सिर दर्द: कारण और निवारण

sir darda: karan aur nivarn  

Ank ke aur Lekh | Sambandhit Lekh | Views : 888 |  
sir darda: sir dard rog kitna faila hua hai iska anuman is bat se hi lagaya ja sakta hai ki 27 karor jansankhya vale amerika men 4.5 karor log isse grast hain. inmen se 2.8 karor log keval adhe sir darda (maigren) ke shikar hain. bharat ke shahron men bhi kuch itne hi rogi siradard se pirit hain. yah rog shahriyon men jyada paya jata hai. karyalyon aur skulon donon men hi adhik se adhik anupasthiti ka ek mukhya karan sir dard hai. sir dard samanyatah char prakar ke hote hain. tanav se hone vala sir darda: 90 pratishat logon ko sir dard tanav ke karan hota hai. ismen rogi ko rojana hi sir dard ho jaya karta hai. yah dard manspeshiyon ke sikurne se hota hai. yah dard ek mahine men kabhi-kabhi 15 dinon, ya fir isse adhik dinon tak hota rahta hai. is dard ka sanbandh adhik avaj ya roshni se nahin hota. adhe sir ka dard (maigren): sir dard ka dusra mahatvapurn prakar hai. yah dard kyon hota hai yah abhi thik prakar se gyat nahin hai. aisa samjha jata hai ki yah rog pirhi dar pirhi chalta hai is rog men dimag men kuch badlav ho jate hain ya fir janm se hi dimag ke kuch hisson men parivartan rahte hain. yah dard jyadatar hathaure marne jaisa lagta hai. har bar sir men keval ek hi taraf dard rahta hai. lekin kabhi-kabhi dusre hisse men bhi dard ho sakta hai. yah dard amunan 4 se 72 ghante ya fir kabhi-kabhi isse bhi adhik samy tak rah sakta hai. ek mahine men iske kai daure par sakte hain. maigren dard ka daura tej, chamkti roshni, tej avaj, adhik mahak adi ke karan ho sakta hai. is dard ke sath-sath chakkara ana, ulti ana ya fir pet dard jaise lakshan bhi ho sakte hain. maigren ke rogiyon ko uchcha raktachap, dama, tanav, jaise anya rog bhi ho sakte hain. tanavajanya tatha maigren kabhi-kabhi donon hi dard ek sath bhi ho sakte hain. klastar hedek: yah kam logon ko hota hai. parantu ism dard anya sabhi dardon se tej hota hai. isse grast kuch log suiyan chubhne aur kuch sir fatne jaise kasht ki shikayat karte hain. ya vahin kuch anya logon ko dard lagatar rahta hai. rogi dard se itne bechain ho jate hain ki ek jagah baithna unke lie dubhar ho jata hai aur idhar se udhar chakkara lagate rahte hain. in rogiyon ki ek ankh ke piche hi dard hota hai. yah dard 14 se 90 dinon tak rah sakta hai. achanak hi yah gayab bhi ho jata hai- punah lautne ke lie. anya karnon se hone vala sir darda: sainas, sir men chot lagne ke bad netra rog, uchch raktachap, dimag men kisi rasoli (tayumr) karnon se bhi siradard hota hai. sainas ke karan hone vale sir darda ke rogi ko gal ki haddi men nirantr dard rahta hai iske atirikt mathe men ya nak ki haddi men bhi dard ho sakta hai. sir ko achanak morne se yah darda jyada bhi ho sakta hai. is dard ke sath-sath nak bahna, chinken ana, kan band rahna, bukhar ya fir chehre par sujan ana adi lakshan bhi mahsus kie ja sakte hain. netra rog skuli chatron men siradard, najr ki kamjori se bhi ho jata hai. bachche skul men blaikbord ko thik se nahin dekh pate. iska karan dur ki najr ka kamjor hona hai. kabhi-kabhi kala motiya ke rogi bhi siradard se pareshan rahte hain. harmon sir darda: yah sir darda aurton men harmons ke barhte girte stara ke karan mahvari ke samay, garbhavastha men ya fir mahvari band ho jane ke bad ho jaya karta hai. rasayan, jaise garbh nirodhak goliyan khane se bhi kuch striyon ko sir dard ho sakta hai. kaise hota hai sir darda: kuch sandesh dimag, rakt dhamniyon tatha aspas ki nariyon ke as pas janm lekar, adan pradan karte hain, jiske karn sir dard chalu ho jata hai. in sab kriyaon se rakt dhamniyan tatha sir ki manspeshi ki nariyan uttejit ho jati hain aur ye nariyan, dimag ko dard ke sandesh bhejna shuru kar deti hain. in nariyon men uttejna kyon hoti hai, yah abhi tak gyat nahin hai. maigren ke rogiyon ke dimag men ek maigren dard kendra rahta hai. kuch kriyashil nari koshikaen aise sandesh bhejti hain, jinse pahle to rakt dhamniyan sikurti hain aur fir fail jati hain sath hi prostaglendin aur serotenin namak rasayan rakt men a jate hain. yahi rasayan dard ko hathaure jaisa ya sir fatne jaisa banate hain. kabhi-kabhi sir dard achanak hi ho jata hai. iska karan sankraman, jukam, bukhar aur jaisa ki upr bataya gaya- sainusaitis namk rog, ya gale men sankraman ya kabhi kabhi karn rog rahta hai. tanavajanya sir dard ka karn parivarik pareshani ya karyasthal, skul men mansik tanav ya fir madyapan, asamay bhojan karna ya lanbe samay tak bhukhe rahna, sone ke sthan ya samay men parivartan, rasayan ya davaon ka sevan, dabav, parhte ya karya karte samay kamar evan gardan ka asmanya avastha men rahna ya fir ankhon men tanav hona hai. sir dard ke sath-sath nari tantra men garbri ke karan bhi dimagi rog;thtanpd kpemanemaddh hote hain. ye rog sankraman, meninjaitis, enseflaitis, dimag men rakt srav hone, rasoli banne, rakta ke thakke jamne, sir ko chot lagne ya fir dimag men fore aur mavad ke banne ke karan ho sakte hain. kabhi-kabhi kuch rasaynon ke vatavrn men rahne ya istemal karne se bhi ye rog ho sakte hain. sir dard ka nidan: nidan hetu sabse pahle sir dard kis prakar ka aur kis avasthaon men jyada ya kam hota hai, yah janna atyant avashyak hai. raktachap samanya rahe, to ankhon tatha kanon ki janch karni chahie. inmen kuch kharabi nahin milne par anya janch jaise si. ti. skain ya fir em. arai. skain karana chahie. in janchon se dimag ke rogon ki pahchan bakhubi ho jati hai. sir ke eksare se amtaur par is rog ki kuch khas jankari milti. un kuch logon ko, jo sir dard hone par behosh ho jate hain, i i ji ki jarurat bhi par sakti hai. kabhi -kabhi ilaj ke bavjud apekshit aram nahin milta hai. aisi avastha men sir dard visheshagya se salah lena uchit hoga. parantu hamare desh men aise visheshagya keval shahron ke kuch bare aspatalon men hi mil sakte hain. upchar: ilaj ke safal hone ke lie yah jaruri hai ki chikitsak ke pas siradard ke karnon ka thik prakar se nidan karne ke lie samuchit samy ho. rogi apni bhojan dayri men, jo khata hai, jis vatavaran men rahta hai, jo karya karta hai adi sab kuch kramanusar pratidin not kare, to chikitsak kuch had tak sir dard ke karnon ko pakr sakta hai. yadi dard dhime-dhime lagatar kuch jhunjhunahat bhara ho, aisa lage ki sir men ek patti sakhti se bandhi hui hai, to iska karan tanav hota hai. is darda men upalabdh am dard nivarak davaen jaise perasitamol, aibuprofen adi aram dilati hain. maigren ka dard aksar aurton men hi adhik dekha jata hai. is dard ke daure ke samay ek andhere shant kamre men rahna achcha lagta hai. garm thandi senk sir aur gardan men aram deti hai. kabhi-kabhi malish, chay, kafi adi se bhi kuch log aram pate hain. is dard men chikitsak dvara batai gai davaon ka puri matra tatha niyam se istemal karna uchit hai. kabhi-kabhi sir dard, rojana ek hi samay par hota hai. dard ke samay sath hi ankhon se pani bhi ata hai. dard sui chubhne jaisa, ek hi taraf rahen, tej bhi ho to klastar hedek hota hai. yah dard 45-90 minat tak rahta hai. is dard ke dauran rogi aram nahin karna chahta aur khane ki davaen aram nahin detin, islie 100 pratisht aksijan tatha sui lena labhdayk hota hai. aise dard ke lie aisi davaen faydemand hoti hain jinse dard ka hona hi roka ja sake. is samuh men bita blaekr tanavrodhi, manspeshi ka tanav kam karne vali aur anya davaen ati hain. maigren ke rogiyon ko maigren n ho iske lie flunarin dava leni chahie. yah atyant karagar siddh hui hai. lagabhag 4-5 pratishat logon ko sir dard prayah roj hi rahta hai. aise logon ko dard se bachav ki davaen hi labh de sakti hain. dard nivarak davaon ke lagatar istemal se bhi dard ho jaya karta hai. ise ribaund hedek kaha jata hai. yah dard subah uthte hi hota hai aur pure din rahta hai. aise men lagatar khai ja rahi dard nivarak davaen khana band karne par hi aram hota hai. kuch logon ko sir dard khansi karne ya lagatar khanste rahne se bhi ho jata hai. aise men sadharan davaen aibuprofen aur pairasitamol pura aram de deti hain. yad rakhen, sir dard agar achanak hi bahut tej hone lage aur anya lakshana jaise bukhar, gardan ka akar jana, sharir par dane nikal ana besudh ya behosh hona, mirgi ka daura parna adi dikhai paren ya fir ekadam se kamjori mahsus hone lage, bolne men dikkat ho, hath-pair sunn par jaen, dard sir men chot lagne par, girne ya kisi ke dhakka marne ke bad ho aur aram karne tatha dava khane se bhi aram n mile, tab ghar par baithkr ilaj n karen, turant kisi achche chikitsak se paramarsh len. vataran men bhi kai karan hote hain, jo sir dard utpann karne men mahatvapurna bhumika nibhate hain. aprakritik pey padarth tatha chainij saes adi ke sevan se bhi maigren hone ki sanbhavna rahti hai. panir, samudri machliyan aur anya jiv, mansahari bhojan, chaklet, achar, khamir yukt bhojan, mungfli se bana makkhan, dablroti, soyabin saes, pijja, chikan, hat daeg, sharab adi ka sevan bhi is dard ka karn hai. ilaj ke kuch khas upay bayofidbaik: is prakriya dvara rogi ko sir dard ke dauran hone vale mansik tanav, manspeshi men tanav hriday gati tatha sans gati adi ke bare men jankari upalabdh karai jati hai. dhire-dhire pure sharir ko tanavmukta karne ka niyamit prayas kiya jata hai. rogi ke siradard, fir tanav aur tanav se fir siradard ka chakra tut jata hai aur dhire-dhire rogi apne rog par kabu karne ka tarika sikh leta hai. yah tarika tanav, maigren tatha klastara hedek sabhi ko kabu karne ya unse bachne men sahayak hai. is tarike men ilektromayograf namk mashin dvara manspeshi tanav ko mapa jata hai, khasakar mathe ki manspeshi ke tanav ko. kyonki yahi manspeshi tanav tanavajanya dard ka mukhya karn hai. tapman trenr: is upakaran dvara tapman mapa jata hai aur jab manushya tanav men hota hai to uska tapman kam ho jata hai. isi se pata chal jata hai ki vyakti ko tanav shuru ho gaya hai. aise men use tanav rahit rahne ka upay shuru kar dena chahie. hriday gati mapak yantra- ise kan ya ungli par laga diya jata hai. is yantra dvara hriday gati kitni hai asani se chal jata hai. jab ham tanav men hote hain, to hriday gati barh jati hai aur fir ham use kam karke sir dard se bach sakte hain. aikyupankchar ;.banachanadabajanatamaddhah is kriya men urja le jane vali 14 bari meridiyan par sthit 12000 ekyu ke sthanon par mahin suiyon ko chubhoya jata hai. chin men ise adikal se prabhavshali dhang se istemal kiya jata hai. chiniyon ke anusar, urja ke asantuln se ‘chi’ visthapit ho jati hai aur darda ka karan banti hai. ekyupankchar is urja ke asantulan ko samanya karta hai. ekyupankchar dvara suiyan chubhone se aindorfin namak rasayan ka sharir men sanchar hota hai. endorfin, morfin namak dava se milta julta hai. yah rasayan dard ke sandeshon ko dimag tak nahin pahunchne deta. malish: yah achcha aur kargr tarika hai tanavajanya dard thik karne ka, khasakar jab gardan ke piche ki manspeshi men dard ho. gandhyukt tel: kuch tel aise hote hain jinki gandh hi siradard ko dur kar deti hai jaise levendar, jinjar, piprmint aur vintaragrin tel. in telon ko sunghne ya fir gardan ya kanpti evan mathe par lagane se tanav ke uprant hone vale sir dard men aram milta hai. agar vatavaran hi tanav evan dard ka karan ho, to usse se dur chale jana chahie ya fir ho sake to us vatavrn ko pradushit kar rahe tatvon men sudhar karna chahie. yog ajakal bahut prachlit hai. adhikansh rogon men yogasan, pranayam adi bahut labhdayak hote hain. siradard, jo mukhyatah tanav ke karan hota hai, se bachav ke lie rogi ko ek kriya pratah aur sham ko surya ki or munh karke karni hoti hai. is kriya men ankhen band karke sirfa mathe par bal dalna hai. yah kriya din men do bar karni chahie aur har bar sau bal dalna chahie. ise karne se rogi ko 50 pratishat tak aram pahle hi saptah men bina koi dava khae milega. kuch logon ko niche die gae khadya evan pey padarthon men se ek ya anek ke khane pine se bhi sir dard utpann ya jyada ho sakta hai. mashrum;dneitvvauddh, pyaj, achar, chaklet, chaklet dudh, khatte fal, koko, madira, aprakritik pey jaise kok, pepsi, chay, kaefi, pijja, panir, khasakar svis, cheddar ya fir mojeraila. panir men tayramin namak rasayan ke rahne se sir dard utpann tatha jyada hota hai. bhojan ko surakshit karne ke lie istemal kiya gaya rasayn monosodiyam glutamet ;dailaddh se bahut sare logon ko siradard ho jata hai. iska istemal dibba band khadya padarthon, soyabin saes, meva adi ko surakshit karne hetu kiya jata hai. in sab padarthon ke atirikt kuch logon ko gehun, sitafal ke bij, til ya fir mungfli ya mungfli se bane makkhan adi se bhi sir dard ho jata hai. dard ke karan jivan se ub chuke logon ke lie kuch sujhav: û pratidin kisi sushikshit yog guru se shiksha lekar yogabhyas karen. û mathe ko sikorne vali upar batai gai kasarat sau-sau bar subah aur sham karen. û din men 8 se 10 glas ya isse adhik pani avashya pien. û ahar men dhire-dhire pakaye hue bhojn ko kam karke anttah purnatah kachche bhojan, falon mevon evan bakri ke dudh ka yathasanbhav sevan kar saken aur hamesha khush rahen to sanbhav hai ki siradard se bahut had tak chutkara mil jaega.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  September 2006

manushya ko jivan ke har kshetra men nana prakar ke kasht, pareshaniyon evan badhaon se do-char hona parta hai. inhen anek sroton se pareshaniyan evan vipatti ka samna karna parta hai. kabhi ashubh grah samasyaen evan kasht pradan karte hain to kai bar kala jadu athva bhut-pret se samasyaen utpann hoti hain. fyuchar samachar ke is visheshank men prabuddh lekhkon ne apne alekhon men inhin sab mahatvapurn baton ki charcha vistar se ki hai tatha inse mukti prapt karne ke nanavidh upay batae hain. mahatvapurn alekhon ki suchi men sanlagn hain- kya hai bandhan aur unke upay, yadi ap ko najar lag jae, sharirik badhaen harne vali vanaspatiyan, bhut-pret badha, mantra shakti se badha mukti, kasht nivaran, badha ke jyotishiya upay v nivaran, kalyankari jivon ke chitra lagaen badhaon ko dur bhagaen adi. in alekhon ke atirikt anya mahatvapurn alekh jivan ke bahuvidh kshetra se sambandhit hain tatha inhen sthayi stambhon men sthan pradan kiya gaya hai.

Subscribe

Apne vichar vyakt karein

blog comments powered by Disqus
.