क्या आपकी जन्म पत्री बता सकती है कि कब होगा हार्ट अटैक

kya apki janm patri bata sakti hai ki kab hoga hart ataik  

Sambandhit Lekh | Views : 2111 |  

jyotish men ve sabhi rahasya chipe hue hain jo ap apne bare nanhi akhon se nahin dekh sakte.

jyotishi apni ganna men galat ho sakta hai jyotishash‘aastra nahin. aur yah ganna jyotishi ke anubhav, gyan, uski vishleshan yogyata, janmapatri ka sahi samay adi kai bindanuon par nirbhar karta hai. ek daektar marij ka dayagnosis karke tabhi rog bata sakta hai jab rog ho chuka ho parantu janmapatri ke madhyam se us din hi sab rog pata chal jate hain jis din vah manushya is dharti par janm leta hai. pahle din hi bataya ja sakta hai ki jatak ko kab kaun sa rog hoga? ainak kis ayu men lagegi

durghatana kab ghategi] joron ka dard kab hoga] sarjari kab hogi

kis bhag ki hogi, fraikchar sharir ke kis bhag men aur kab hoga, dil ki bimari hogi ya nahin, kshay rog hoga ya kainsar, raktachap, elarji, gathiya, kidni adi ke rog honge ya nahin, hanege to kis varsh men adi adi. sab kuch pahle hi tay hai aur bataya ja sakta hai. parantu manav vyavhar aisa hai ki apne bare men kuch bhi nakaratmak sunna hi nahin chahta aur jyotishi ke pas vah sab kuch achcha achcha sunne jata hai jo uske man men pahle se hi hota hai. atah rog hone se pahle janne men aur uski savdhani rakhne men chuk jata hai.

chikitsa vigyan to rog ghatit hone par hi bata sakta hai ki kainsar ki tisri stej hai ya gael blaidar men pathri hai parantu apki janmapatri aur anubhvi jyotishi apko barson pahle ane vale rog se agah kar sakta hai. jaise kisi bhi vishay ki alag alag speshlaijeshan hoti hai vaise hi jyotish shastra men bhi bhavishyakathan ki bhinn bhinn shakha,n hain jismen siddhast jyotishi hi thik bhavishyavani kar sakta hai. jyotishshastra ki medikal shakha par anek vidvanon ne anusandhan karke anekon pustaken likhin hain jinmen ve sabhi yog apne anubhvon ke anusar likhe hain jinse ye rog hote hain. kis dasha men honge yah janna aur mahatvapurn ho jata hai taki samay rahte upchar aranbh kar diya jae.

is lekh men ham keval hriday rog ke vishay men bat karenge kyonki hart ataik ya isse sanbandhit rogon men gat kuch varshon men apratyashit vriddhi hui hai. har parivar men koi n koi mil jata hai jiske satent para hai ya baipas sarjari hui hai ya is rog ke lakshan parilakshit ho rahe hain. medikal vigyan iska karan galat jivan shaili, anavashyak pratispadrdha, samay rahte chekap n karvane adi ko dosh deta hai jo kisi sima tak to thik hai parantu hamne apne anusandhan men paya ki yadi janmapatri men ve yog janmakalik hi hain to bhi achche khanpan, sada jivan, rojana ki sair, tanenshn-fri -laif ke bavjud opan hart sarjari ho gai!

kundliyon ka vishleshn

chandigarh ke ek prasiddh hart keyar aspatal ke kardiyo vibhag ke marijon ki kundliyon ka vishleshan aur unse batchit karne par paya ki yadi hart ataik ka kambineshan apki kundli men hai to apko achche se achcha sarjan ya hriday rog visheshagya bhi is rog se nahin bacha sakta. is aspatal men ek hart speshlist daektar, ek kisan, ek fauji, ek mahila, ek 12 sal ka bachcha jab bai pas karvate dikhe to unhonne un sabhi tathyon ki pushti ki jinse hart praeblam nahin honi chahie aur fir bhi achchi sehat, uchit rakhrkhav aur niyamit vyayam, yogasnon adi ke bavjud ho gai. hridyaghat purane jamane men bhi hote the parantu karan samajh nahin ata tha aur parivarajan yahi kahte nahin thakte the ki bahut achche karm ki, the, bas ek minat laga, avaj di aur sansar se chupchap vida ho gae. koi seva nahin karvai. aj chikitsa vigyan sukshm star par iske karnon ki parakh aur ilaj karta hai.

yon to jyotish shastra ki medikal shakha bahut vishal tatha chikitsa vigyan ki tarah hi kampaliketid hai fir bhi ham ek am pathak ki suvidha ke lie kuch yog bata rahe hain jo ve svayan apni kundli men dekh sakte hain ya suyogya jyotishi ko dikha sakte hain jiska is shakha men purn anubhav ho. ems sahit kai anya chikitsa pratishthanon ke aise chikitsak bhi mile jo rog dhundhne men is shastra ka bhi sahara lete hain. kuch bare daektaron ne jyotish shastra ki bakayda vidhivat shiksha bhi li hai.

kundli men pratham bhav sharir, chaitha v panchvan chati v hriday ka, chatha bhav rog, rin v ripu ka mana gaya hai. barhvan bhav aspatal aur vyay ka hota hai. athvan mrityu sthan kahlata hai. yadi in tinon bhavon ki dasha,n ek sath a jaen ya gochar men paraspar sanbandh ban jae to samjhen ki apat kal lagu hone vala hai ya mrityutulya sthiti banne vali hai ya kort, kachhri, thane v aspatalon ki parikrama ke din a gae hain.

yadi lagn men shubh grah hain aur lagnesh balvan hai to is rog ki sanbhavna kam rahti hai aur pahle bhav men hi krur grah ya markesh ki drishti ya yuti ho to hriday rog ki sanbhavna prabal rahti hai. pahle khane men hi surya, mangal, rahu, shani grahon ki yuti ho ya drishti ho ya chathe bhav ka svami svayan lagn men ho to bhi hart sanbdhi samasyaon se bachna kathin rahta hai.

  • dil ke rog ka karak grah surya hai to mangal rakt sanchar ko niyantrit karta hai. shani rogon ka dyotak hai.
  • shashthesh yadi kisi anya bhav se parivartan yog banata hai to us ang ki hani karta hai.
  • yadi sinh, kanya aur vrishchik lagn ho to bhi hriday sanbandhi rog ki ashanka rahti hai.
  • suarya nich rashi ka ya mangal ke sath ho aur pratham, chaturth ya 10 ven bhav men vidyaman hon. surya- guru v shani, mangal,
  • surya shukra 4 men, ya rahu-ketu ki drishti ho to bhi is ghat se jivan danvadol ho jata hai.
  • dasven bhav men surya v mangal hon, rahu ya ketu ka drishti sanbandh ho to putra shri ya naukri kisi n kisi karan dil ke rog ka karan ban jate hain.
  • yahi yog dusre bhav men hon to adhik dhan ya dhanhin hone se hota hai. saptam bhav men aise yog hon to patni ya preysi karan banti hai. pancham bhav men devdas ki paro iska karan ban jati hai.
  • shani- budh ki yuti ya inki dasha, dil ki nasen kamjor karte hain.
  • mesh lagn men shani, kark ka shashthesh budh aur surya pap madhya ho to bhi hriday rog hota hai.
  • aise bahut se yog har lagn ke lie alag alag hain parantu mukhyatah dil ki bimari surya-shani aur dil ka daura shani-mangal dete hain.

2015 men jab shani - mangal ki brishchik rashi men a gae to hamne dekha ki aspatalon men hriday rogiyon ki sankhya pahle se doguni ho gai aur marij ve the jinki kundliyon men uprokt yog us samay prabhavi the.

hriday rog ki kundli ka vivechan

yahan ham in jyotishiya yogon aur kundli men vidyaman grahon ki sahayta se prayas karenge ki 1950 men janme ek jatak ki kundli ke faladesh men 2014 varsh ke disanbar mahine men hart ataik v sarjari likhi thi aur varshafal men bhi isi avdhi men ganbhir rog aur mrityu tulya kasht likha tha. jatak ka janm 10 mai 1950, samay 13ah15, sthan shimla hai. sinh lagn men shani-mangal ki yuti aur rog sthan ka svami shani deh sthan par shatru kshetra men, apne shatru mangal aur vah bhi sinh ki shatru rashi men vidyaman hai.

jis din jatak ka janm hua, usi din yah nishchit tha ki markesh prabhavi hone par sharir ko nuksan ho sakta hai aur hriday rog hi hoga. ketu yahan markesh hai aur chandrama 12 ven sthan yani vyay aur aspatal ka malik. 2014 ke ant men ketu- chandra ki dasha lagi, shani ,mangal ki 8vin rashi men navanbar 2014 men ae to 19 disanbar, 2014 ko bai pas sarjari karni par gai. chunki chandra-ketu ki dasha julai 2015 tak hai, islie tin bar isi rog sanbandhi, aspatal men bharti hona par gaya. ek bar lagabhag mrityu hi ho chuki thi aur daektaron ne 6 ghanton men purnajivit kar diya.

shodas varg ki trishansh kundli jahan se rog adi ka vichar kiya jata hai, par bhi yadi najar dalen to bhi chathe bhav ka svami mangal lagn men hai aur trishansh ka svami budh ashtam sthan yani mrityu bhav men chala gaya hai. yadi isi kanudli ke gochar grahon ya dasha men 8 ven bhav, arthat mrityu sthan ke svami guru ki dasha ya antardasha ya drishti sanbandh ban jata to jivnlila samapt hone men koi shanka nahin thi.

jatak ke dada ji svayan jyotishi the atah yah sab samay, likhit rup men tha aur parivar ko is apatkal ki jyotish ke sashakt madhyam se purva jankari bhi thi aur unki putri svayan ek kardiyolojist hai, atah samay rahte sabhi medikal suvidha,n pradan kar di gai. yahan jyotish par vishvas kaise n kiya jae jab kundli ke faladesh v varshafal men sarjari ki tarikh tak di gai hai. jatak ki kundli men ketu v budh markesh hai jiski dasha 2020 tak hai aur uske bad shukra ka samay aranbh hoga jo svayan mrityu sthan arthat 8 ven bhav men rahu ke sath vidyaman hai. is yog ki bhavishyavani ka anuman ham pathkon aur jyotish gyataon aur ane vale samay par chor dete hain.

hamara is lekh ka mul udeshya jyotish ke prati vishvas, astha, sahi akalan, vishleshan, purva suchna aur samay rahte sachet rahna hai.

Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.