कैसे जानें कि संतान कितनी होगी?

kaise janen ki santan kitni hogi?  

Ank ke aur Lekh | Sambandhit Lekh | Views : 766 |  
santan sukh ki bat jab bhi sochte hain to sarvapratham man men yahi vichar ata hai ki santan kitni hogi? pati-patni yah janna chahte hain ki unke kitne bachche honge. daivagya is bat ka uttar kundli dekhakar bata sakte hanai. santan sankhya ka vichar karte samy desh kal evan paristhiti ka dhyan avashya rakhna chahie. purvakal men adhik santan ke hone par man-bap ko bhagyashali kaha jata tha parantu ajakal kam santan hone par bhagyashali kaha jata hai. prachin daivagyaon dvara kathit yog ajakal ki paristhitiyon men nae rup se samjhne honge. santan sankhya ka vichar karte samay adholikhit do ritiyon ka prayog karna chahie. 1. panchmesh aur bhukt navansh dvara santan ki sankhya ka vichar. 2. ashtakavarg se santan sankhya ka vichar. panchmesh aur bhukt navansh dvara santan ki sankhya ka vichar is riti ka prayog karte samay in sutron ka palan karna chahie. û panchmesh kaun sa grah hai evan kis navansh men sthit hai. vah jitne navansh bhukt kar chuka hai utni hi santan hongi. û par kie hue navansh men jitne purush navansh hain utne putra evan jitne stri navansh hain utni putriyan hongi. ismen aur satyata lane ke lie navansh ke svamiyon par bhi drishti rakhni chahie. û purush navansh ke svami stri navansh men hon to aise jitne navansh honge utne putron ki hani hogi. isi prakar stri navansh ke svami purush navansh men sthit hon to aise jitne navansh honge utni putriyon ki hani hogi. û yadi navansh svami bali ho aur uchch, sva ya mitra navansh men sthit ho to santan dirghayu hoti hai aur yadi navansh ka svami nirbal ho aur nich ya shatru navansh men sthit ho to santan alpayu hoti hai. ashtakavarg se santan sukh ka vichar gurvashtak varg men guru grah se panchvane bhav men jitni shubh rekhaen hon utni santan hongi. gurvashtak varg par vichar karte samay yah bhi dekhen ki guru se panchven bhav men kaun-kaun se grah shubh rekhaen pradan kar rahe hanai. shubh rekha pradata koi grah nich rashigat, ast, ya shatrukshetri hai to use kul rekha sankhya men se ghata den. guru se pancham bhav men prapt kul rekha sankhya men se nich, shatru aur ast grahon ki rekha sankhya ghata dene par jo shesh bache use santan sankhya samjhen. isi prakar uchch aur svakshetri grahon dvara pradatt rekha sankhya ko doguna kar den, vahi santan sankhya hogi. udaharanasvarup ek jatak ki lagna tatha navansh kundliyon ka vishleshn yahan prastut hai. lagn kundli men panchm bhav men stri rashi makar sthit hai evan pancham bhav panchmesh shani se drisht hai. pancham bhav par purush aur putrakark guru ki drishti parti hai. panchmesh shani navansh rashi stri evan purush grah mangl ke navansh men sthit hokar svanvansh ke purush grah guru se drisht hai, islie purush prabhav adhik hone se pahla bachcha putra hua. panchmesh shani (5/140/14’/0’’) panchven vargottama navansh men sthit hai aur char navansh bhukt ho chuke hain. pratyek navansh ka svami chandra (karka), surya (sinh), budh (kanya), shukra (tula) evan vrishchik (mangl) hai. gat navansh char hain jinmen stri navansh rashi do kark aur kanya ke svami grah chandra aur budh kramshah purush aur stri navansh men sthit hain islie ek kanya ki hani evan ek ki prapti hui, evan purush navansh rashi do sinh aur tula ke svami grah surya aur shukra purush aur stri navansh men sthit hain islie ek putra ki hani evan ek ki prapti hui. is prakar jatak ke do bachche putra aur putri hain. dusri riti ke anusar gurvashtak varg men guru se panchven bhav men chah shubh rekhaen hain. ye rekhaen pradan karne vale grah shani (shatrukshetri), mangal (samakshetri), surya (adhimitra kshetri), shukra (shatrukshetri), chandra (shatrukshetri) evan lagn (lagnesh budh hai aur guru vahan sthit hai) hain. shani, mangal, shukra aur chandra ki char rekhaen kul sankhya chah men se ghata din to shesh do bachin. atah jatak ke do bachche putra aur putri hain. ap ukt donon ritiyon se yah jan sakte hain ki apki kitni santan hongi.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.