कुंडली से मिलते हैं भाग्यशाली होने के संकेत

kundli se milte hain bhagyashali hone ke sanket  

Ank ke aur Lekh | Sambandhit Lekh | Views : 576 |  
is sansar men kuch log apne jivan men jaldi tarakki kar jate hain jabki kuch logon ko iske lie bahut sangharsh karna parta hai. kai bar itna sangharsh karne ke bavjud saflta nahin mil pati hai. kuch bahut hi amir ghar men paida hote hain aur kuch log bahut hi garib ghar men. kuch amir ghar men paida hokr dhire-dhire garib ho jate hain aur kuch log garib ghar men paida hokar dhire-dhire amir ho jate hain. kuch log bahut achcha parh likhkr berojgar rahte hain aur kuch log thora parhe likhe hone par bhi achche kam kaj men lag jate hain. kuch log kahte hain ki bachche ke janm ke bad ghar men bahut tarakki hui aur sab kuch achcha ho gaya jabki kuch log kahte hain ki jab se bachcha paida hua man bap bimar rahte hain aur ghar men pareshani a gai hai. kuch log kahte hain ki shadi ke bad patni ke ane se tarakki aur unnati hoti gai jabki kuch log kahte hain ki shadi ke bad din pratidin kam kharab ho raha hai. is sansar men adhikatar log charhte hue surya ko namaskar karte hain. agr ap achche pad par hanai ya apko sab prakar ki sukh suvidha hai to apke anek mitra honge, agar kuch nahin to apko koi puchne vala nahin hoga. jyotish men navam sthan ko bhagya evan dharm sthan mana jata hai. janmapatri dekhte samay sabhi vishyon par vistar purvak vichar karna chahie. sabse pahle lagn ko dekhen, vah ek ansh se kam aur 29 ansh se adhik nahin hona chahie. agar lagn kamjor ho ya sandhi men ho to kundli kamjor hoti hai. lagnesh ke ast hone par kundli men bahut hi kharabi a jati hai. aise men grah kitne bhi achche hon, kuch n kuch pareshani bani rahegi. lagnesh vakri ho aur apne sthan se chathe, athven ya barhven, chala gaya ho to kanudli kamjor hogi. jyotish men guru, shukra, budh aur pakshabali chandrama ko shubh mana gaya hai. agar ye grah kendra ya trikon men hon, to kundli men arisht bhang karte hain arthat achcha yog banate hain. janmakundli men trikon sthan 1, 5, 9 aur kendra sthan 1, 4, 7, 10 ko achcha mana gaya hai lagn. (prathm sthan) ko kendra aur trikon donon mana gaya hai. janmakundli men amdni aur dhan ke lie dusra aur gyarhvan sthan donon achche hanai, lekin tandurasti ke lie nahin kyonki dusra sthan marak hai aur gyarhvan chathe se chatha hai. janmakundli men 6, 8, 12 sthanon ko kharab mana jata hai. islie agar lagnesh, bhagyesh, navmesh, labhesh aur dhanesh kendra ya trikon men hon, to kundli men achcha yog ban jata hai. agar koi achcha grah navam men ho, to achcha fal deta hai. chandrama paksh bali ho aur us par kisi papi grah ka prabhav nahin ho, to janmapatri men bahut hi shakti a jati hai. kundli men chandrama ki sthiti bahut achchi hone se adhi kundli svatah hi shubh hai aur kharab hone se ashubh hoti hai. janmakundli dekhte samay lagn, chandra lagn aur surya lagn tinon ka vichar karna chahie. lagn sharir hai, chandrama man aur dimag hai aur surya ka sanbandh atma se hai arthat surya atma hai. agar tinon ki sthiti achchi ho, to jatak rashtrapti, pradhanmantri, rajyapal ya mukhyamantri athva ai. e. es ya ai. pi. es. adhikari ho sakta hai. aur sukh suvidha ki har chij prapt ho sakti hai. janmapatri men lagn, chandra lagn aur surya lagn ke anurup sanpurn kanudli apna fal karti hai, in tinon ko kundli men kendra bindu mana jata hai. islie agar surya lagn ke donon taraf shubh grah a jate hain ya surya sa chathe aur athven gharon men shubh grah sthit hote hain, to surya lagn ke donon tarf shubh madhyatva parne ke karan surya lagna balvan hota hai. yahi sthiti yadi lagn aur chandra ke donon taraf ho, to ve bhi bali hote hain. lekin chandrama ko dekhte samay uske paksh bal par dhyan dena jaruri hai. agar chandrama paksh men durbal ho, to uski shakti bahut kam ho jati hai. islie chandra lagn ke donon taraf surya nahin hona chahie kyonki jab surya chandrama ke najdik a jata hai tab chandrama paksh men durbala ho jata hai. surya ki shani, rahu aur ketu ke sath yuti hone par ya inki drishti men hone par surya ashubh ho jata hai aur bari sima tak apna achcha fal nahin de pata. usi tarah chandrama shani, rahu aur ketu ke sath ya inki drishti men hone par bahut hi kamjor ho jata hai aur dhan ka nuksan karta hai. lagnesh jab papi grahon ki yuti ya drishti men a jata hai, to jatak bahut hi kam paise kama pata hai. upay: lagnesh aur bhagyesh ka ratna dharan karne se har prakar ki pareshani se chutkara milta hai aur parinam 35 pratishat achcha milta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.