रुद्राक्ष कैसे फलदायी सिद्ध हो ...

rudraksh kaise faldayi siddh ho ...  

Ank ke aur Lekh | Sambandhit Lekh | Views : 1460 |  
rudraksh kaise faldayi siddh ho....? gopal raju rudraksh bhagvan shiv ka priya abhushan hai. yah upay isi par adharit hai. rudraksh dhan-dh aanya, sukh-anand adi se lekar dharm evan mokshadata mana gaya hai. isilie yah bhautikvadi logon sahit yogi, sanyasi, tapasvi, yati, rishi-maharshiyon adi sabka priya hai. yadi kahen ki ismen daihik, bhautik tatha adhyatmik tinon prakar ke sukhon ko prapt karvane ki adbhut kshamata chupi hui hai to atishyokti nahin hogi. rudraksh ke darshan matra se samast papon ka tatha daridray ka nash ho jata hai. aj hamara sabse bara durbhagya yah hai ki is chote fal ki vilakshanata ko parkhne ke lie hamare pas paini drishti ka sarvatha abhav hai. yadi thik-thik ham yah sunishchit bhi kar len ki amukh mukh vala rudraksh hamen ras aega to usko sulabh karvana saral nahin hai kyonki inse hi milte-julte nakli rudraksh ki bajar men bharmar hai. apne is upay ke prayojan ke lie apko avle ke akar ke tatha katthai rang ke rudraksh lene hai. ye sukhe nahin hone chahie. dekh len ki ye sukh kar chatakh to nahin gae hain. prayah pratyek rudraksh apne men dhan-dhanya tatha sukh-sampatti karak hai parantu yahan yah upay ek, chah, ath, barah aur chaidhmukhi tatha gauri shankar rudraksh ke lie likha ja raha hai kyonki inmen lakshmi ko rijhane ka vishesh gunadharm chipa hai. sarvapratham apni samathrya-suvidhanusar inmen se ek athva adhik rudraksh upalabdh karen. vaise to koi bhi rudraksh athva uski mala prayog karne se purva uski pran pratishtha, uske mantra athva bij mantra ke jap ka vidh aan hai. yah prakriya jatil, lanbi tatha sarvasadharan ki samajh v pahuech se sarvatha dur hai. abhi tak kahin bhi aprakashit saralatam upay pure vidhi-vidhan ke sath yahan antah prerna se tatha sadhu-sadhkon ke adeshanusar prasad svarup prastut hai. kisi bhi din rudraksh ko sarson ke tel men dubokar rakhen. tisre din ise nikal kar tel saf karke ise ek din ke lie panchamrit men dubonkar rakhen. agle din panchamrit se nikal kar saf karke nimn prakar se puja kar siddh karne ke uprant prayog karen. jo bhi ek athva adhik rudraksh apne shuddh kiya hai use yogya vyakti se pran-pratishthit karva len. yadi svayan kar sakte hain to sabse sanudar hai. is upay ke lie vaise to amavasya ki koi bhi kal ratri chuni jati hai parantu dipavli ki mahanisha iske lie sarvadhik upyukt hai. takli se kata hua kachcha sut tatha chuna hua rudraksh lekar ap kisi ekant sthan men kisi ghane pipal athva bar ke vriksh ke niche jaen. uske niche jar men yah rudraksh rakh den. iske charon or 7 barfi ke tukre tatha ek mutthi sabut urad ki kali dal saja den. man men nirantar lakshmi ji ka dhyan banaen rakhen. ab nimn likhit mantra ka jap karte hue tatha hath se dhire-dhire kachcha sut vriksh par lapette hue vriksh ki sat bar ulti pradakshina karen arthat apne daen hath se baen hath ki or - ‘‘ramanta punya lakshmirya papista aninasham’’ (atharva 7/115/4) arthat-punya lakshmi hamare ghar men raman kare aur jo anarthamul papini hai vah vinasht ho jae. is prakar mantra japte hue vriksh par ap sat bar kachcha sut lapet den. ulti pradakshina ka tatparya hai prayashchit svarup ap vriksh ko sakshi manakar apna maji sudhar rahe hain. yah upay pitra janon ki shanti svarup bhi samjha ja sakta hai. upay ke ant men mitti ke patra se shraddha purvak vriksh ko aghrya den aur jal se bhar kar patra ko barfi ke pas hi rakh den. rudraksh ko uthakar ukt mantra japte hue tatha yah bhavna nirantar banate hue ki lakshmi ji ko ap ghar men pravesh karvane ja rahe hain. ab rudraksh ya to dharan kar len athva ise lal kapre men lapetakar apne puja sthal athva anya pavitra sthan par sthapit kar den. nitya ek niyam banakar mantra ka niyamit jap karte rahen.
Kya aapko lekh pasand aaya? Subscribe

Kya aapko lekh pasand aaya? Subscribe


Deepawali  अकतूबर 2017

फ्यूचर समाचार का अक्टूबर का विशेषांक पूर्ण रूप से दीपावली व धन की देवी लक्ष्मी को समर्पित विशेषांक है। इस विशेषांक के माध्यम से आप दीपावली व लक्ष्मी जी पर लिखे हुए ज्ञानवर्धक आलेखों का लाभ ले सकते हैं। इन लेखों के माध्यम से आप, लक्ष्मी को कैसे प्रसन्न करें व धन प्राप्ति के उपाय आदि के बारे में जान सकते हैं। कुछ महत्वपूर्ण लेख जो इस विशेषांक में सम्मिलित किए गये हैं, वह इस प्रकार हैं- व्रत-पर्व, करवा चैथ व्रत, दीपावली एक महान राष्ट्रीय पर्व, दीपावली पर ‘श्री सूक्त’ का विशिष्ट अनुष्ठान, धन प्राप्त करने के अचूक उपाय, दीपावली पर करें सिद्ध विशेष धन समृद्धि प्रदायक मंत्र एवं उपाय, आपका नाम, धन और दिवाली के उपाय, दीपावली पर कैसे करें लक्ष्मी को प्रसन्न, शास्त्रीय धन योग आदि।

Subscribe

Apne vichar vyakt karein

blog comments powered by Disqus
.