chala gaya ghar ki khushi  

Ank ke aur Lekh | Sambandhit Lekh | Views : 801 |  
ayushchalok yatrashch, shastresminstat prayojanam nishchetun tann shaknoti vasishtho va brihaspati. ki punarmanujastatra visheshattu kalauyuge arthat maharshi parashar ke anusar ayu ganna aur jivan sangram men ghatne vali ghatnaon ko devacharya brihaspati aur vasishth jaise devarshi tak thik thik nishchay nahin kar sakte to manushyon ki visheshtah kaliyugi manushyon ki to bat hi kya hai. khushaprit ki kundli men dhyan dene yogya tathya hai ki uski kundli men charo kendra khali hai lagn par kisi bhi shubh grah ki drishti bhi nahin hai. adhikatam shubh grah ashtam aur dvadash men hai. isi prakar ka yog bhi alp ayu ki or ishara karta hai. disanbar 2010 ki 21 tarikh. panch varshiya balak khushaprit sinh, skul se lautakar ghar ki dusri manjil par dopahar 1 baje dres badlne gaya aur 2.55 baje tak niche nahin aya to uske bare bhai indrajit ne avaj lagai. khushaprit jise pyar se sab khushi pukarte the, pure burail men kahin nahin mila to uske pita lakhbir sinh ne chaiki men 4 baje riport likhvai. 4.22 par ek fon kal se pata chala ki bachche ko agva kar liya gaya hai aur 10 lakh ki firauti mangi gai hai. riport rat 10 baje likhai jati hai. mamla 4 lakh men tay hota hai. pulis tim ke 24 sadasyon ke sath khushi ke chacha sukhvindra sinh baig lekar jate hain. apaharanakarta sthan badl-badal kar chakate hain aur ek jagah rupyon ka baig lekar bhag jate hain. pulis hath malti rah jati hai. 5 janvri ki sayan, khushi ka shav usi baig men burail-mohali ki sima par jhariyon men milta hai aur pulis ki nakami aur bachche ki krur hatya par jan andolan chir jata hai. prashasan suchna dene valon ko 5 lakh ka inam ghoshit karta hai. parivar ko apne kosh se 4 lakh ka muavza deta hai. is apaharan v hatya kand ke bad kaindal march, jan andolan,nyayik janch, pulis karmiyon par karravai adi ka silsila chalta hai. 7 janvri ko bachche ka antim sanskar kar diya jata hai aur 19 janvri ko kuch pulisakarmi nilanbit kar die jate hain. shak ki sui kai logon par ghumti hai, par katil ek mahine ke bad bhi pakre nahin jate. aie, karte hain pure kes ka jyotishiya vivechan. kya khushaprit ke janmang men alpayu yog tha? balak ki janm tithi 18.6.2005 samy: 18.20, chandigarh. brishchik lagn v tula rashi ki kundli men 3.2.2010 se rahu men chandrama ka antar chal raha hai. rahu ki kul dasha 22.8.2012 tak hai. tula rashi par sarhe sati ka purn prabhav hai. iske alava kundli men anshik kal sarp yog, visheshtah rahu ki dasha men apratyashit ghatna ki or sanket karta hai. lagnesh mangal, pancham bhav men rahu ke sath virajman hai aur chathe shatru bhav ka bhi svami hai. lagn par mangal yukt rahu ki navam drishti hai. ye do yog lagn ko kamjor bana rahe hain. shani chandra ki rashi men hai aur chandra nirbal hai. alp ayu yog ka ek karan aur bhi hai. yadi dhanu navansh ho aur navansh kundli men lagnesh chathe bhav men chala jae to jatak ka 5 van ya 9 van sal jan ke lie khatrnak hota hai. khushaprit ka 5 van sal hi chal raha tha. kuch anya yog bhi aisi durghatana ki or ishara kar rahe hain. chathe bhav ka svami yadi pancham men ho to rishtedaron ya jankaron se shatruta v sharir ki hani ka bhay jivan men avashya hota hai. athven ghar ka malik 8 ven men hi sthit hai jo jivan kal ko chota banata hai. navmesh ka vyay bhav men baithna bhagya ki nyunta darshata hai jise am bhasha men kaha jata hai ki iski to kismat hi kharab hai. iske atirikt dvadshesh shukra mrityu sthan arthat 8 ven bhav men sthit hai jo jivan ka alpakal darshate hain. ek anya jyotishiya sutra hai ki yadi surya mithun rashigat ho aur mangal ki drishti ho to jatak ki mrityu shatru ya shatruta ke karan hoti hai. is kes men yadyapi katil pakre nahin gae hain,jyotish ke anusar yah kisi parivarik ya kisi sanbandhi ki shatruta ka hi parinam hai jo ane vale samay men sach ka parda fash karega. ek yog ke anusar yadi mangl- rahu ki angarak yuti ho to jatak ki achanak mrityu kisi hathiyar, lohe ya eksident se hoti hai aur khushaprit ki bhi kisi hathiyar se hi jivan lila samapt ki gai. apaharan ke samay yog khushaprit ka apaharan 21.12.2010 ko dopahar 2 aur 2.55 ke madhya kiya gaya. us samay lagnesh mangal ,rahu budh aur surya ke sath hain. arthat duahsthanon 3, 6 v 8 ven bhavon ke svamiyon ka jamavra ek hi bhav men hai. chandra kundli men ye vightnkari grah, lagn ko purn drishti se dekh rahe hain. yahan rahu dhokhe ka karak hai aur shesh yog mrityu karak ya anhoni durghatana ka sanket dete hain. balak ka shav ek baig men ek vyakti ko 5 janvri ki sayan 4 bajakar 22 minat par dikha. khushaprit ki kundli men dhyan dene yogya tathya hai ki uski kundli men charo kendra khali hai, lagn par kisi bhi shubh grah ki drishti bhi nahin hai. adhikatam shubh grah ashtam aur dvadash men hai. isi prakar ka yog bhi alp ayu ki or ishara karta hai. vrishchik lagn ke lie shukra atyadhik markesh grah hai aur yahan shukra markesh hokar ashtam bhav (mrityu bhav) men shatru grah surya ke sath sthit hokar apratyashit mrityu ki or sanket kar rahe hain. prayah dekhne men ata hai ki yadi chandrama nirbal ho, papdrisht ho, shubh grah yukt n ho, duahsthanagat ho to balak ke lie arishtakar hota hai. khushaprit ki kundli men chandrama dvadash sthan men pap grah mangal se drisht hai aur kisi bhi shubh grah ki drishti men nahin hai. apaharan ke din ka gochar dekhane to 21 disanbar ko rahu, surya, mangal aur budh (ast tatha vakri) dhanu rashi men gochar kar rahe hai aur chandra v ketu mithun rashi men bhraman kar rahe hain. arthat khushaprit ka marak bhav krur grahon ki upasthiti se buri tarah se prabhavit ho raha hai aur rahi sahi kasar ashtam men baithe chandra aur ketu aur unki dvitiya bhav par drishti puri kar rahi hai. janm kundli ke anusar apaharan ke samay rahu men chandrama men shani aur mrityu ke samay budh ki pratyantar dasha chal rahi thi. is vakt khushaprit ki shani ki sarhesati chal rahi thi aur mrityu ke samay (5 janvri 2011) dhanu rashi men ghat chandra the aur budh ashtam bhav men ast hokar baithe the. aur is tarah khushaprit itni alp ayu men hi apne ghar ki khushiyon ko alvida kar sada ke lie prabhu ke pas chala gaya. kul milakar yadi dekha jae to khushaprit ki kundli men to alp ayu yog ke sabhi lakshan virajman hain aur aisi apaharan aur hatyayen hamare desh men hoti rahti hain lekin aise kaun se yog hain jisne prashasan ko hila diya, lakhon log sarkon par utar ae, kafaryu jaisi sthiti ho gai, sansad evan kendriya mantri pavan bansal nafsos prakat karne gae, panjab ke rajyapal patil ko kes men hastakshep karna para, firauti ki rakam pulis apne khajane se lauta rahi hai, prashasan muavja de raha hai, khushaprit ka bhog divas use ek shahid ki sangya dilva gaya. yah hai shani ka guru par tisra netra aur guru ka 11 ven bhav men chandrama ke nakshatra men sthit hona. yadi chaturthesh navam men ho to jatak sabka pyara ladla aur sarvanjnik ho jata hai. khushaprit burail ke mohalle aur apne skul men haraman pyara tha. uski antyeshti par chandigarh ke itne log ekatrit the jitne ek bare rajneta ke sanskar men bhi sammilit hote. sanskar sthal par chandigarh pulis ke varishth adhikshak naunihal sinh ki akhen men bhi ansu chalak ae. bhog ke samay sarken jam ho gai aur apar jansmuh shraddhanjli dene ja pahuncha.
Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.